شاركي في النقاش

سجلي الدخول لإضافة تعليق.

التعليقات

21
  1. من رايي طالما هو حبيب ومايقصر عطيه مبلغ نص الذهب فقط وقولي له الذهب نازل كثير وانا ببيع نص ذهبي والقطع الكبيره والغاليه الباقي بخليه لي البس فيه لانه ماتوقع يجيب سعر كثير وحرام اخسره واعطيه نص المبلغ وانتي من البدايه قلتي ببيع نص ذهبي لا تخليه يغير رايك او يقنعك تبيعينه كله مو حلوة حتي انتي لا رحتي او جيتي او طلعتي عند اهلك مايكون برقبتط حتي قطعه ذهب وفهميه هالشي
  2. @shhlaaa_alaayon

    عادي عطيه الحياة الزوجيه شراكه بكل شي ومنافع متبادله ومصالح ايضا مشتركه
    الدهب هذا اذا فكرتي مين اشتراه !!!
    لو مكانك ماترددت ولالحظه وبدال الذهب الماس ان شاء الل
  3. @amon27

    شوفي ياختي انا ما بحكم على زوجك كمقارنه بطليقي لان الرجال ما يتشابهون بالطباع مثل ما نحنا ما نتشابه بالوفاء..
    احنا الحريم رب العالمين خلق فينا فطرة السخاء للرجال بالذات اذا كان هذا الرجل شريك حياتي..فقطعا للشكوك هذي انتي وغيرك عشان اقول ان هذا الزوج يستحق مساندة ماليه لازم يكون:1-مستوفي لكل حقوقي كزوجه من اول ما عقد عليك عقد الزواج..دفع مهرك وذهبك وما ابخس حقك فيهم..2-يحترمك ويفرض احترامك على اهله فلا يسمح لأحد ولا حتى امه تهينك او تسمّعك كلمة وهو سامع وساكن بحجة انها امه ..ما اقصد يرادد حاشى لله بس يرد بأدب وذوق ولا يرضاها عليك..
    3-لو كان وقت الرخاء مدللك..يعني مسافر أخذك معاه..عطوه زيادة فالراتب عزمك على عشا..متضايقة وسّع صدرك..يهديك هديه..يتصرف بحكمه وقت الغضب بينكم اذا شديتوا فالكلام..مايمسك الزله عليك ..يسامح يتغاضى عن اخطاء
    اذا شفتي زوجك بحكم العشرة بينكم ((وانا اقصد بالعشرة مش عدد سنوات زواجكم،العشرة معناها المواقف اللي بينك وبينه))لو وقف معاك في الشدة.. مب حلوة ابدا في حقك ما تستندين لما صار في حاجتك..
    سانديه ماديا واوقفي معاه..دافعي المبلغ المقدور عليه لكن مب كل فلوسك له..يعني لو مايدري كم معك يكون افضل..دافعي المقدور عليه وكتّبيه في ورقه من المحكمه نظمن حقك وبيني له انك مأمنّه له(طبعا لا تأمني له لان في صدر البشر قلب قابل للتقلّب ممكن في اي لحظة يقلب عليك)لكن اعملي بأصلك سانديه ..
    ولو صار لا قدر الله وتغير عالاقل فيه إثبات رسمي بحقك لو أنكره..
  4. الحين الوضع انه زوجي باع الاسهم والارض الي عندنا وتحويشه العمر وكل شي ولسىء مديون ب400الف ريال شايله همه مافهمت


    يعني شراء بيت وهو مديون وانتي ماتبغين الدور الراقي وبتعطيه 33 الف يسدد ديونه والا يكمل البيت اذا كذا 33 الف ريال فقط ماتغير شي لابتسديد ولا بشراء بيت وانتي ماقصرتي وهو يستاهل بس مو كذا تعاملك معه وصبرك على الدور الراقي احسن بكثير من انك تعودينه على انه يناظرمابيدك وهذا خطا كبير وماينفع الكلام الحين انتي وعدتيه وعوديه وبكره راح يجبرك بطريقه غير مباشره بتشكي والصبر والاعتماد على الله ثم عليك ومن هنا تبدى الحزازيات والمشاكل
    وعلى قول المثل الحريم عزامات ندمات
    انا اقول قدر الله وماشاء فعل مع اني مافهمت كيف تبغين تسعدينه وانتي تطالبين بفله وهو مديون 400 الف وبتعطينه 33 علشانك تحبينه ابد ماتخش العقل على العموم ربي يسعدكم ويهنيكم
  5. @bayaa_almsk

    عطيه دامك تكلمتي




    انا ارفض اعطاء الزوج لانه هالزمن مايدوم على حال واحد الدنيا تتقلب والناس يتقلبون من حال الى حال
    كم وحده هنا نزلت موضوع زوجي ماكان كذا كان وكان وكان وتغير له اربع سنين له سنتين صار وصار
    ليش الانسان مايدوم على حال
    القلب بين يدي الرحمن يقلبه كيفما يشاء
    وخاصه الفلوس تغير الرجال
    ثنتين اعرفهن مثل كلامك عن ازواجهم ومن بعد ماصاروا يساعدونهم قلبوا عليهم ويحس انها احسن منه وانها تمن عليه بفلوسها
    قالتها جدتي الله يشفيها ويمدها بعمر بالطاعات يارب
    الفلوس تغير الرجال مهما كان زينه فحافظي على زوجك من خرابك


    الحاريم هن يخربون رجالهم


    لذا زي ماتكلمتي وحكيتي لسانك لازم تعطينه اللي اتفقتي معه
    المؤمنين عند وعودهم
    بس سؤال
    ليش جايه تاخذين اراى دامنك سويتي وخلصتي بس بقء تمدينهم لزوجك
    خلاص لازم تمدينهم زي ماتكلمتي مالك دخل بالردود اللي تقول تعذري انتي تكلمتي ووعدتي الرجال مايجوز لك تخلفين عن وعدك وهو ماجاك يترجاك تبعين من ذهبك انتي رايحه تفزعين لازم تعطينه زي ماقلتي له

تابعي تجارب أخرى من هذا القسم.