السلام عليكم
انا تطلقت قبل فتره وخايفه ان قراري مو صح وبديت احس بندم ومحتاجه رايكم بالموضوع
تزوجت شخص متدين على قولت اهله محافظ على صلاته وحافظ للقران بعد الزواج الله ما عطاني قبوله من اللحظه اللي شفته فيها بس قلت مو مهم عادي مو كل الازواج يحبو بعض اهم شي الاحترام ويقوم بواجباته بس تفاجئه بعد شهر من الزواج انه على علاقات بالنت وبنات وصور ومقاطع طنشة قلت يمكن يتغير او اقدر اغيره ومشيتها بعدها اكتشفت انه بخيل مع انه مقتدر ولا يعرف مواجيب ولا يقدر احد اهم شي نفسه وانا عنده فقط شغاله وللفراش وكمان عنده ضعف حملت ولدت مصاريف مافيه الا القليل وكل شي مو مهم واذا لزمت عليه اشري لنفسي او لطفل يبي اشري من ارخص شي وانا مو متعوده على ذا الشي ولو رحت لسوق اللي ابي يتهرب وما يدفع وحملت مره ثانيه بالحاح منه والمره ذي اسواء من اللي قبل تهميش تام لا مصاريف لي حتى اجهز للولاده ولا يوديني للمستشفى مراجعات الحمل اهلي تكفلو بكل شي المستشفى دفعوه ومستلزمان النفاس اهم تكفلو فيها هنى انا بديت اكرهه ليه انا متزوجه حتى اكون شغاله لشخص مو مقدرني ولا معطيني ادنا حقوقي ولا حتى خجل من اهلي اللي يقومون بدوره رجعت بعد النفاس وقررت اطالب بالنفقه وبديت اوضح له اني كاشفتك وخاف الله ومن هل الكلام بس بدون فايده وبدا يتطاول بالكلام واحينا يشتم في النهايه طلعت وطلبت الطلاق لاني خلاص كرهته ومابي اضيع عمري مع واحد خاين وبخيل
بس اللي صار بعد كذا صرت محتاره قلت ليت صبرت لجل بناتي مالهن ذنب وحده متعلقه في ابوها دايم تسئل عنه واشوف حريم كثير يصبرن على اللي اعظم من الخيانه من سكر ومخدرات وغيره ما ادري هل انا ظلمت نفسي وظلمته وظلمت بناتي او اللي سويته صح
شاركي في النقاش
سجلي الدخول لإضافة تعليق.
التعليقات
34- هذا حقك
كان مايعطيك حقوقك و طالبتيه وما عطاك ولا حط لك قدر
ما اشوف انك غلطتي
واللي صابرة ؏ سكر ومخدرات غلطاانه ومو هذا التصرف الصحيح إلاّ تلاقيها ماعندها خيار ثاني
احمدي ربك عندك اهل عازينك ومهتمين فيك ..
وبناتك ماهم ضايعين إن شَاء اللَّـه - اذا كانت ثقتگ بالله قويه وتوكلتي ع الله بأن الله بيعوضگ افضل منه ولجأتي له والحيتي ع الله بسؤال واخلصتي بدعاء والدعاء ثم الدعاء ف سجودك وسورة البقرة احفظيها اذا عندك فراغ صدقيني راح ربي يعوضك بأبرك منه ولايدخل الوسواس ف قلبك لان هذا يعتبر قنوط من رحمة الله سبحانه
- ماشفت ولا حرررف يستحق الندم
كل مافيه شين اعوذبالله
واللي تصبر على سكر ومخدرات هذي بعمرها ماتكون قدوه والا مضرب مثل
اساسا ا السكوت على محرمات استثنيه من الصبر !
وبنتك بتعيش مثل ماعاشو كثيييير اطفال غيرها لابوين منفصلين
مااحد عاقل ينقذه ربي من الهم
ويفرجها عليه ويتمنى يرجع له ! - الأمر وقع وخلاص.. الندم مابيفيدك بشيء..
وأنا صراحة أكره الرجل البخيل وهالنوع ماتقدرين تغيرينه لو وش ماصار .. مادامه مايبي يحس
بالمسؤولية ومايبي يصرف ليش متزوج أجل ؟؟؟
لاتتحسفين ولاشي هذا قدر ومكتوب وبناتك لهم رب مابينساهم وأنت الله يعوضك .... - البنات ماقصرو في الرد
وبالنسبه لبناتك اكيد لازم ابوهم يزورهم ويزورونه مو لانكم تطلقتو يعني خلاص يقطع بناته
وانتي اصبري دامه تم الطلاق قولي الحمدلله على كل حال واذا زوجك فيه صلاح وخير وهدايه اسأل الله ان يحنن قلبه عليك ويجمع بينكم على خير ماحد يعرف المستقبل وش فيه
لا تندمين على شي ولا تقارنين نفسك بزوجات المدمنين او اللي صابرين على خيانة الزوج هذول يبكون دم كل دقيقه وشايلين هموم الدنيا لان مالهم سند ولا اهل يستقبلونهم بعد الطلاق
لدرجة في زوجات يبقون في بيت ازواجهم مثل الاخوان اهم شي يوفر لها البيت والاكل والشرب وتجلس مع عيالها صابره كأنها مطلقه
مواضيع مشابهة
تابعي تجارب أخرى من هذا القسم.