ادخلوا وشوفوا تصرف اهلي الغريب والمستفز

حرام عليكم خافو الله اللي تقول اهلك وعادي
لا مو عادي من قال عادي هذا حقها وهذا يسمى طمع وجشع
انهم ياخذون حلالها بالغصب
انتم ماتدرون عن ظروف البنت يمكن البنت ظروفها صعبه مو معناتها متزوجه
ان زوجها بيحقق لها طلباتها ومعاه العصى السحريه
اكره الاهل اللي من هالنوع
ياكثر كانو معاي صديقات بالجامعه من نوع اهلك البنت تحلف تقول ياخذون مكافاتي وكانها من حقها
وياخذون حوافز منهم سوا الاهل او ازواجهم
واخوك هذا اللي يقول بنفرش البيت من فلوسك
كان قلتي له هذا كبرك وتاخذ فلوس من اختك اصرف من حسابك

والله صدقتي ياليالي
الكل يتكلم وماحد حاس في القهر اللي فيني والمشكلة من أقرب الناس لي
طيب انا وصيت امي واخوي قلت انا باعطيكم المبلغ الفلاني ومااقدر اعطيكم غيره
وبعدها تفاجأت باللي حصل أخذوا تقريبا نص الفلوس
وانا زوجي ع قد حاله يصرف علي مايقصر بشيء
بس هذي فلوسي نزلت باسمي ولا احد له حق يأخذ ربع ريال منها إلا بأذني
والمشكلة فلوسي نزلت لها شهرين وانا ماادري والأدهى والأمر أني جيت لأهلي أكثر من مرة بعد مانزلت لي فلوسي لكن المصيبة مااحد فيه امانة وذمه وفتح لي السالفة تخيلوا كل اهل البيت صغير وكبير يعرف إلا أنا وأنا صاحبة الأمر والفلوس
الله يصبر قلبي على حركة اهلي الكبيرة اللي مستحيل انساها

شوفي حبيبتي الموضوع شوي ينرفز ويعصب لأنهم لفوا وداروا عليك وكذبوا ويمكن انتي محتاجتها ومخططه تسوين فيها اشياء
لكن اتمنى انك تدعين ربك وتفضفضين له انك محتاجتها واني ياربي تركت تأثير الموقف خاص لوجهك الكريم واقبله يارب أجر لبر والدتي
اختي والله اعرف واحد صديق اخوي كان هو الوحيد الي متوظف من اهله وامه عندها اسهم ومبلغ من التجاره وكانت تطلب اذا نزل لولدها تاخذ نص راتبه وهو يفضفض لاخوي يقول ودي اجمع واتزوج وانقهر لأن امي عندها فلوس بس كل ماانقهرت اروح اتوضا واصلي وادعي ان يارب تركت هالحرقه بقلبي لأجل وجهك الكريم ويدعي ربه انه يعوضه بالعوض الجميل لبر والدته
ووالله الحين هو داخل شراكه مع قريبه براس مال بسيط بنص راتبه وصار غني جدا ماشاءالله وعنده عقارات .. مع ان المبلغ جدا قليل لكن الله عوضه




تأكدي حبيبتي ان بر الوالدين باب من ابواب الجنه الي مفتوح لنا بهالدنيا .. وتأكدي ان الصبر باب من ابواب الجنه بعد
تعوذي من الشيطان والفلوس راحت وحتى لو الحرقه بقلبك للحين حاولي تكونين اقوى من هوى نفسك هالمره وأستغفري واشكي لربك بنفس مقدار غضبك وحرقتك انك بتصبرين عشان بر امك وعشان الأجر
وحبي راس امك وقولي تفداك الفلوس بس ماحبيت انكم تستغفلوني وأكسبي ود امك بكم كلمه لطيفه .. ياختي ماتدرين يمكن هالموقف يصير اجر كبيير لك وينقلب لصالحك بثمره تحصينها بعدين

اختي هدي اعصابك الله يصلح حالي وحالك وحال الجميع
هي الحركة صح غلط بس بس اخوك هو اللي عرض عليك الأمر امك مالها دخل بالسالفه الكلام بالأول جاء من اخوك الله يهديه
لاتحطين بخاطرك عليهم انتي ممكن محتاجه بس ماراح لبعيد راحوا لاهلك بكره تدور الدنيا وتلاقين اولادك يسوون لك موقف حلو وتتذكرين انه بسبب هالشيء ربي فتح عليك ابواب الرزق والرحمه والبر
لاتستخسرين عليهم وحطي في بالك كأن صدق ماجاو ولاعندك هالمبلغ وعيشي على هالشيء لاتسميع للي يشيشك ويثير اعصابك اهلك هم بالأول والآخير
مايجوز تقولين حسبي الله ونعم الوكيل على اهلك لايجيهم بكره شيء تتندمين عليه وساعتها مايفيد لافلوس ولاغيره
يااختي اعرف وحده بنتها تزوجت وماعطتها المبلغ وقالت لها انتي تزوجتي خلاص وفي غيرهم بنات بعد نزل لهم مبالغ لما بيتزوجون وامهم قالت مالكم فيها شيء لانكم خلاص تزوجتوا خلوها لاخوانكم! واتفقوا وعادي ومااهتموا بهالفلوس!
يعني بردي اعصابك الفلوس تروح وتجي وانتي تجيبيهم مو هي تجيبك تروح ارواح مو فلوس اعرف ناس الله يرحمهم راحوا كلهم بغمضة عين وتركوا هالفلوس لورثتهم ولو تدور فيهم الدنيا ودهم اهلهم معهم وقالوها بلسانهم ولايبون هالفلوس !
اعتبريها هديه منك لامك وبر فيها ومشي الموضوع ولاكأن شيء صار تبين تعيشين لازم تتعودين على كذا ولا بتنجلطين الدنيا يبي لها صبر ودام راحت في امك الحمد لله مو خساره فيهم اهلك قبل كل شيء لاتاخذينها بمنظور ثاني !
لو زوجك صار له نفس الموقف هل راح تقومينه على اهله وتخلينه يقاطعهم ويكرهم على هالفلوس ولاتهدين المفروض الموضوع وتخلينه يسامحهم ويمشيه لهم !
انتي تقولين اهلك مو محتاجين من ناحية الضمان تراه لثلاثه ولاشيء الف وشوي واذا على التأمين على راتب الوالد كم وينزل لهم على حسب هالشيء كله او نصه
الغني اللي هو الغني يحب احد يهديه ويعطيه مو معناة اني غنيه مثلاً مااحب احد يهديني بالعكس اذا جات من اعيالك لها معنى غير ماتنسينه طول عمرك والله يرزقك بالذريه وتعرفين معنى اهلك والتضحيه ويوفقك ويسعدك

انتي ليش مكبرة اللي صار اخدوا الفلوس وصار اللي صار وانتي ما حتقدري تغصبي امك ترجع لك الفلوس لانها امك ولا تقدري تقولي لها شي انتي خدي البطاقة منها او روحي غيري حساب البنك لحساب باسمك وكمان حكاية انك تبغي الفلوس علشان زوجك على قد حاله دا كلام ماله داعي يعرفوه