مواقف صعبه للاسف مريت فيها .اصعبها يوم وفاة ابوي الله يرحمه.توفى بحادث سيارة وكانت ليل الدنيا واحنا كنا مفكرين انه بالشغل وللصبح لحتى اجو اعمامي وخبرونا .
قبل فترة رحنا على ديزني لاند واحنا بنمشي وزوجي كان معاه اثنين من اولادي الكبار وانا معي عربايه البنت وماشي معي التنين الصغار وشويه بالتفت على زوجي وما شفت واحد من الاولاد.قلبي صار يدق ومتت من الخوف وزوجي قال خلاص ضاع الولد والمكان كبير كثير وناس مليان.يا الله كانت نصف ساعه من اسوا الاوقات اللي عشتهاوامشي وامشي وافترقنا انا وزوجي واتفقنا نرجع نلتقى بعد نص ساعه بمكان معين.وضلليت امشي وماسكه الاولاد الثلاثه خوف لحدا ثاني يضيع.وبالاخر الحمد لله لقيته واتاري الاخ عجبته لعبه وراح يشوفها بدون ما يحكي لابوه.
موقف صعب تاني خبر وفاة خالتي بمقام امي.
برضه موقف صعب جدا ابني بلع قطعه نايلون وعلقت عالرئتين واطارد فيه ثلاث ايام عالمستشفيات والكل يحكي لا ما في شي بنتء على صورة الاشعه بس طبعا قطعه النايلون ما بتزهر بالاشعه.بالاخر رحت على مستشفى وحكيتلهم انه هو فعلا بلع قطعه واصريت يعملوله تنظير مش اشعه.وفعلا نوموه وثاني يوم من الصبح عملو الاشعه.والله الدكتور لما طلع قاللي احمدي ربك لو ظلت القطعه للمسا كان ابنك مات.اللهم لك الحمد ربنا لطف فيه.
عندي مواقف كثيرة صعبه.والمواقف الحلوة برضه كثيرة الحمد لله اهمها لما اخوي اتصل يوم نتائج التوجيهي وقاللي انه نجحت وجبت معدل حلو.ان شاء الله لي عوده مرة اخرى
اصعب مكالمه تلقيتها بحياتي
متابعة النقاش، صفحة 11