🍼🎉 التجمع الرابع لأمهات مواليد مـايـ..5..ــو & يونـيـ..6..ــو🍼🎉 2016

وفيه معلومه قريتها ف كتاب لدكتور انه الي تحمل ف الصيف ف غالبا يكون ولد يعني تجمعنا وتجمع الي قبلنا ممكن يكون عدد الذكور فيه اكثر من الاناث ،، ف دخلت حق ملقفه اشوف كلامه صح ولا غلط ع قروب الي ولادتهم ف شهر 1 و 2 ميلادي عدد الاناث اكثر من الاولاد ف قولت شكله كلامه صح وقروب الي قبلنا العكس عدد الاولاد اكثر ف لو كلامه صح والعلم عند الله انه قروبنا غالبا حيكون عدد الاولاد اكثر لكن التجمع الي بعدنا ماينطبق دا الكلام عليهم لانهم حملوا ف الخريف ، الصيف شهر 6 و7 و 8 ميلادي فقط ومواليد مايو كلهم حملوا ف الصيف ونص مواليد جون برضوا ف الصيف ..

ف الاخير الي كاتبه ربنا حيصير كلهم حلوين اهم شيء نونو 😍
مستحيل يكون كل التجمع اولاد هع بس ممكن الغالبيه ،،
والاهم من دا كله الله يرزقنا الذريه الصالحه السليمه المعافىء يارب ..
بالنسبه ليا ولزوجي ماتفرق بنت او ولد بس ممكن اهله شويا يبغوا ولد عشان عندي بنوته

هاتي تاريخ السونار حق اليوم مثلا لو روحتي سويتي وطلعلها عمر البيبي 17 اسبوع بس ع تاريخ اخر دوره لكي لمن تحسبي ف البرامج يطلع انه عمر البيبي 15 اسبوع او 16 لانهم حسبوا ع تاريخ الدوره فيه اختلاف بينهم حق اسبوع او اسبوعين ف اذا كان السونار 17 اسبوع والدوره 15 اسبوع ف غالبا بنوته هذا ف حالة لو دورتك منتظمه .. وترى مو شرط يطلع دا الكلام صحيح سوي سونار وشوفي جنسه دامه باين ماشاء الله ،، لكن الي لسى ف الثالث ونفسهم يعرفوا ف يجربوا التخمين 😂ترى مو اكيد صح التخمين من راسي ف ممكن يزبط مع وحده ووحده لا ،، لانه ف الاخير مجرد احتمالات السونار هو الشيء الاكيد ان شاء الله بالذات لو دكتوره شاطره ماتقول ف الرابع جنس وف الخامس جنس ثاني

انا كل مرة السونار مقدمة اسبوع
احسبيلي الله يجزاك خير
آخر دورة 22 /7 ميلادى
6 شوال

امس روحت الصيدليه بغرض اشوف اسعار شفاطات الحليب وكدا ف قولت خليني اسال الصيدلي عادي مااخذ حبوب الكالسيوم والحديد واعوض بالاكل الطبيعي اعطاني ع راسي ماينفع ومدري ايش وحياخذ من اسنانك وعظامك المهم طنشته وخرجت روحت كلمت صحبتي ف ايطاليا هيا ف نهاية الشهر السابع قولتلها الين دحين ماكتبولك حبوب كالسيوم وحديد بس فيتامينات قالتلي روحت موعدي قبل اسبوع سوتلي تحليل الحديد وطلع نقص عندها شويا ف كتبتلها حبوب حديد + الفيتامينات لكن قالت اسال دكتورتي عن الكالسيوم تقولها لا مو لازم بس اشربي حليب وكلي اجبان وامورك تمام ان شاء الله ،، ف الي استنتجته مابين دكتورتها ودكتوري انه كتبلي كالسيوم وحديد وسوالي التحاليل ف يومتها وقال تعالي بعد شهر نشوف النتيجه حق التحاليل يعني كتبلي دي الاشياء قبل مايشوف عندي نقص حديد وكالسيوم ولالا بس عشان دخلت الرابع لازم اخذهم لكن دكتورة صحبتي ماكتبتلها الحديد الا بعد ماشافت انه فيه نقص يعني بعد التحليل وتنصحها تعوض الكالسيوم بالاكل الطبيعي ..
ف الاخير قولت خليني اجرب دا الشهر بدون حبوب بس باخذ حمض الفوليك ولمن اشوف نتيجة التحليل حاخذ الي عندي نقص فيه فقط وان شاء الله يطلع كله كويس وماعندي نقص ف حاجه ..