🍼🎉 التجمع الخامس لأمهات مواليد مـايـ..5..ــو & يونـيـ..6..ــو🍼🎉 2016

بالعافيه ام اصيل بس انتبهي من المشروبات الغازيه حاولي تخليها مره ف الاسبوع او مرتين بالكثير ،
والحلا تخافي مع الوقت من سكر الحمل لاقدر الله
الله يبعد عننا كل شر ،،

انا حاسه انه ف دا الحمل حزيد عن 14 كيلو 😟
هو اكيد بعد الولاده حنزل 4 كيلو اول يومين وماعندي مشكله يثبت طول العمر لانه حيكون الوزن المثالي لطولي بس المشكله اعرف نفسي شهيتي ترجع تقل وانزل ال 14 ويصير الجسم مرهل وهاتك ي رياضه عشان يرجع ينشد وغير التشققات 😩 يارب دا الحمل ماتطلع ع خير يارب ،، تكفيني حق الحمل الاول ماابغى زياده 😢 ..

بنات هذا الاسبوع صايره اخلاقي مره قافله وممكن اجرح ف الكلام بس بعدين اندم لكن بجد احس مو بيدي بس احد يتحركش فياا بالكلام حتى لو حق مزح اولع فيه ،،
صرت اتمنى اعيش لوحدي بس معايا بنتي عشان مااجرح احد 😔 ..

عادي من هرمونات الحمل
تجيني احيان ذي الحاله واتخاصم مع اخواني خلاص احسهم اتعودو على جناني حتى زوجي احيان اعصب عليه
هي المشكله لو اتنرفزت على احد مايمون علي صعب يفهم انو بسبب الحمل تلاقيهم يتحسسو منك ويشيلو في قلبهم


ام اصيل ماشاءالله زوجك زي ابوي لازم يجيب اللي اتوحم عليه عكس زوجي كسوووول وعلى حسب مزاجه بس عادي يطنش اذا اشتهيت شي

انا في بكري كنت 42 وزدت 15 كيلو
وبعد الولاده صرت 48 وبعدين مع الرضاعه
وزني صار 45
بس الحمدلله يارب ماجاني اي ترهلات
اتوقع الرضاعه الطبيعيه هي السر
بس جد الرضاعه الطبيعيه متعبه
ومافي شي بالسهل
الحمل والولاده والرضاعه والتربيه
كلها يبغالها مجهود ومافي شي بالساهل
الله ييسر يارب