مشكلتي .. اقروها للاخير 😢💔

غيمه والله اقرأ كلامك واضحك اتذكرت كل اللي كنت اسويه بولدي الأول هبلت بأمي واخواتي وزوجي
ولدي مو كان يزرق بس تخيلي كان بعد تصيبه حاله غريبه يكون شبه فاقد للوعي ودموعه تنزل ومايرد علينا كبر ومعه هذي الحاله ماخليت تحليل ماخليت دكتور اعتزلت العالم قلت خلاص ولدي مو طبيعي وبداء الشيطان يحسسني ان ولدي صار معاق او معاه توحد ووصلت معي الأفكار الشيطانيه لأبعد من كذا وربي صرت انام وانا اطالع فيه وابكي واصحى وانا ابكي.....الخ الخ الخ فكرت اروح للدكتور نفسي ورب البيت..وبعد ارادة الله ثم اشخاص واعين حوليني حطيت حد للموضوع وحد للتفكير الشيطاني وسلمت أمري لله وكل مابغى عقلي يبداء تفكير شيطاني اتعوذ من ابليس واقرأ المعوذات واقول بقلبي ( يارب انت اللي اطعمتني هو من غير حول ولا قوة وانت اللي قادر على حفظه وصلاحه).
ابشرك اللحين عندي ثلاث الله يحفظهم لو تشوفيني انووواع التبلدد😂..حكيتك قصة حياتي😉
مرحلة واتعدي ياعسل لاتشيلي هم🌹

وعلى فكره ولدي كان معه صفار..وكان جدا" رخو وللأن هو جسمه ضعيف..لكن اسم الله عليه مافيه شي عمره 5 سنوات..اللهم لك الحمد من قبل ومن بعد

ايه انا مريت بنفس حالتك ✋✋بنتي كانت زي بنتك بالظبط والعن من كذا بعد كانت لما ترضع ينقطع عنها التنفس وتزرق ويجيها رعشه تقعد تنتفض يديها ورجولها تخيلي وهي مسكر عيونها كنت ارميها في الارض وركض بعسد واقول ماتت خلاص الين جاء عمرها سنه وزياده وكل الاطباء يقولون سليمه وكانت تنام اغلب وقتها لان الصغار ينامون اغلب النهار كله يعني تنام من الليل تقوم ترضع وترجع تنام اللين الساعه وحده تخيلي الظهر ثم تنام العصر الين المغرب وتنام العشاء شوي وتكمل الليل والطبيب قال عادي خليها تنام بالعكس النوم يساعدها في النمو سبحان الله وكنت موسوسه زيك واكثر واللحين ماشاء الله تبارك الله بنتي طبيعيه وتدرس وذكيه اللهم لك الحمد فلا توسوسين والله العظيم مريت بحالتك وكنت مانام من التفكير وكله من الشيطان ياربي لك الحمد

يارب الله يرزقك من حيث لا تحتسبين الله يسعدك وينولك اللي ببالك الله يفرج همك ويسعدك ربي سعاده ابديه حسيت براحه عظيمه بعد كلامك تسلمين 😚💕

تقربيا زي بنتي الله يحفظها ويحميها من كل شر 💜💜 الحمدلله كل رد يريح اكثر من اللي قبله فعلا ما قصرتو ريحتوني بكلامكم ومراح يصير الا اللي كاتبه ربي سبحانه ❤