فطور عيالكم وعلب أكل المدرسة

السلام عليكم يا أمهات .. شو اخبار المدارس معاكم ومع عيالكم ..

بدش في موضوعي على طول .. أنا بنتي عمرها 3.5 ودخلتها الروضة ( صارلها أسبوع تداوم ) والحمدلله مريحتني وااايد إلا في شي .. ( أكلها !!!! :( ) يعني هي تتريق ( تفطر زين ) على كوب حليب مع سندويتش جبن ومرات كورن فلكس ( كثير يعجبها) بس مشكلتها بالأكل إلي أحطه حقها في علبة الأكل عشان تاكله في الفسحة.. ما أعرف شو احطلها.. كنت أحطلها : علبة عصير لاكنور مع سندويتش جبن وكانت تاكله اول يومين وبعدين ملت :09: .. وأنا أحس أني لازم أنوعلها بس مش عارفة قالتلي اخت زوجي أحطلها فواكه مقطعة بس احس أن الفواكه لما نقطعها ونعرضها للهواء تفقد قيمتها الغذائية !!! شرايكم ....
أبغي مساعدتكم .. وكل وحدة تقول تجربتها وأفكارها بفطور عيالها وعلبة أكلهم ...
وخلونا نستفيد من بعض ..:)

:26: :26:
بانتظاااااااركم .. تحياتي
:26: :26:

19 تعليق 6,769 مشاهدة

شاركي في النقاش

سجلي الدخول لإضافة تعليق.

التعليقات

16
  1. صاحبة الموضوع
    نسيت أقولكم أني ما أعطيها فلوس مع انه عندهم مقصف في الروضة ( وبصراحة ما اعرف شو يبيعون) بس أخاف تضيع فلوسها أو تشتري حلاوة واشياء ما منها فايدة ..

    بانتظاااااااركم ..و بانتظار تفاعلكم ..
    :26: :26: :26:
    تحياتي
  2. @alyna_1

    انا بنتي ماترضى تفطر الصبح بدري
    تشرب كاسه حليب بس وبعدين اسوي لها كرواسان اوسندويش جبن وعصير لاكنور
    ونفس مشكلتك مرات تاكله ومرات ترده
    هيه نسيت احط لها خيار وجزر بعد ،، تموت عليه ،، اقطع لها اياه طولي او عرضي ، وكنت احط لها تفاح بس ترده ماتاكله
    نفسي الاخوات يفيدونا بتجاربهم
  3. صاحبة الموضوع
    الينا
    انا بنتي ماترضى تفطر الصبح بدري تشرب كاسه حليب بس وبعدين اسوي لها كرواسان اوسندويش جبن وعصير لاكنور ونفس مشكلتك مرات تاكله ومرات ترده هيه نسيت احط لها خيار وجزر بعد ،، تموت عليه ،، اقطع لها اياه طولي او عرضي ، وكنت احط لها تفاح بس ترده ما…
    مشكوووورة أختي الينا على المشاركة..
    تصدقين بنتي بعد تموت على الخيار مفكرة أحطيلها بس ما بقطعه هي تحبه تاكله مرة وحدة ...هههه
    طالعة على امها ..
    ما أدري افكر أسويلها سندوش بيض (فكرت ببيض مقلي) .. بس زوجي يقول لا أحسن البيض المطبوخ ( أفيد) وأنا خايفة من ريحته االصراحة .. اخاف الأبلة تطردها من الصف ..ههههههههههههههههه

    وبانتظار المزيد ..
    :26: :26:
    تحياتي
  4. @rozanh_2

    السلام عليكم
    بالنسبه لبنتي انا بحب انوعلها بالوجبه المدرسيه لانه عندهم بالمدرسه وجبتين
    تقدرين انك تحطيلها
    ساندويش تحاولين تغيرين كل مره
    جبنه مثلثات مره او جبنه شرحات او كيري بس ما تشعر انها تاكل نفس الطعم
    لبنه
    زعتر
    نوتله
    برجر
    تجيتس
    كراوسان
    هوت دوج
    معجنات
    مربى مع زبده
    وبعد ما تنسبن العصير لازم
    وبعد شي تحطينه لها متل بسكوته او كيكه او معمول بالتمر كتير مفيد لها
    وتفاحه او خياره او موزه بس بدون تقطيع لانه راح يتغير لونها وما راح توكلها انتي عوديها بالبيت انها توكلها بدون تقطيع لاجل تتعود تاكلها بالمدرسه متل ما هي
  5. صاحبة الموضوع
    روزانه
    السلام عليكم بالنسبه لبنتي انا بحب انوعلها بالوجبه المدرسيه لانه عندهم بالمدرسه وجبتين تقدرين انك تحطيلها ساندويش تحاولين تغيرين كل مره جبنه مثلثات مره او جبنه شرحات او كيري بس ما تشعر انها تاكل نفس الطعم لبنه زعتر نوتله برجر تجي…
    مشكووووورة اختي روزانة .. على المرور الحلو .. والمشاركة الأحلى ..
    إستفدت فعلا .. وعجبتني فكرة المعمول وايد لأني أحبه ..
    بس ما قلتيلي رايج في البيض المطبوخ..


    ننتظر الباقي
    تحيااااتي

تابعي تجارب أخرى من هذا القسم.