المراهقات والاستغرام

رايي يمكن مايعجبك وغيرك يمكن يقول من جيل جدتي بس غلط الجوال بكبره غلط بالعمر حلوه تبي مثل صديقاتها يعني لو صديقاتها طلعو الشارع بدون عبايه بتخلينها تسوي مثلهم التربيه مسوءليه تبكي يوم يومين وتسكت ماهي ميته معليش بس بهالعمر البنت تركز ع دراستها ع تحصيلها الدراسي وبالعكس خلي اخوانها يتدخلون بس بحدود لان البنت اذا ماكان فيه احد تعمله حساب رح تسوي بلاوي بالنسبه انك واثقه فيها حلو بس برضو الصاحب ساحب براءيي لو بنتي ماتشوف الجوال ابد بتكهرني براحتها دام اعرف ان هالشي الي اسويه لمصلحتها مراح اتراجع عنه بالنسبه للي يقلن نفسيتها وتعقد وحرام لا مو حرام هذي مسوءليه بيسالها الله عنها يوم القيامه البنت عاقله اي نعم ومتربيه اكيد واثقه فيها برضو ايه بس الحرص واجب

والله اذا لزم الامر احطها ليش لاء اذا انا اشوفه لمصلحتها اجل اخلي لها الحبل ع الغارب كل راع مسوءل عن رعيته اذا جربتي الضنا تعالي تكلمي يمز بنات ضاعن والسبه الدلع اعتقد ماهي حارمتها من اكل ولا لبس ولا طلعات ولاتمشيات ووالجوال شي كمالي مو اساسي

السلام عليكم
الموضوع له اكثر من 6 شهور اعتقد بس تفاجات فيه اليوم مرفوع
لذا حبيت اقولكم اني سحبت الجوال منها للابد
لان الشكوى لله مع اني مراقبتها ومنتبها لها الا انه في هالبرامج البايخه طرق واساليب كثيره تقدر البنت تتواصل مع اي احد وتمسح بدون ما تدرين
وبصراحه لقيت شي ما سرني
بس الحمد لله تداركت الامر وشلته نهائي والحين من فضل الله بنتي منتبه لدروسها بشكل ممتاز ومن الاوائل بعكس لما كان معها هالجهاز اللعين
وهي اول الايام كانت متكدره بس الحين كل ماراحت وجت تشكرني ع اهتمامي وفطنتي لها لانها مبسوطه بتميزها الدراسي وبحب المدرسات لها
فعلا يا بنات بنتي تغيرت للافضل وطبعا هذا الشي خلا خواتها يحذون حذوها وارتحنا بالمره من الاجهزه
وابوها واخوانها مبسوطين منها ومن تغييرها
طبعا محد يدري غيري يحسبون انها من حالها تغيرت ويعني انها من دخلت الثانوي اعقلت
ههههههههههههههه هي قبل نفسيه ومالها خلق ع احد ودايم قاعده ع الجوال والا نايمه والحمد لله رب العالمين
والله يابنات واقسم بالله كل ما اشوف والا اسمع ان في مراهقه اهلها معطينها جوال وحاطه الاستغرام ان قلبي يعورني عليها وانصح الام بطريقه غير مباشره عشان تنتبه لبنتها وتحذف هالبرنامج وتسحب الجوال

بصراحه انا ام ووش كبري
احيان ادخل الانستقرام ابغا صور تخص شي معين ابي اخذها لعرض الواتس عندي
اقسم بالله انصدم من الناس الدنيييييييئه اللي تعرض نفسها
اتخيلي هذولا الاطفال اللي داخلين الانستقرام ويشوفون هذيك المناظر اللي الكبير يخاف يشوفها
هم اكيد بيتفرجون ليييه؟؟؟؟
ﻷنهم في سن يحب يعرف كل شي
الله يهدينا جميعا ويصلحنا ويصلح ذرياتنا ويحفظهم من كل سوء

الله يخليها لك وتشوفينها عروس وبأعلى المراتب ويوفقكم
ردك رااائع وعين العقل