شاركي في النقاش

سجلي الدخول لإضافة تعليق.

التعليقات

2,009

  1. @am_asyl_alhgazyh

    صاحبة الموضوع
    بنات الي تقراء جديدي اول بأول
    تكون عارفه ان وحامي حاليآ على التشيز كيك 😢
    امس قلت لزوجي يجبلي وجاء من النادي وماجاب 😒
    وسكت
    واليوم طلبت منو قلتلو لما تخلص من النادي جبلي تشيز كيك
    قالي اوكي من عنيا الا جاء ويدينو فاضيه 😒😒
    انا خلاص حسيت بضيقه بس مااتكلمت
    وسرت المح اني مرا ابغى شي حالي ( تشيز كيك)
    ولا شعوريآ دمعت عيوني هههههه💔😂😂
    استغفرالله مدري ايش الي صار فيني
    بس جد خلاص حسيت نفسي لو مااكلت تشيز كيك مدري ايش
    رح اسوي وطل فيني قالي بسم الله اشبك لايكون عشان التشيز
    وقلتلو ايوا 😂
    قالي بسم الله لاتحكي وجهك موتني ضحك لان الامهات الكبار يقولو اذا وحده اتوحمت على شي لاتحك عشان لاتجي وحمه للنونو وقتها كنت احك عيوني امسح دموعي😂
    قالي قومي البسي عبايتك ورحنا سعد الدين
    للاسف التشيز كيك مخلص مره انقهرت دعيت عليهم 😁
    استغفرالله يارب سامحني الغلط مننا طالعين ندور تشيز الساعه
    11 بالليل وقعدت اطالع بالحلا المعروض بالمحل
    اخدت حلا اسمو( سبيكولاس ) 😷
    طلع بالموز استغفرالله وشلت الطبقه الي فوق عشان نكهه
    الموز مااتجي فمي واخذت لولدي ( موس شكولاته) 👍
    كانت طعمه موس الشكولاته ذقت شويه منها
    اما السبيكولاس انا اكلتها بس زي ماقلت شلت الطبقه الي
    فوق وسويتلي نسكافه والحمدلله
    بس برضو مااحس اني اتلذذت بالاكل بعوضها بيوم تاني
    ان شاء الله
    ،،
    سؤال يااخواتي
    دحين اذا اشتهيت حلا زياده عن الزوم هل دا وحام
    ولا جسمي ناقص فيتامين او شي معين ؟؟

  2. @am_asyl_alhgazyh

    صاحبة الموضوع
    $احلى ام $
    ام اصيل انا كمان بكريه اليوم رحت اطمن على النونو واشوف حل بالألم طلع عندي تقلصات كمان الله يعين سوسو سارونه سلامتك وارتاحي وان شاء الله خير أم رهف كيف بنتك ؟؟
    بسم الله عليك
    دحين انتي
    وام وسام
    وام اياد
    واوراق الحب
    طلع عندكم تقلصات
    الله يبعد عنكم السوء يارب العالمين

  3. @am_ayaaad22

    بالعافيه ام اصيل
    عادي اذا اتوحمتي بحلا انا بااولادي اموت اذا مااكلت حلا او شوكلت وكمان المشروبات الغازيه اعشقها
    مااتوقع انو نقص فيتامين
    الحين انتبه لنفسي ماابغا اكثر حلا عشان مايزيد وزني على الفاضي وكمان عشان السكر

  4. @am_asyl_alhgazyh

    صاحبة الموضوع
    ام اياااد22
    بالعافيه ام اصيل عادي اذا اتوحمتي بحلا انا بااولادي اموت اذا مااكلت حلا او شوكلت وكمان المشروبات الغازيه اعشقها مااتوقع انو نقص فيتامين الحين انتبه لنفسي ماابغا اكثر حلا عشان مايزيد وزني على الفاضي وكمان عشان السكر
    الله يعافيك حبيبتي😘
    ياالله نفس وضعي احب الحلا والمشروبات الغازيه بس مشتريه كولا وسط
    واشرب بس عالغداء ماابغى اكتر
    خفت من كلام وحده من الاخوات
    الدكتوره قالتها لاتكتري فلفل وشطه ومشروبات غازيه لانها تزيد من التقلصات
    الكلام خوفني 💔
    والله اخص شي الوحام على الحلا
    تشيلي هم سكر الحمل الله يكفينا شرو يارب
    انا ببدايه الحمل مااتوحمت على شي
    بس لما دخلت الرابع اشتهي شي معين
    بس مااعلق عليه
    بس دحين الوضع اختلف مع التشيز فقط💔
    واحب المكدوس يوميا اكل مكدوس
    ودحين ليا 5 ايام مخلص المكدوس
    بكرا بنزل السوبر ماركت وبشتري مكدوس
    وشويه اغراض ناقصتني للبيت
    ،،

  5. @am_asyl_alhgazyh

    صاحبة الموضوع
    وصرت مررررا مااطيق ريحه الدجاج المشوي
    ودجاج عالفحم وريحة المنتو
    احس بقشعريره 😑
    لكن الحمدلله اتقبل ريحه الكشنه حاليآ
    بدات اطبخ ولله الحمد لان قعدت فتره طويله مااطبخ بسبب الوحام القوي💔
    بس اسوي مكرونه بشاميل او اسباغيتي او مسقع
    اما ارزاز وادامات مااسوي😷
    المشكله اذا طبخت زوجي ماياكل دسم
    ف صرت اطبخ مرا بالاسبوع او حسب الجوع الي امر فيه
    وحسب المزاج

تابعي تجارب أخرى من هذا القسم.