بنات فيني رعب ، زواجي اقترب كثير

نكتار عندهم كريمات بطعم الفواكه وعطور جسم روحي لهم

المهر كله لك!


مافكرتي بأمك وابوك اللي ربوك وكبروك ؟! اقل شيء نعطيهم جزء من المهر ونكسب دعواتهم
ماشاء الله مهرك كثير فيه البركه عطي امك 10الف وابوك 10 يستاهلون...التوفيق اهم من التجهيز
وتصدقي باللي تقدرين عليه
باقي أربعين تكفي وزياده ان شاءالله
خذيلك أغراض 3 شهور, لان الواحد مايدري وش يصير,,, الجسم ممكن يسمن ينحف؟ العطورات اذا طولت تخرب . يكفيك 3 عطورات ومكياج بسيط ماسكرا وكحل واساس و3 ارواج .لوشن للجسم من بودي شوب .فستانين مناسبات, تيورات 3للخرجات, بناطيل وبلايز , فساتين ناعمه للبيت وبجايم وملابس نوم ....شنط طقم للأغراض كلها, شنط يدوي مع جزم 3 ازواج غير صندل البيت . ساعةيد , جهاز براون نزع الشعر مهم , سيراميك او اسشوار . ربطات الشعر اللي تفضلينها مع فرش ومشط . كريم يد.فرشاة اسنان ومعجون ومقص اظفار حاجات بسيطه مانستغني عنها...مدخنة كهربائي ضروري مع بخور .الذهب يكفيك طقمين ثلاثة ....سجادة صلاة مع شرشف ومصحف. روب استحمام , فوط صحية دايم ننساها ونبتلش هههههه
اذا شعرك خشن او منتفش سوي كيراتين حلو ....والله يوفقك ويسعدك

الله يوفقك ويسهل امرك ويتمم عليك بالذريه الصالحه امين


ويخلي لي عيالي ويحفظهم ويخليهم لي ماابي غيرهم
لكن نصيحه مني الزواج مغامره ومن البدايه افرضي شروط تضمن حياتك وحياة عيالك بعدين

لاتشترين الا الي تحتاجينه بالذات المكياج
السوق ماهوب طاير وبعد الزواج بشهرين مضطره تشترين من جديد
روحي عارفه وش تبين ولاتستلمين لعروض وتسويق موظفين المحلات
لانك بتقشين فوق حاجتك وبتضيع فلوسك والاغراض اخرتها بتطيح بكبدك


العطور يكفيك اثنين
واحد ثقيل وناعم مثل عطورات جيفنشي وقرلان والثاني بارد للصباح من عطورات لاكوست وبوس وكالفن كلاين وسكادا
واستخدميهم طول فترة شهرر العسل واول شهور الزواج عشان ترسخ ها الريحه في ذاكرة زوجك ولما تكررينها بعد سنوات من الزاوج ترجع لكم الذكريات
وخذي لك دهن عود ومسك ابيض ضروروي


واذا يمديك اعملي جلستين ليزر لشعر الجسم عشان ترتاحين
استثمري بجسمك بدال الملابس