أتطلق وإلا أصبر...مع اني ماعاااد فيني صبر

خليه يصلي ويلتزمم بصلاته غصب وشوفي حالكم كيف يتعدل انتي اشتكي لله وادعي ان ربي يهدي زوجك ( انك لا تهدي من احببت ولاكن الله يهدي من يشاء ) ادعي من كل قلبك وتراها ايام وتعدي ...


والله عادي اشوف عوايل اكبر من عايلتكم الحرمه وعيالها صابرين وانتي اشتغلي كمان لو بيدك واصرفي على اولادك وكملي الاحتياجات لين تتحسن ظروفكم بس ..
الله يصبركم حبيبتي ويسخركم لبعض الصلاه والدعاء عليكم بها اختي

انا اشوف افضل حل تشوفين لك وظيفه تصرفين منها وهو يتكفل بعياله وبالبيت وانت يعلي الأقل تصرفين علي نفسك ولو بغيتي تصرفين كم شغله للعايل فقط هذا افضل حل والعيال عاااد شوفي اهلك يمسكونهم او اهله او أي وحده قريبه لك ولو تعطينها 500 ريال والحين وظايف كثيره ب4000 ريال تمشين حالك وزوجك الله يهديه في وظياف كثيره حتي لو ماعنده راتب اقل شي سكيرتي ببنك يعطونهم 4500 وش مصبره علي 3000 خليه يتحرك مايصير كذا

ذكريه ان سوء احوالكم سببها ابتعاده عن الله خلي احد من اهلي ينصحه ابوه او اخوه او امه دخليهم بالموضوع من غير ما يحس عليكِ
لا تستعجلي بالشغل اخاف لو اشتغلتي يعتمد عليك بالمصروف عالآخر ومارح تتهني ولا تقضي اغراضك براحتك حتى لو ساهمتي المصروف
اغلب الرجال صاروا يحطوا حمل المصروف على الحريم ورح يقولك ليش تشتغلين مو عشان البيت يلا ادفعي
الله يفرج همكم ويفتح لكم ابواب الرزق

انصحك حبيبتي اصبري واصبري واصبري هذا زوجك وابو عيالك فلا تبتعدي عنه بسبب مصروف دامه الْحٍمَدٍللـّہ موفر لعيالك الي يقدر عليه
انصحيه وذكريه بالله وقوولي خلينا نتقرب من الله عشان الله يرزقنا ويكرمنا من فضله
وانصحك بالاستغفار الاستغفار الاستغفار لاتغفلي عنه وادعي بسجودك ان ربي يصلح حال زوجك ويتغير للافضل ويرزقكم الله راح تشوفي والله تغير بنفسك وفبيتك وفبركة المال استغفري كثير وشوفي هنا قصص عن الاستغفار وكيف ربي فرج عليهم
واذا حبيتي بعد تشتغلي اشتغلي شغله تساعديه وتساعدي نفسك
بس الجي الى الله واشكي همك بسجودك راح تنفتح لك ابواب
الله يسعدك يارب ويرزقك من فضله

شكرا لكل اللي قرات موضوعي وردت ..في القلب ذكراهم انا موحاطني بحساباته ابدا يعني الاشياء اللي قلتي عليها اشياء بديهية مااحد يقدر مايسويها يعني عيالة مايشتريلهم الا الحليب والبامبرز بس ..حلاوة شيبس الاشياء هاذي مايجيبها الا نادر واهلي لرحتلهم يشترونلهم ..والفاتورة ان ماسددها بتطفي الكهرب ..بقول شغلة وممكن تستغربون انا ليفة مواعين بريال لي شهر ونص اطلبة ويطنش اغسل بقماش قطن اقصة واغسل فية شامبوا لنا اسبوعين ماجاب لان مامعه والتايد يجيب قليل واستعملة شوي شوي حالتنا حالة وش اقول وش اخلي بس انا منقهرة لان محتاجة على الاقل خمسين اشتري فيها كريم ليديني مااحب اشوفها جافة ابكي من القهر ..وانا الحمدلله استغفر واعرف فضل الاستغفار واقوم الليل وواثقة بربي انه بيفرجها ..بس تعبت من الصبر علية تعبت ..والوظيفة مالقيت مااااالقيت واحنا عندنا عيب وفصيحة الحرمة تشتغل اي شغلة لاازم تكون مثلا مدرسة وكذا ...الله كريم