امهات ازواجكم كذا ولا ام زوجي بس الحقيره؟

لا تجسلين معها تجنبيها


والله مرة ترفع الضغط هالعجوز
الله يعينك عليهم

والله لو منك ابركه من ساعه انها تجلس بعيد عني ولو تكشخت مره حيل وشفتها جايه مترزه عندي قمت وتركتها
وزوجك فهمي انو اذ يبيك تكشخين يحط يده بجيبه ويعطيك وقولي والله هذا لبسي الي عندي اذا مو عاجبك يدك هات فلوس وروحي جيبي من الزين والغالي وتكشخي انتي الكسبانه :) خليها ترجع لك بايجابيه

قريت موضوعك مرتين
حصلت الغلط من زوجك ياقلبي
ليه داخل بسواليف الحريم خمس سنوات وساكته
أمه عجوز ملقوفه حشريه فهمنا السالفة. لكن هو يربطكم ببعض ليه
العجوز لوه محصله قدامها. رجال ماتمادت
اسألي زوجك لو ابوك يتدخل بشكله قدام الرجال
واليوم الي بينعزمون سواء انتي تقلبين عليه تدقيق. وش موقفه
العيب ف زوجك. كلمه عيب المفروض تقولينه له
علميه أنك من كنتي ف بيت اهلك انيقه
علميه أنك مانتي جاهله او سفيه عشان أمه تستعر منك
العيب ف الأخلاق مهب بثياب
اشوف خمس سنين كثيره وصعبه بتعدلين شي خليتيه طبع ف زوجك
المفروض من اول مره حسيتي بتدخل حطيتي له حد
الحين حاولي تعدلين خطّاءك
فهميه انك ملاحظه انك لأصرتي معزومه مع أمه كثرت بربرته
ولا صرتي لحالك مافيه تعليق او نقد
وعلميه ان هذا شي يخصك
حلوه ذي اهلك الي هم اهلك ماصارو لك مرشدين
يحي هو وأمه

حبيبتي


نصيحة خلك واثقة من نفسك و ألزم ما عليكِ نفسك و زوجك
أمهات الازواج لو وش تسوين ما ترضينهم ويظلون يحطمونك


ثقي بنفسك ولا همك
ظز ابركها من ساعة تبعد عنك في المناسبات عساها ما قربت أهم شي انتي البسي و روقي واجلسي مع اللي تحبين و تونسي واضحكي وطشييييها ماهمك وش تحس و وش تناظر


ربك فوق وبيرد تعاملها معك على بناتها
اكسبي زوجك واتدلعي له وخلك واثقة من نفسك حتى لو لاحقك على لبسك .. بنعومة ودلع قولي له انه عاجبك لبسك وشكلك وووو انك بس بنعومة ورقة .. لا تسمحي انه يتدخل في لبسك وتغيرين وتتبهدلين مقابل انه امه يعجبها كشختك
الله يوفقك ويكفيك شر كل ذي شر

اذا تدخل ثاني مره زوجك قولي له يالله وديني السوق ما عندي فستان ولا كعب يصلح واشتري اغلى شيء تلاقينه اكسري ظهره بالمبلغ وكل ما تدخل قولي له قوم ودني السوق اشتري وطقي الغالي وبعدها ما راح يتدخل
وعمتك كل ما قابلتيها قولي لها والله قلت لفلان زوجك يعطيني المبلغ الفلاني وحطي سعر كبير عشان بتنزلين مع امك بتشترين فساتين وملابس جديدة
خليها تنقهر من الفلوس