مادري شلون ارضية نفسيتي تعبانة ابي حل؟

السلام عليكم خواتي كيفكم من زمان عنكم أخباركم طبعا انا من الموضوع قلبي يحرق مثل النار زوجي زعلان علي مااحبه يزعل ابي أرضية بس حاقرني مايرد علي السالفة ومافيها انوه جا ذاك اليوم المقرود ودقيت عليه كان برا البيت وابي اغراض المهم احصل جواله فيه انتظار واقفل وارجع ادق واحصل انتظار واستمريت تقريبا 4 مرات وانا ادق وانتظار علما انوه مو المره الأولى اللي ادق واحصله انتظار بعدها بدأ إبليس وشكوكي اللي تروح وتجي وانا اكل في نفسي المهم دق علي قلت له خذلك راحة شوي ذبحت عمرك بهالانتظارات المهم عصب انتي انسانه شكاكة ماخلى كلمة ماقالهاقال انا جاي احط حد للسالفة المهم جا البيت وجلس يهاوش ويبرر موقفه يقول انتي ماتبيني استخدم الجوال بتاتا بعدها زعل وطلع طبعا واهويتكلم ادري انه كذاب بس وربي احبه اغارعليه من نفسه واللحين زعلان له أسبوع اذا حاكيته مايرد علي حاقرني وانا افرفش من القهر تكفون وجهوني وش اسوي تعبت وتعبت نفسيتي فكرة تودي وفكرة تجيب ساعدوني تكفون وشلون أقنعه انوه هالشي غيرة من دافع محبتي له مو شك زي مايقول

20 تعليق 3,468 مشاهدة

شاركي في النقاش

سجلي الدخول لإضافة تعليق.

التعليقات

18
  1. @dyary_sa

    اكثري من الاستغفار ولا اله الا انت سبحانك اني كنت من الظالمين ووصلي علي الرسول صلى الله عليه وسلم وبإذن الله يفرج
  2. @oatsab

    طيب شوفي جواله وراقبيه لو يلعب من وراك بتكشفيه
    على الاقل ترتاحي
    الحين خليه يهدا شوي وراضيه قولي غصب عني من حبي اغار عليك اكيد بيتفهم سبب غيرتك ويسامحك
  3. @lody_23

    والله اذا انتي ضعيفه كذا عنده وماتقدرين على زعله وبتنطين في كل ثانيه تطلبين رضاه
    امسكي لسانك ولاتعلقين على اي شي يضايقه
    لين ماتمسكين عليه شي بعدين تكلمي
    اما اسلوبك ابدااااا ماينفع كأنك طفله واكيد هو بيستقوي عليك لانك مبينه ضعفك له
  4. @lydy_fofh

    صاحبة الموضوع
    المشكلةمااقدر اطنشه وبالنسبة للأخت ذات قلب اخضر انا متزوجة عندي أربعة اطفال مش عروس بس طبعي كذا مااحبه يزعل لأنه اذا زعل على طول يلجى لأمه يشكي لها وماابي أسرار بيتي تطلع برا عشان نوعية أمه تحب القرقرة يارب فرجلي

تابعي تجارب أخرى من هذا القسم.