امي حبيبتي وبيت اهلي

بعض الردود تجيب الهم والمرض


ياصاحبه الموضوع الله يعينك بصراحه حزنت علي ابوك وإخوانك امك في عز شبابها لاتقلون كبيره ولحد متي وربي اعرف حريم أعمارهم 60او70تلقينها تنظف وترتب بس امك مدري اش فيها يعني لاتنظف ولا تطبخ ولا ترتب طيب ابوك كيف صابر في ذَا الجو لو دخل لكم احد وضع البيت كيف امك ما تنحرج سبحان الله مااظن ان المشكله في امك جسديا لانك تقولي اوريها صور وكذا وتقول ناس فاضين يعني معلش لاتزعلين مني امك مهمله ولا يهمها النظافة وعجبها الواضع انتي كل شوي تكلمي معها لمحي لها والله صعب تعيشون في جو كذا اقل شي الاكل كيف ياكلون الناس معكم وهم شايف جو البيت لاتزعلين مني بس من جد ارتفاع ضغطي حتي لو تجيبوا شغاله اذا امك مايهمها صدقيني النظافة ماراح تكون كااااامله الشغاله مش هي الحال لابدتنبهي امك وشوي شوي يمكن تبدا تهتم
اتمني فهمتي علي

حبيبتي جيبيلها شغاله بالساعات يرم بعد يوم او يوميا من العصر للعشاء وارتاحي وانتي علمي الشغاله

ممكن امك تعبت
لها عمر وهي تنظف وتغسل وتطبخ
جيبي شغاله لها بالساعه تجيها يوميا ساعتين تخلص أمور البيت وتتوكل
كم إعمار اخوانك

بنات خلاص مره خلاص بحذف الموضوع مو عارفة .. ما راح اقصر ان شاء الله لان احس الموضوع في ردود تضايق وردود تحسسني اني اشتكي منها انا ابيها مرتاحه وابي مكانها مريح وابي اهلي مرتاحين هي يمكن زي ما قلتو غده ونقص فيتامين لاني قريت . ترى كلامي ما يعني اني ناسيه فضلها امي هذي امي كلامي كان اني بعرف وش اشوي شي ضايقني مابي اقول لاحد اعرفه خالاتي مثلا .خوفي بس الكلام يجرح هيبتها ومكانها وقلت اكتب هنا اشوف ردود وتجارب ووش الحل بس احس الموضوع ضايقني اكثر من انه نفعني . كتبت فالمكان الغلط . يعني اشتهيت امي ترجع للوقت اللي كانو يقولون ما يعجبنا الا نجي بيت فلأنه فجاه ريحة البخور والبيت شي يفتح النفس وعوائل تجي تنام عندنا يقولون ما شفنا مثل شغلها طول اليوم تفر حسّيت ألكم سنه ذي حتى انطوائيتها زايده امور كثيره الواحد ما يقدر يسرد تفاصيل حياته بس توقعت يكون في تفكير واقعي او فهم وجهة النظر حتى اليوم ودي اقولها كتبت كذا وكذا عشان ما احس بتأنيب الضمير واني ما شكيت لها وسولفنا وقالت هي لازم لي شغاله معد اقدر زي اول بالقوه اقوم نفسي واحسها هي طفشانه مدري شقول بس ابي لامي الزين ولإخواني وابوي وأبيلهم الراحه اللي تعرف كيف احذف الموضوع اللي يسعدها تقول او تكلم المشرفات تكفون

لاتحذفين الموضوع
خليك من الردود السلبيه وشوفي الي نصحوك نصائح حلوه ...
حبيبتي أمك واضح انها فيها شي دام طول عمرها نظيفة وبيتها كان مضرب المثل والناس داخل طالع
هو زي ماقالو البنات يانقص فيتامينات أو كسل بالغده أو اكتئاب ... وهي معترفه انها تبي شغاله معناها مو عاجبها الوضع ...
طيب وش وضع أبوك المادي ليش مايجيب شغاله واذا مايقدر ليش ماتجتمعين مع أمك واخوانك وتفهمينهم أن أمك محتاجه مساعده والكل لازم يقوم بنفسه ولازم تحطون اجهزه تسهل الشغل
وكمان لاتنسون الرقيه ارقوها وعالجوها