منو زوجها اناني مثل اللي عندي ؟؟

والله يا اختي اني قاعده ادعي ربي و متأكده ان ربي راح يسمع دعاي
و اقرا قرآن و اصوم الايام البيض
و اتصدق باللي اقدر عليه
بس عشان الله يسخره لي و عشان يتغير بالمعامله معاي :26:

:):)
لا اختي انا ما ازعل بسرعه :) لا تحاتين ما احب الزعل ابد :26:
واشوف مشاكل الناس و بلاوي و اقول الحمد الله على النعمه اللي انا فيها
كفايه بس اشوف اختي و تصرفات زوجها معاها
واقول الحمد الله على النعمه اللي انا فيها

بس انا وايد ابلع من تصرفاته و اطنش
واسكت و اكبت بداخلي
و مره على مره حسيت نفسي راح انفجر خلاص ما في مجال
وما اقدر اكلم احد من اهلي و لا اقدر اكلم امي لان اللي فيها كافيها ( راعيه قلب وضغط وسكر ) يعني الله يعينها على اللي فيها .

بس حبيت افضفض شوي عشان يطلع اللي فيني عشان اقدر ابلع تصرفاته

و الله يا اختي في اشياء كثيره انا بالعتها وساكته عنها بس عشاني احبه و الله الشاهد اني احبه و شكثر سويت مشاكل عشان اتزوجه وما ابي احد يتشمت فيني .

هذيج المره قريت موضوع في قسم الاسره
يتكلم عن الزوج الشمالي و تصرفاته
و اكتشفت ان زوجي من النوع الشمالي
وانا من النوع الجنوبي

و انا قاعده اعامل زوجي كأنه جنوبي و انا ما ادري !! فقلت خلاص لازم الحين اعامله عدل واغير معاملتي له . لان طبعه من النوع الشمالي اللي يحب المرأه العامله اللي لها شخصيه خاصه فيها و مو متكله عليه بكل شي .
قعدت معاه و بسولف حلوة و كلمه حلوة قلت له .. و فتحت معاه موضوع الشغل و موضوع الدراسه على اساس اني اخذ موافقته على واحد فيهم و قلت له انا ادري فيك انت تحب الحرمه اللي تكون شخصيتها قويه و تكون معتمده على نفسها وانا حابه اني ارد مثل قبل مثل اول

قال لي : لا مو موافق

من غير نقاش ومن غير كلام !! بس لا مو موافق

قلت له مبارك ابي اشتغل و الله مليت حاسه نفسي نكره مو مسويه شي في المجتمع ومالي اي اهميه بالحياه ( انا ما عندي عيال ) و الملل ذابحني .

قال لي انا اعطيج شغل تسوينه لي يشغل وقتج !!

سكت . قال لي ضبطي الموقع اللي مسويته لي و ضبطي لي المواضيع اللي بالموقع ( انا مسويه له موقع على النت ) اصلا فكرتي الموقع قلت دعايه حقه . غير افكار كثيره انا مقنعته فيها تفيده بعمله .

سكت ما تكلمت :(

هلا أختي والله أني لما كنت أشوف مواضيعج في قسم الاكل كنت أقول ياحظ رجلها فيها أكيد مسويها يادهينه لاتنكتين فاهمه قصدي بس سبحان الله البيوت أسرار الله يسخره لج

سلاااام حبيبة مبارك
شخبارك ؟
شوفي ,, اللي اعرفه زين انه مهما اختلفت تفاصيل المشكله لكن يبقى الحل واحد
انتي لو تحملتي وسكتي بيجي يوم وتنفجرين وطبعا هو ما يدري وش السالفه ,, ووقتها ما تدرين ايش بيصير
انك تشيلين في نفسك هذا مو من صالحك ولا هو حل " حل مؤقت "
طيب ايش تسوين
اول شي شوفي اولوياتك وحقوقك ,, يعني انك ما ودك تزعلينه او تسوين شرخ في علاقتكم << هذي اولويه
بس حق من حقوقك ان رغبه مثل الدراسه تتحقق لان ما يندرى ايش يصير
طيب هنا انتي طالبي بحقك بدون ما تضري بالاولويه او تكسريها ,, كيف ؟؟
الاسلوووب
يعني تجلسين معه وتقولين له : انت راضي عني ؟ بيقول ايه
قوليله بس انا مو راضيه عن نفسي ,, يعني انا ودي اكمل دراستي بس عشان اكون الانسانه اللي انا ابغاها ,, انت مو مقصر الله يخليك لي بس انا احب اني اكمل على الاقل تصير عندي شهاده
وانسي حكايه الشغل الحين
مهم اسلوب الحوار ,, يعني تكلمي عن اللي تحسينه انتي واللي تبغينه ,, وتكلمي عن موقفه مثلا قوليله انا فاهمه سبب موقفك ,, او لو كنتي مو فاهمه قوليله انا مو فاهمه سبب موقفك ,, يسعدني اني اساعدك بس هذا مطلب " مو حلم " بالنسبه لي ولازم احقق شي لنفسي ,,
اذا بدا ينرفز قولي : حبيبي بديت تنرفز نتكلم في الموضوع بوقت ثاني ,, قال لا اسكتي وارجعي افتحي الموضوع بهدوووء يعني مو حنه وقلق لا بهدووء انتي تطالبين بحقك .,,
وبعدين يا حلوه انتي بتعلمين بناتك كيف يوقفون عند حقهم ويطالبون فيه مو كيف يسكتون وهم يطالعون الناس يتجاهلون رغباتهم ومطالبهم ,,

يعني سواءا صار اللي تبغينه او ما صار لازم يكون فيه نوع من الاتفاق بينك وبينه على هذي النقطه بدون ما يسيطر احد على الثاني ,,يعني يا ترضين بحالك الان ,, او تتصرفي اما تسكتين على مضض فهذا يضرك ,, حطي نفسك برأس القائمه بس مو زيه يعني رااعي بس خلك وااضحه ,,
هو يعتمد على سكوتك
ومسأله الفطووور ,, ياحلوه قوليله يادب طيب قول تاكلين ما تاكلين ,, اجل انت اغسل الصحون مالت عليك " يعني بمزح "
واذا قال اتصلي على المطعم قولي " افاااا وين الغيره خخخخخخخ ما عندي رجال يكلمهم ,, افا وين الرجاجيل خخخخخ "
شوفي اي شي يزعجك وتتحسسين منه اقلبيه مزح
اغلب الرجال انانيه بس يتنبهون للي ما يسكت لهم والمزح اسهل وسيله تنبيه

واذا على الانانيه اتفقوا على الصفات اللي ما تقبلونها في بعض ,, يعني فلان انا ما احب فيك انا نيتك وعادي وواقعي ,., هو بيقول ما احب في الحنه خخخخخخخخخخخ
يعني هذا يقربكم من بعض بس السكوت يباعدكم
واذا فيه جامعه عندكم مو مختلطه روووحيلها

بالتوفيق عسووووول