الي تعاني من اهل زوجها وقويه تدخل بس

العين بالعين
لاتكلمين زوجك ولاتحرقين اعصابك
انزلي تحت اي شي يعجبك اخذيه بدون كلام ولا سلام
اذا احد سالك قولي عجبني وابي اخذة
واذا ماحد اسالك كل شوي اخذي حاجة
وافتحي الثلاجة اذا في فواكه اكليها خضار سوي سلطة في مطبخهم واكليها قدامهم
اذا اعجبك شي من الثلاجة اخذيه وابتسمي لهم وقولي لنا وانتم واحد مابينا شي
مع الايام يطفشون منك
لاتقولين استحي وعيب الي مايستحي منك لاتستحي منه
ولما ينامون ادخلي بيتهم واخذي من اغراضهم اكواب صحون ملاعق وقولي لزوجك تراني اخذت من بيت اهلك بس عادي انا واهلك واحد الله يطول بعمرهم
بس خليك هاديه ومروقه لان عصبيتك وزعلك ماينفعك

هم بالفعل جالسين يسرقون من بيتها
والدليل انهم ماياخذوا شي الا بغيابها
بالله الرجال وش يبي بالموعين ترمس وفناجيل وخلافه؟!!
لو بس هو لحاله بالشقه ماجاب الحاجات ذي كلها
يعني كلها تخصها هيه ومن ممتلكاتها مثلها مثل الاشياء الثمينه الخاصه بها كالذهب وغيره
فمافرقت كثير تتهمهم بذهب او بغيره هم فعلا جالسين يسرقون من بيتها
ايش الفرق ان كانت معدن ثمين او حديد او زجاج بالنهابه كله حرام وسرقه!!
انا مقهوره لاني سبق ومريت بمواقف مشابهه من اهل زوجي وحاسه فيها
لدرجة مره كنت عندهم بغرفه لي غرفة نوم فقط والمطبخ وكل شي واحد وكان زوجي مايرضى اقفلها وبس رجعت من عند اهلي حصلت حزام ذهب
لي مقرط بالاسنان او مقص اظافر شي زي كذا اثره ومدقدق ومقطوع!!!!
مين بالبيت غيرهم وسوى فيه اللي سوى وانكروو كلهم
حسبي الله ونعم الوكيل فيهم وفي امثالهم

خلاص اشتري مواعين ابو كلب وكثري بلاستيك حقت الاستخدام اليومي ومواعين الضيافه قفلي عليهم بغرفه وخوذي المفتاح معس
اذا مافاد دقي على ام زوجس وقولي اغراضي جيبوها ابيها عادي لاتستحين وكل ماخذوا شي دقي
واذا مافاد خلي رجلس يشتري حتى لو رفض اصري عليه لين مايعيف حياته وماعاد ينزل شي من عندس اذا يبي يروح يشتري لهم

الله يكون في عونك الاسلام مافيه شي من الاداب الا وعلمنا عليها فيه ناس تصرفاتهم استغفر الله لاتمت للدين والاخلاق بصله
المفروض بيت عيله يكون مجهز باشياء الضيافه واذا ماعندهم ماده يطلبون ولدهم يشتري لهم بس تصرفهم ياخذون الاشياء بغيابك غير لاءق ويسبب حزازيات وكره وش استفادو
او ع الاقل يستاذنون من صاحبه البيت احترام وتقدير بالذات العلاقه بينكم رسميه

مع هذا الرد لان كل هذي الامور تادي لامراض بالجسم مثل القولون العصبي لاني مريت بنفس حالتك وما جنيت غير المرض