محتاره في حياتي

السلام عليكم اول موضوع لي في المنتدى (:
اول شي بعرفكم علي انا رغد عمري 17 متزوجه من شهرين تقريبا ادري بتقولو معقوله بهالعمر متزوجه واحنا 2016ومتطورين انا تزوجت بسبب ظروفي ابويا توفى وانا عمري 15واخوي متوفي قبله بسنه واخوي الثاني تعبان وما يهتم فيني كثير واخواتي كلهم متزوجات وكنت بس انا وامي واخوي اللي يالبيت واول ماخطبني ولد عمي قالت لي امي وافقي ومن هالكلام هوا عمرو 26 ووافقت وتزوجت بشهر 2 اللي فات ببداية الشهر وعلى عماي ي بنات مو فاهمه شي بالحياه لا طبخ لا تنظيف ولاشي ابويا وامي كانو مدلعيني لاني الصغيره ودلوعة البيت والبنت اللي ما ينرفض لها طلب وجاهله بامور الزواج لانه ما كان من اهتماماتي والله ي بنات لما كنت اجهز اخواتي كانو يشترو لي قمصان نوم كنت اقولهم ذي بلايز اكيد بلبس معاها ليجنز وهما يضحكو عليا ههههههههههههه منجد غبيه واول ما تزوجت تلخبطت حياتي ااول شي الجماع ماطيقه ي بنات اموت ابكي اتصل ع اختي اللي قريبه مني حيييل واحسها امي الثانيه ماخبي عنها شي واشكي لها وتقولي ي رغد كل الناس كذا ومن هالكلام ثاني شي البيت مو قادره اتحمل المسؤليه تعبت بالذات الطبخ وزوجي متعود ع اكل خواته اللي كنو من المطاعم ثالث شي مو عارفه كيف اتعامل معاه انا مراهقه وهوا كبير تفكيره غير عني بكثير طبعا زوجي عسكري عصبي شوي خواته اللي اكبر منه والله لما ينادي الوحده تفز ويقولو فلان مو مثل الباقي وهالشيء خوفني منه وخلاني احسب له الف حساب دايم يقولي انتي ما تسولفي معاي واحسك مو مرتاحه لانو متعود ع اخواتو ما يسكتون سوالف وتنكيت وضحك وانا لا اسولف بس مو دايم اوقات اطفش واظل ساكته كمان ي بنات استحي البس قصير عندو ههههههه وربي استحي منه كثير واوقات حتى الفوط ماطلبها واقول لخواتي يجيبولي بس اذا ع الشياكه اتشيك والمكياج والاشياء ذي موهبتي اتفنن فيها والشعر وانوع كليوم ستايل عشان ما يمل ذي النصيحه من اختي ههههههههههه اامممم ادري قرقرت كثير وبتقولو طيب اش المطلوب امم ي بنات والله بس بفضفض لاني تعبت وكمان ابيكم تنصحوني اللي تزوجت نفسي صغيره تقولي كيف تأقلمت وكمان ابي شي يخفف من شهوة الرجل لاني تعبت ي بنات والله اممممم امممم ايوا وكمان ابي نظام تنظيف البيت والمطبخ وكمان كيف انظف مفرش غرفة النوم لانو ام زوجي قبل يومين دخلت في غرفتنا وطالعت في المفرش وصخ ي بنات انحرجت وصرت اطالع بالارض وتقولي ليه وصخ ما توقعتك كدا هوا وصخ ي بنات xxx وكيداا اتمنى فهمتوني وسالفة الحمل ي بنات صايره كل همي وخوفي فيها مابي احمل خايفه من حياتي كلها والله ي بنات ما تتوقعو كيف خايفه ولما امي تقولي مبسوطه؟والله الدمعه في عيني اقولها ايوا اهز راسي واضمها وانا في نفسي اقول ليش وافقتي ع زواجي ليش ما رفضتي ليش ما فهمتيني الزواج والمسؤليه لاني لما انخطبت عمري16 وجاهله ومراهقه لكن الحمدلله ع كل حال واللي بترد رد يجرحني الله يسعدها لا ترد

50 تعليق 10,347 مشاهدة

شاركي في النقاش

سجلي الدخول لإضافة تعليق.

التعليقات

44
  1. @mshaatl

    عادي يختي هونيها
    اللي بعمرك احس يعرفون كل شي
    ونتي كبيره مو صغيره وشوفي كيف معامله زوجك اهم شي اذا هو طيب وكريم معكً فحلو
    عندك خواتك او امك لاتستحين منها يمكن هي تظن انك تعرفين فساليها راح تفرح وتخبرك .
    هذي سنه الحياه .
    هذا الي عندي حبيت ارفع موضوعك برد وان شالله يردون الباقين
  2. @rghd_alkhtany_1

    صاحبة الموضوع
    مشااتل
    عادي يختي هونيها اللي بعمرك احس يعرفون كل شي ونتي كبيره مو صغيره وشوفي كيف معامله زوجك اهم شي اذا هو طيب وكريم معكً فحلو عندك خواتك او امك لاتستحين منها يمكن هي تظن انك تعرفين فساليها راح تفرح وتخبرك . هذي سنه الحياه . هذا الي عندي حبي…
    مشكوره ي قلبي ايوا زوجي طيب وكريم الحمدلله بس يعني مشكلتي انا اللي مو عارفه اتاقلم والحمدلله ع كل حال

تابعي تجارب أخرى من هذا القسم.