تطورات قصتي

السلام عليكم ورحمة الله وبركاته
موضوعي لازال متوقف اهلي يبون ننفصل واهل زوجي يبون يصلحون الوضع
اختصار موضوعي اللي ماشافته من قبل زوجي يحشش وانا توني عروس
واهل زوجي يعاتبوني ان ليش رحت وتكلمت لاهلي كان كلمتهم اهم وحطو حل للموضوع بدون شوشره
وعندهم ان عادي كل واحد يغلط بس المهم مايستمر على غلطه واهو احين جالس يصلح غلطته
والحشيش موب ادمان ويقدر بإي وقت يتركه واهو جالس يتعالج
وبتكون جلسه بينا هالاسبوع عشان يصلحون ولكن اهلي رافضين تماما ارجع ولكن قالوا مانبي نقول لهم لاتجون
وانا الموضوع كل ماله ويحيررني
وهل صحيح اللي سويته اني بلغت اهلي ع سالفة الحشيش صح؟ او كان المفروض اقول لاهله واهم يعالجون الوضع!!
بس لو سويت اللي قالوا انا شنو يضمني انه اهله ماكانو يدرون عن خرابيطه !!!
واحس لو رجعت له اهلي مراح يحطون له احترام مثل قبل !
واهلي يقولون هالشي نفسسي اي ازمه بالمستقبل ممكن تخليه يرحع له !
ومن خوفي من الطلاق احيانا اقول ليتني ماتكلمت عن اللي شفته؟؟! بكلامي خربت حياتي وانا يادوب توني عروس !!
تجي لي حااله اني خلاص ابي ارجع بس لما افكر زين بالموضوع احس خلاص مافيه فايده للرجعه
اخاف ارجع واعيش معاه بشك وبجلس اراغبه طول الوقت
ادري القرار صععب احين بس لما اشوف ان ماعندي اعيال يهون عندي من لو كان عندي

8 تعليق 1,587 مشاهدة

شاركي في النقاش

سجلي الدخول لإضافة تعليق.

التعليقات

8
  1. @alhyah_hloh_5_1

    ومن قال ان اللي سويتيه غلط بالعكس عملتي الصواب ورايتك بيضاء لاتنسين محد يهتم لمصلحتك ويحبك كثر اهلك وامشي على رايهم اللي يستعمل هالخرابيط مايتوب الا من رحم ربي ويحن ويرجعلها باي وقت وهاذي حياه اسره وعيال تخيلي تستمرين وبكره تندمين ومعاك كم بزر راح تندمين كثير لساتك ع البر واهل زوجك يبون يغطون على ولدهم ولاموك عشان علمتي اهلك اهل زوجك للاسف لو وحده من بناتهم مرت بهالشي كان تفكيرهم اختلف بس انتي مش بنتهم وهما يدور مصلحه ولدهم ويمكن عارفين بخرابيطه وساكتين وزوجوه عشان يعقل الله يكون بعونك
  2. ماسويتي شي غلط بلعكس,انا اشوف دامك توك عروس وباقي ماحملتي منه واهلك موافقين ع طلاقك وعيشتك معهم تمام تطلقي ولا تعيشين مع شخص يحشش !
  3. @aaoatf_trky

    اهل زوجك يدورون مصلحة ولدهم وسمعتهم فقط
    اهلك يدورون مصلحتك وراحتك
    انتي كلمه توديك وتجيبك وشكلك تبين تسوين مثل غيرك بترجعين وتجيبين عيال ثم تتدبسين في زوج عايش عالكيف والحشيش
    خذي من غيرك عبره وشوفي تجاربهم كلهم مرو باللي مريتي فيه ورجعو على اساس حلف وتاب وتعهد انه يتركه وماتركه للاسف
    وبعضهم تطور الوضع وصار ياخذ حبوب ويضرب ويشك
    انا لو مكانك او وحده من اهلي بمكانك وماعندها اطفال بقول انحاشي تطلقي قبل تبلشين معاه بعيال وقبل تتعلقين فيه
    لا توسوسين والله ثم والله لو انك غلطتي او اكتشفوك مبتليه بحشيش او حبوب او تدخين ليطردك ويطلقك وحتى اهله بيوقفون معه
    افهمي خلاصة الكلام الصح ان اهلك يبون مصلحتك ويسعون لك بالافضل ، واهل زوجك يبون مصلحة ولدهم ويسعون بالستر عليه واخر همهم انتي
  4. @rmynya22

    لا والله موغلط انك بلغتي اهلك


    اهله يبون يسكتونك ويصبرونك لين تجيبين عيال
    وبعدها بتكونين فعلا تورطتي




    خليك مع راي اهلك
  5. @dmoaa_alryad66

    اقوووول رحمة ربي فيك انك شفتيه وعلمتي اهلك
    اهله دارين عنه اصلن الحشيش واضح بس يداروون
    ولدهم ويطلق وهو توه انتبهي تتراجعين
    وترى اشين شي لما البنت تكسر كلمتة اهلها عشان عواطفها
    الطلاق موب حراااام انتبهي انتبهي تتناقشين مع اهل زوجك
    بشي خلاص الامور خليها بين الرجال والحمدلله ماعندك عيال
    والله يوضعك وترى ربي لها حكمه بكل شي ينكتب للإنسان
    وكرري الايه اللهم اجرني في مصيبتي واخلف لي خيرآ منها قالتها ام سلمه ....الخ القصه
    والعوض عند الله ولا تفكرين بكلام الناس وكيف وليش
    وش تردين عليهم قضاء وقدر اربطي قلبك بالله
    والله مايخيب عبده
    الله يكتب لك اللي فيه خير

تابعي تجارب أخرى من هذا القسم.