أم المعرس ...!!

خلاص اذا ام زوجها موافقه على الزواج بس ماتقدر تجي عشان الاولى بنت اخوها فمعها حق
ماتبي اخوها يزعل عليها بس راضيه بالثانيه
خلاص تسوي زواج عائلي وتلبس فستان زواج اجارا
وباستراحه بسيطه
بس هي واهلها واخوانها وخوالها وعمانها
المشكله اغلب اللي تاخذ من متزوج هذا مشاكلهم مابه اهله وزواجها يكون كذا عائلي لانه هو السبب مو هي حتى بكر هو اللي مسوي هالمشكله بالعرس
نادر اللي تلقين الرجل يسوي حفله للثانيه وقاعه وكذا
لذا تطمني انه امه موافق الحمدلله يعني ماهي كرهه
وحتى زوجته بعد تتطمن من ناحيتها لانها برضو موافقه لانها ماسوت مشاكل وزعلت وكبرت السالفه كان ماخطب ونشبت امه باخوها
لذا الدنيا موافقين
لذا انتي سوي حفله عائله والله يابنت الحلال انه عندي عوائل يسوون حفلات عائليه اهلها وخوالها وعوانها بسسسس بستراحه صغيره مايجيبون احد غريب
والمشكله تلقين العريس عازب والبنت زيه اول زواج لهم بس مايبون تجميع الخلق وصرف الدراهم
والله قريبتي بس عزمت خالاتها وعماتها ببيتهم يوم زواجها هي اللي تبي وزوجها ولد عمتها ولبست فستان ودنيا بس ماعزمت بنات خالاتها ولا بنات عماتها
والحمدلله مرتاحه وسعيده مع زوجها
لا تسوين من الحبه اوبه


المهم امه موافقه هذا اهم شي جت ولا ماجت ماراح تغير من حياتها ابد
يعني مو التوفيق بالحياة الزوجيه بجيت الام
شوفي المشاكل الزوجيه اللي ماليه القسم تراهم ثلاث ارباعهم متزوجين بقاعات وجايين اهلهم وامه راضيه واقاربهم راضين وسوت حفله مطنطنه واخرتها حياتها الزوجيه مع زوجها تعيييييسه ونكد ومرض


الحياة الزوجيه السعيده ماهي بجيت امه للحفله اهم شي تكون امه راااااضيه بزواجه
اذا امه راضيه على زواجه منك الحمدلله نعمه

ليكون اخوية اللي بيتزوج نفس الحكاية

اختي الغالب المتزوج يتزوج الثانيه باختياره مو باختيار اهله عكس الاولي بيكون الاختيار من اهله حتي تلقين الاغلب االمعددين حدهم 2 النادر تلقين معهم 4 بنظري لانه يتزوج وحده هو مختارها بنفسه حتي الاغلب مايتزوج بعد الثانيه الغالب فأنا برايي تستخير وتتوكل اذا شافت الامور ماشيه ان شاءالله يكون خير لها وان كان الامور تعقدت الخ فهو شر هالزواج وصرف عنها

بعض المعددين زواج الثانيه مختصر مايبغى يكلف نفسه لان الفرح الاول دفع تكاليف كثيره وجرب كل شي وعزم ناس كثير وكان اامه وأخواته قائمين بالفرح أوتكون زوجته الاولى من الاقارب يوقف الناس بصفها محد يحضر الا اقليه وإذا الزوج انبسط بالزواج الثاني يدور على الزياده الحريم مثل البحر اذا شرب منه عطش اكثر

خوفتوني انا زوجه ثانيه عقد القران لم يتم الاشهار حاول معي يبي يدخل ماخليته وكله يقول بجيب خواتي ولا جابهم ههههه ياخوفي مايسوي لي عرس ابي عرس صغيره اول مرا اتزوج ابي عرس زي باقي البنات شكله مراح لي عرس اذا ماسوا بطلق هههههه الله يعين بس