🍼🎉 التجمع الثالث لأمهات مواليد (مـايـ..5..ــو & يونـيـ..6..ــو) 🍼🎉 2016

ايوا والله الى الان تعب
لكن اقولك الاشياء الي فرقت عن الاسابيع الاولى

الفرق حاليا
صرت اشرب مويه بس اول اتقرف
وكنت اقرف من ريحه بيتي
بس دحين الحمدلله لا
وكنت اقرف من ريحه الثلاجه
بس دحين لا
وكانت نفسيتي مرا مقفوله من الاكل
بشكل ماتتخيليه
بس دحين افضل شوي

لكن الاشياء الي مستمره معايا
اللعاب الى الان ماابلعو
والاستفراغ مستمر
وغثيان

^
مابقيت شي 😂

اي والله غريبه ماصرفتلي كالسيوم وحديد
اشواااا 😍
مدري ليه اتنح عند الدكتوره ياريتني استفسرت
بس خليني مستمره عالفيتامين
والشهر الجاي بشوف اذا تصرفلي كالسيوم وحديد او لا 😣

هههههههه
نسيت اقولكم ان راح هالاحساس مني
صرت اخرج اخدلي كم لفه بالسياره
او اروح السوبر ماركت
واقعد اخد من الاشياء الي يحبها قلبك 😄
من كيك الجالكسي والشبس
والعصيرات
بس طبعا اخد بعض من التهزيئات ههههه
عشان اكلي خرابيط ومو صحي وزوجي ينقهر بس لسى صامد مااعطاني العين الحمرا
وانا مبسوطه 😌
واروح بيت اهلي اتفرج افلام مع اختي
يعني صرت ادشر شويه 🙊🙈

بس مااحب اقابل احد او اروح جمعات 😣