شاركي في النقاش

سجلي الدخول لإضافة تعليق.

التعليقات

2,009
  1. ام اصيل ❤

    سلامتك ماتشوفي شر يارب

    نزله معويه و حمل الله يعينك و يشافيك 💔







    ام رهف

    انا كنت اراجع الثلاث الشهور الاولى عند دكتوره ما اعطتني اسبرين او مثبت بس فوليك مع اني كنت اخذ اسبرين قبل احمل عشان الاجهاض بس ما اعطتني اياه

    بالشهر الرابع تغيرت الى استشاريه واعطتني مثبت و اسبرين تقول لازم لان لك اجهاضين من قبل

    عاد مدري عن حالتك اذا يعطونك او لا
  2. صاحبة الموضوع
    انشودة الحياه
    اساسا فيه بنات مايطلع بطنهم الا بالسابع وانا الحين قربت ادخل السادس مافيه احد عارف اني حامل لان بطني صغير احسه على حسب الطول اذا انتي طويله بطنك مايبرز
    انا بطني طلعت من من الثالث
    بس ماحد لاحظها لاني البس واسع بس انا اشوف التغيرات
    حسيت في بروز كأني اكلت كتير وجاني انتفاخ
    😄
    وحاليا بالخامس بطني مبينه بس لايقه
    على جسمي يعني بروزها متناسق مع جسمي
    حتى الاطفال ماشاء الله ملاحظين
    ان فيني شي متغير يروحو يسألو امهاتهم
    اذا انا اجيب نونو او لا 🙊
    يعني الي يشوفني حيعرف اني حامل
    لاني بطني برزت وصارت مشدوده
    ومبين في شي غريب
    حتى مامتي جو عندها ضيوف حاولت ارقع بملابسي عشان استقبل الضيوف وبنفس الوقت ماابغاهم يعرفو اني حامل
    بس ماقدرت 😓
    لان اي شي البسو يبين انو فيني بروز بالبطن
    وااختصرت الموضوع وقعدت ببيتي
    وانا مو طويله ممكن عشان كدا مبين
    بس اذا نمت على ظهري بطني تصغر عكس لما اوقف
    بس ان شاء الله اذا رحت راجعت بقول لدكتورتي على كلام دكتوره الطوارئ
  3. صاحبة الموضوع
    انشودة الحياه
    مدري بس الاسبرين احسه مهم وخصوصا ان عندها اجهاض سابق هو الشي الوحيد اللي مستمره عليه من بداية حملي والحافظ الله
    اجل ممكن استمر حاليا
    على
    مضاد التهاب الوز
    ومضاد النزله المعويه
    وحبوب الاستفراغ بسبب النزله
    والاسبرين

    بس الكالسيوم والحديد بوقفهم بفتره العلاج
  4. صاحبة الموضوع
    ام اياااد22
    ام اصيل ياقلبي قالت لك البيبي صغير يمكن لانها تحسب حملك من شوال فهمتي فما عليكي من كلامها بالنسبه للبنات ترا الدكتورة مالها دخل في حجم البطن لما تبي تعرف مقاس النونو افهمكم هم يقيسو مقدار توسع الرحم يعني الرحم واصل لفين لان كل شهر يرتفع …
    اها معلومات حللوه
    انا احسب انها حكمت عشان بطني ماهي
    كبيره 😄
    بس على قولك يمكن هي شافت الرحم الى فين ممتدد
    لانها حطت يدها ببطني وقعدت تتحسس الجزء المنفوخ والجزء الهابط😁

    وانا احس بطني ماتجيب اطفال كبار
    يعني اجيبهم صغار
    زي بكري جاء 2 ونص مدري 2،700
    ف عندي احساس انو دا الحمل كمان رح اجيبو
    اقل من 3 كيلو
    بعكس ماما ماشاء الله كانت تجيب
    3.900 وتوصل 4 ماشاء الله
    واختي جابتها 5 كيلو ماشاء الله
  5. صاحبة الموضوع
    خزامى2014
    داخله عشانك ياام اصيل الف سلامه عليك فتره وتعدي وباجرها ان شاءالله خلي اكلك مسلوووق ولازم زبادي مع ثوم مرا كويس يقعم لك بطنك وتعتبر مضاد الثوم وادويتك لا تتركينها من راسك بالذات الاسبرين اما كالسيوم عادي وترا سبحان الله الدم فجاه ينزل بفت…
    ايوا بأذن الله بهتم بأكلي
    قبل شويه صحيت اكلت ربع بطاطس مسلوق
    مع 4 ملاعق لبن زبادي حطيتها بصحن
    وعليها ثوم
    واخدت الادويه
    مضاد النزله المعويه
    وحبوب الاستفراغ
    وان شاء الله بفتره العلاج بهتم بـ اكلي
    والاسبرين خلاص قررت استمر عليها
    بس حاليا بوقف الكالسيوم والحديد
    وبالفعل الدم لازم الوحده ترفعو
    حتى لو كانت سليمه للاحتياط
    والله يعافيكي يارب
    بخصوص الطوارئ
    رحت طوارئ المواساه
    وانا بالعاني رحت عندهم عشان ابغاهم يكتبو وضعي بملفي لان متابعه الحمل اتابع عندهم
    ف ابغى دكتورتي تشوف كل شي
    بس زوجي مااعجبو الوضع ابدا ومايحب طوارئ المواساه
    كان مضايق منهم لان لما نمت عالسرير اتاخرت الممرضه حتى تجي تاخد قياس الضغط
    والحراراه
    وبعدين اتاخرو عشان يركبو المغذي
    وبعدين لما خلصت المغذي طلبناهم يجو يفكوها وطولو لين الدم صار يمشي بالسلك
    وجات الممرضه فتحتها
    والدلخه استغفرالله بعد ماشالت المغذي والسلك
    بس ماشالت الابره الي بالوريد
    وانا من التعب مادققت المفروض هذا شغلها وتنتبه
    وبنفس هذي اللحظات جات الدكتوره
    وكشفت عليا وقالتلي على نتائج التحاليل
    وقالت بعد فتره العلاج الافضل تروحي عند الدكتوره الي تتابعي عندها وتطمنو عالجنين
    وبعدها اعطتنا ورقه الادويه ورحنا الصيدليه

    ولما رجعت البيت انصدمت ان الابره بيدي
    😭😭😭
    زوجي صار يلومني ليه ماانتبهتي 😩
    وانا وقتها ماانتبهت من التعب شفت
    الممرضه فكت وشالت واول ماراحت
    نزلت كم العبايه
    وانا اقول اشبها يدي مجبسه مااقدر احركها😔
    وقالي زوجي انا افتحها لكي
    وسويت اكشن كل ماحط يدو عشان يفكها
    اقوم اشرد😁😁
    اخر شي استسلمت وغمضت عيوني
    وفتحها ولله الحمد والحمدلله مااتألمت

    زوجي يمدح طوارئ مستشفى الزهراء
    اكثر من المواساه ،،

تابعي تجارب أخرى من هذا القسم.