شاركي في النقاش

سجلي الدخول لإضافة تعليق.

التعليقات

2,009
  1. صاحبة الموضوع
    ام اصيل الحجازيه
    حبيباتي حابه اقولكم الي دخلو الخامس خلاص شيلو الكسل وابدائو بالجد ورطبو البطن ضروري ضروري انا خلاص بدات بالجد واشتريت زبده الكاكو لون علبتها صفرا جد ترطيبها يجنن 😍 حطيتها جمب سريري قبل ماانام او بعد الاستحمام ادهن بطني لان الجلد لم…
    انا قبل مااشتري زبده الكاكو
    كنت احطزيت زيتون
    وكمان مو يوميا كدا كسل
    على حسب مزاجي
    بس دحين بأذن الله يوميا بحاول احط
    الي تبغى تعرف شكل الزبده
    تكتب بقول زبدة الكاكو
    ورح يطلعلك صوره علبه صفرا وفيها كلام
    بالانقلش لونو بني
    يعني هو 👍
    انا جوالي ايفون ومااقدر انزل صور منها
  2. @am_rhf81

    ام اصيل الحجازيه
    حبيباتي حابه اقولكم الي دخلو الخامس خلاص شيلو الكسل وابدائو بالجد ورطبو البطن ضروري ضروري انا خلاص بدات بالجد واشتريت زبده الكاكو لون علبتها صفرا جد ترطيبها يجنن 😍 حطيتها جمب سريري قبل ماانام او بعد الاستحمام ادهن بطني لان الجلد لم…
    الله يجزاك كل خير يالغلا ،وفعلا لازم نبدأ من بدري🌹🌹
    عني استخدم الفازلين المعطر من بيبي جونسون علبتها غطاها
    وردي ومو كل يوم😰😰عشان البرد والوحم،ان شاء الله علي
    الخامس اكون خلصت من الوحم وأبدا اهتم بنفسي اكتر😅
    يسلمووو🌹🌹❤❤
  3. صاحبة الموضوع
    واخر جديدي مع الوحام
    الحمدلله اموري طيبه
    بس الاستفراغ يروح وانبسط وفجأه يشتاقلي ويرجع😔💔
    اليوم استفرغت مرتين
    والحمدلله اتعودت خلاص ان الوحم يخف ويشد
    على كيفو من بعد الرابع
    اما الثلاث الشهور الاولى كنت كل يوم استفرغ مرا وحده
    ولما دخلت الرابع صار الوضع مختلف
    يعني الاستفراغ يجي ويروح ف صرت عادي ماانصدم
    اتعودت !
    بس الي حاصل اليوم العصر كنت بالسياره مع زوجي
    جاني صداع فظيع مالي نفس اتكلم او اي شي
    قلت لزوجي جيب جالكسي او كتكات يمكن جسمي محتاج حلا
    بس جابلي دونات وقلتلو جيب مرا وحده كابتشينو
    وشربت واكلت حلا برضو فيني تعب وصداع
    بعدها بساعه استفرغت و برضو ماسكني صداع
    ولما قلت لقريبتي قالتلي لو جاتك هالحاله كلي مخلل
    ف ماادري قلت بجرب اكل مخلل لو جاتني
    ودحين بنام وان شاء الله هالصداع يخف
    وكمان ليا 6 ايام مااكلت حبوب حديد عشان ماناسبتني حسيتها بتجبلي الامساك
    والحمدلله اليوم اشتريت حبوب حديد فيفول ببداء اكلها
    من بكرا
    وبكرا زوجي بيروح الحلقه يجيب فواكه وخضار ببداء اكل
    منهم خلاص حسيت ان جسمي رح ينهد لو مااكلت حاجات صحيه
  4. صاحبة الموضوع
    ام رهف81
    الله يجزاك كل خير يالغلا ،وفعلا لازم نبدأ من بدري🌹🌹 عني استخدم الفازلين المعطر من بيبي جونسون علبتها غطاها وردي ومو كل يوم😰😰عشان البرد والوحم،ان شاء الله علي الخامس اكون خلصت من الوحم وأبدا اهتم بنفسي اكتر😅 يسلمووو🌹🌹❤❤
    ايوا مع الوحم الوحده مالها نفس تسوي ولا شي حاسه فيكي 😔

تابعي تجارب أخرى من هذا القسم.