شاركي في النقاش

سجلي الدخول لإضافة تعليق.

التعليقات

21
  1. @bnt_alsadh_2

    استخيري يااختي عسا ان يكون خيرا لك وان كان شرا ان يصرفه عنك ... بس من جد يااختي كيف تصير هذه ان زوجك في مدينة وانتي في مدينة ثانية احسها ماهي بحياة زوجية ... تبين الصراحة السكن مع اهل الزوج صعب ومن الممكن ماراح تقدري تتحملي الوضع نهائي انا منايا اني اطلع من اهل زوجي عشان يكون عندي استقلالية بس نستنى الفرج من عنده سبحانه ...بس ليش ماتقولين له بعد ماتخلص من ترميمة يأجرة وانتي روحي اسكني عند اهلك لأنو البيت ماله اي فايدة تقعدين مقابلة البيت والعيال وزوج مايجي الى في الويك اند ترا الخطوط مملة كل اسبوع جاي وهوا بنفسه راح يطفش ويسحب كم اسبوع ... عشان كذا تسكنين عند اهلك ابرك لك وخلية يعطيكي مصروف شهري وكل شهر اعطي ابوكي الف الريال منها فواتير كهرب وسكن والخ ... وبعدين امك وابوكي اولى انك تخدمينهم وتبرين فيهم ... اخاف من الممكن انه متعود عليك كشخصية قدام اهله لما يشوفك تغيرتي من الممكن تطيحين من عينه خصوصا لما ينقل له كلام عنك وانتي كذا ولا كذا
  2. افضل حل خلي علاقتك رسميه بالكل بسلفاتك وباهل زوجك وخلاص لا تعودو علي هالشي ماحد بيتكلم عليك نص كلمه ودااااااايم تعذري بعيالك وببيتك وانه زوجك صعب ويدقق ويبي البيت يلق وكل شي مرتب وعطيهم فكره انك مكروووفه بالبيت وماتفضين ابد عشان ماحد يشره عليك وبرضو اتفقي مع زوجك علي هالشي وقولي له لا تستحين لانه نفسيتك وغضبك ومشاكلك مع اهله لو صارت بتنعكس عليه هو فهالشي بصالحه مثل ماهو بصالحك
  3. @nor_alnor_1_1

    صاحبة الموضوع
    والله يا بنات خوفتوني زود


    الحين انا بسكن معهم لا محاله مانقدر نتراجع


    الله يستر بس
  4. @violet_13

    لاتخافين ولا شي
    وكلي امرك لله وحافظي على اذكارك والحمد لله ترا اهل الزوج مو وحوش تراهم شحم ولحم مثلك
    كل انسان وصفاء نيته
    انتي واختك واخوك وزوجك وام زوجك واخت زوجك كل واحد على صفاء النيه
    احيانا تجي اخت زوجك اطيب من اختك
    وتجي ام زوجك ارحم من امك
    لاتسبقين الاحداث
    انا اهل زوج وحريم اخواني مدلعينهم م دلع ولانرضى عليهم الشينه ماغصبناهم على طبخ ولا كرف
    هم من نفسهم يطبخون ويجونا زيارة واحيانا معاهم حلاهم وقهوتهم
    واذا جونا حريم اخواني الحمد لله سوالف وضحك ونطبخ مع بعض ويساعدونا من نفسهم وياخذون من مكياجنا وناخذ منهم عند الضرورة
    اذكر مرة اهلي صايمين صيام تطوع وانا كنت ال مفطرة الوحيدة كلمتني واتس قالت انا بكرة بعد مفطرة وراح اسوي غداء واحسب حسابك معي هي من نفسها قالت وفعلا ارسلت لي نصيبي وانا اذا هي تعبانه ارسل لها اكل لانها ماتحب اكل المطاعم والحمد لله صرنا مثل الخوات واذا طلعنا مشاور اخذناهم معنا والحمد لله حياتنا حلوة وماشيه تمام التمام


    ترا الدنياء حلوة وزينه وللحين الناس بخير
    واذا كم عضوة اهل زوجها زفت معها يعني مو الكل لازم نفس الحياة
  5. قبل ماتفكري في اهل زوجك وسلفاتك
    فكري كيف بيكون وضعك وانتي بلحالك
    كيف رضيتي بهالوضع وخاصة ان الوضع مو مؤقت على طول بيكون هالحال
    المسئولية كلها بتكون عليك
    وزوجك قاعد بلحاله بمدينة ثانية
    فاضي ماوراه شي يشغله
    والرجال معروف لاصار خالي لاوراه مسئولية ولا شي شغل عمره بشي مايسر
    هذا غير ان الويكند تصيري تستنيه عشان تخلصو اغراضكم ومشاويركم
    وهو يجي يقولك باقعد مع امي وابوي والا اهله يشغلوه
    بالنسبة لاهل زوجك انتي اللي تحددي علاقتك فيهم
    انتي اللي تقدري تفرضي علاقتك فيهم كيف تبغيها
    مدام عارفة انهم يبغون مرة الولد تخدم فيهم فلاتنوليهم مرادهم
    الزيارة انزليلهم مرة او اثنين بالاسبوع
    انزلي مرة معاك صينية حلا وعشر مرات انزلي بيدك فاضية
    الطبخ اطبخي ليك ولعيالك وابد ماتفكري تنزلي تاكلي عندهم على طول
    حتى لو جوها ضيوف وتبغى احد يساعدها تدق على بناتها يجو ينظفولها ويساعدوها
    انتو حريم اولادها مالكم شغل الا اذا تعمليلهم صينية حلا او صنف للعشا وممكن تباشرو بالقهوة والشاي تساعدو بناتها مو انتو تقومو تضيفو وبناتها قاعدين كأنهم ضيوف
    المهم كوني محترمة معاهم وساعدي في حدود ضيقة ابدا لاتعرضي خدماتك المبالغة
    حاجة ثانية دخلاتك وخرجاتك طول ماانها بعلم زوجك لاتقوليلهم عليها
    مايجي يفولك استأذني من امي ولا من ابوي وقوليلهم انك طالعة ولا رايحة
    بالنسبة لسلفتك خذي منها ولاتعطيها شي
    خلها تتكلم عن اهل زوجك وتحش فيهم وانتي لاتجاريها عشان لاتعمل فتنة ليك وتروح تقولهم
    ولا تموني عليها ولاتعاتبي ليش ماتتصل ولا تسأل مالك ومالها

تابعي تجارب أخرى من هذا القسم.