السلام عليكم حوائياتي الجميلات
حابه أستشيركم وحده أرسلتلي مع هالصبح عالساعه 6 تشتكيلي هي توها خلصت الأربعين وطول نفاسها زوجها مشغوول عالجوال وواتس ويقولها مع أصحابي وعنده جوال ثاني صغيير فيه شريحه المهم أخذت الجوال ودها تكلم اهلها طبعا الجوال مفتوح وعلى انه هو وياها واحد اكتشفت انه يراسل رقم في بلدهم ويقولها ليه ماتردين زعلانه ومحول لها رصيد
طبعا جن جنونها وراحت واجهته وهو عالعشاء وحلف لها أيمان وحرام وطلاق انو مايعرف الرقم وانو يمكن صاحبه يسوي فيه مقلب مع انه هو اللي مرسل للرقم رساله
طبعا اهلها في منطقتهم وقالتلي بكلم واحد من اعمامي يجي ياخذني
حاولت ارضيه وهو طلع يراسل عشان كذا كان ينتقد جسمي احيانا وخطوط الحمل
أنا هنا صدمتني صراحه لأنها ماشاءالله جسم عارضة أزياء طول ورشاقه بس هي صغيرة في العمر تقريبا 18 ومعاها طفلين
وهي من حبها له تحاول ترضيه دايما أنا بصراحه هديتها شوي وقلت مايصلح تطلعين الحين بهالصبح روحي نامي مع عيالك برى وخليك زعلانه
لين يجي العصر تكوني قررتي صح واذا في مجال خليه يتصل قدامك عالرقم والسبيكر مفتوح
طبعا تقولي هو خايف على سمعته عشان كذا يحاول يهديها لدرجة انها صدقته انه مايعرف
الحين وش الصح برايكم توصلها لأهلها والا وش تسوي انا عني عجزت افكر فيها ماودي أخرب بيتها
لو مكانها بروح لأهلي وخليه على تفاهاته
بس قلت أشوف رأيكم خاصه انها بتروح بيت عمها ماعندها غيره في نفس المنطقه
شاركي في النقاش
سجلي الدخول لإضافة تعليق.
التعليقات
12- اممممم الله يجبر كسرها
انا عن نفسي عند الخيانه خط احمرر
المهم اذا بتروح بيت عمها لا تقول لهم شي
تقول خلاف وحابه ارتاح ببيت اهلي
لا تفضحه لانها بكرا بترجع له ويبقى السمعه السيئه الناس ماااتنسى
اهلها بكيفها لكن العم واهل بيته لا - طيب لو جاء وكلمها تشرط عليه شيء
من كلامك تؤيدين انو تكلم ابوها بالسالفه اقل شيء يتفاهم معاه بالتلفون - ايش طبيعة العلاقه بينه وبين اللي يكلمها ؟؟
اقصد مكالمات ؟ لقاءات ؟
تبادل صور ؟ كلام +18 ؟
كم له يخونها؟
طبيعة علاقته مع زوجته بشكل عام ! - ماتعرف شيء هي شافت الرساله بس كان مكتوب ليش ماتردين زعلانة
على طول واجهته لأن جواله الثاني مسكر وطول نفاسها بتعذر ويجلس سهران عالواتس
كان ودها تتصل بس ماعندها رصيد وانا قلتلها لاتتصل عليها ومن رقمها كمان
بس واضح علاقة حب لأنه من نفس البلد وانا حطيت لها احتمالية ممكن زواج لأنه سافر 10 ايام بالعيد وتركها عند عمها - لاحول ولاقوة الابالله
كل ماوحده كشفت زوجها خيانه قال صاحبي
واذا واحد سافر ورجع شنطته مليانه خرابيط
قال صاحبي
مستحيل يقرون على انفسهم شي
خليها تقلب الدنيا فوق راسه الي تحسب لها الف حساب بعدين
ويبعد عن البلاوي والحقاره الي عايشها
مواضيع مشابهة
تابعي تجارب أخرى من هذا القسم.