أتطلق وإلا أصبر...مع اني ماعاااد فيني صبر

الله يعينك ...لاااازم تصبري وباذن الله بتفرج
وروحي للمدارس الي ف منطقتكم اكيد بتلقين اي وظيفه حتى لو براتب 1500
والغي الانفصال من بالك

بنات هو يصلي
(مايصلي..بالمسجد ..اقولة صل بالمسجد وحافظ على الصلاةبوقتها يطنش)
بس تقولك مايصلي بالمسجد بس يصلي بالبيت هذا اللي فهمته منها
الحمدلله فيه دين يعني ماترك الصلاة بس استمري بالنصح بسلوب حلو يصليها بالمسجد
المهم مايترك الصلاة حتى لو بالبيت مايتركها


تدرين انه تقدرين تقدمين على الضمان اذا جبتي لهم ان راتب زوجك مايكفي
وصدق الصمان يعطون الزوجات اللي راتب ازواجهم 3000 يصرفون لهم حتى لو هم موظفين حكوميين
مو يعني اتطلق عشان اخذ من الحكومه 700 او 600
الحكومه تعطيك وانتي عند زوجك بس قدمي عليهم وارسلي كل الاوراق زي راتب زوجك وديونه والاقساط اللي عليه راح يعطونك
خالتي يعطونها ضمان وعيالها كلهم موظفين حكوميين وراتبهم ممتازه بس قدمت انه زوجها متوفي وراتب التقاعد حق زوجها الفين ونص ويصرفون لها الحكومه
انتي كذا مايحتاج طلاق عشان تاخذين من الحكومه


وثاني شيء ليش ماتتوظفين ؟ باي مكان
تاخذين اقل شي 3000 باي وظيفه وكذا ترتاحين

عيب اي شغله لازم مدرسه ؟؟!!!

ياختي ارضي بالقليل يجيك الكثير لاتناظرين لغيرك وسو عيب ماعيب بالشغل

اختي معها شهاده ثانويه وديلوم حاسب الي سنتين الجامعه ماكملتها وطوو قيدها

وتبي تصرف على نفسها وبنتها
ماخلت مكان ماقدمت عليه
لين ملت واخذت اوراقها وقدمت على مستخدمه بمدرسه تخيييييلي
بهالشهادات اللي معها تقدم على مستخدمه اللي ماتشتغلها الا محو اميه او ابتدائي
رفضوها قالوا شهاداتك كبيره وخبرات مانقدر نستقبلك
بعد شهر بس قبلتها وظيفه روووعه ومرموقه ولها رنه وسمعه كل من قالها وين تشتغلين قالت انا موظفه بكذا وكذا الكل منهبل على وظيفتها بهالمكان والكل يطلبها تتوسط له يتوظف عندهم مو عشان الراتب بس مركزها قدام الناس شششششي

مو تدريس
وهي رضت بالقليل لكن الله عطاها اللي اكبر من اللي رضت فيه

لذا انتي اذا تبين تدريس اقعد فصفصي فصفص لحد مايجيك التدريس

انا باكالريوس ومع شهادة حاسب الي ومعي دورات غيرها ومعي اجتباز قياس وهذاني قاعده احتريهم يوظفوني جداره المرض كل ماقدمت اخذوا بنات راعيات الواسطه ولا يوظفون اقاربهم
وانا مهنا وظيفه ماقدمت عليها وارسلت ملفاتي ولا فيه ايه ابي تدريس بس اي وظيفه محترمه مافيها اختلاط موافقه عليها

لذا تقعدين تدورين التدريس متى يتكرمون
ياختي الشغل مو عيب
اذا الرسول اشتغل راعي غنم حنا نتكبر على ايش
توظفي دوري لك وظيفه وخلي عنك الناس
خلي الناس اللي تبين يرضون على الوظيفه اللي تختلرينها يعطونك فلوس ومصروف عشان تدارينهم

منتب لاقيه من هالناس الا الشماته سوا اشتغلتي ولا بلطتي ببيتك شامتين فيك شامتين
على الاساس الحين مسكتين عنك هالناس اللي ماوراهم الا كل شر

انسي فكره الطلاق
حرام عليكي
تشردي عيالك عشان ماحصلتي مصروف
في ناس حالتهم اسواء من حالتك
ومع ذلك ماحد داري عنهم
استهدي بالله واكثري استغفار وحافضوا على الصلاه ادعي نص الليل دعاء من قلبك وان شاء الله تتحسن الحاله
انا جلست خمس سنه وماعندنا الا قوت يومنا
لا اثاث ولا لبس ولا طلعات بس ماتكلمت وكنت احاول اساعده وادعمه يحسن وضعه
واليوم الحمدلله رب العالمين في نعمه بدل الله حالي من حال الى حال

معاها حق الناس تعرف تتكلم وتعيّب بس ما تعرف تمد يدها وتساعد
اذا بتخافين من كلامهم ونظراتهم مارح توصلي لشي دام وضعك وصل لهالحد دوري اي شغلة كويسة وراتبها ولو قليل تفكي بيها ضيقتك
الحين مو وقت العيب وكلام الناس صراحة وضعك يعور القلب وحرام تسكتي عليه