الثوم من تجربتى روعه للشعر كنت اطحن راس ثوم كامله مع زيت جوز الهند و الخروع والله شعرى تغير جدا عليها يبالها حوالى شهرين او 3 شهر كنت استخدمها مره كل اسبوع من ساعتين الى 4 ساعات قبل غسل الشعر و تشوفين الشعر سميك و طول ما شاء الله كانت مشكلتها الوحيده الريحه القويه اه لو تحبى توقفى الخلطه حقه الثوم لازم تكون بالتدريج مره كل اسبوعين ثم مره كل 3 اسابيه و هكذا لو وقفتيها مباشره بيتساقط الشعر . بالاول تلاحظين شعرك يتساقط ده عباره عن الشعر المجهد لمده حوالى 3 اسابيع . كنت احط بعدها حنه اعجنها بالشاى الاحمر و البيض و القرنفل لتروح الريحه و شعرى كان طول كثافه و لمعه مع ضى احمر جميل بس الله يسامح الصبغات خربت لى شعرى هههه.
الجرجير بعد ممتاز جدا للشعر كنت اعصره و اخلطه مع زيت دابر املا و استخدمه مره بالاسبوع لمده ساعتين و اغسل الشعر ونتايجها طول و كثافه ما شاء الله عموما كل الخلطات يبالها 3 شهور وتبين النتايج بإذن الله.
الصبار و الحلبة ما ناسبو شعرى لكن بنات كتير يمدحونهم و خصوصا خلطه غنوه الله يجزاها الخير.
افضل خلطات الزيوت ناسبتنى هى زيت الخروع ز جوز الهند و دابر املا
اخر الوصفات اللى استخدمتها لطول الشعر كانت وصفه الفلفل مع زيت عافيه و دى اسرع وصفه طولت شعرى الفلفل الحار مع زيت عافيه بس بيكفى ساعه و احده و تغسلى الشعر اول مره خليتها 3 ساعات و فروه شعرى التهبت و سبتها و رجعت استخدمها لمن شوفت البنات يمدحوها و حطيتها ساعه واحده و طول الشعر لاحظته اظن بشهر كنت قصيت شعرى و بعد شهر لاحظت انه طول اسرع من قبل لان شعرى ما يطول بسرعه دى الوصفات و الزيوت اللى استخدمتها للطول و الكثافه
بالنسبه للنعومه حاليا استخدم شحم الغنم مع زيت جوز الهند و احيانا استخدم سمن شوكه و ملعقه مع زيت الزيتون للشعر لا تقربيه من فروه شعرك بيقضى على التقصيف وينعم ويلمع الشعر
استخدمت كريم بالمرز بجوز الهند و كان حلو للشعرلكن الحمدلله ارتحت على الشحم و سمن شوكه و ملعقه.
حبيبتى لا تبالغى بالعنايه حتى لا تملين بعد فتره و تتركى كل الخلطات. شامبو غسل الشعر مهم ضيفى ملعقه عسل و شوى من زيت اللى يناسبك للشامبو و خففيه شوى بالماى.
خلال الاسبوع ممكن تستخدمى تونك عصير الجرجير مخفف بالماى لانه حار على الراس و الماى تخفف شوى او تونك اكليل الجبل و الاس فقط على الفروه لانه يجفف الشعر لمن حلوين للتطويل. هذا اللى اتذكره الحين من الوصفات و الزيوت اللى استخدمتها بشكل عام يارب تفيدك و اختارى منها اللى يناسبك اهم شىء الاستمرار و لا تستعجلين النتايج ربنا يرزقك الشعر اللى تتمنينه
يارب لك الحمد كما ينبغى لجلال وجهك و عظيم سلطانك
(أم فريال أحمد)
]
قروبنا الـ26 للعناية الداخلية و الخارجية بالشعرツ
متابعة النقاش، صفحة 180