تجمع التباشر الحادي عشر ل مواليد (يناير - فبراير)

مدام الفهد الحمدلله على سلامتك اكشنك يعور القلب
المفروض من قلتي لهم عطوني إبرة الظهر وهو كان 3 فاتح ..كان عطوك


وحلم الأمس الف الف مبروك يتربى بعزكم الكتكوت👶👶


عقبالنا يارب .. الي معي حوامل كلهم ولدو 😢
وصارت العين عليا وكثرت الاسئله ولدتي ماولدتي 😥😣

ربي يبارك فيكم جميعااً ويسعدكم ويخليلكم ربي ماعطاكم ويهون على الباقي ياكريم 🙏🏻❤❤❤


الف الف مبروووووك ل كل اللي ولدوو والحمدلله على سلاامتكم
🎉🌸🎉🌸🎉🌸🎉🌸🎉🌸🎉


اليوم باذن الله بيكتبون لي خروج انا وبنوتي
الحمدلله اموري انا وياها تمام يارب لك الحمد
اليوم توني احس بذاك الشعور اللي الولاده كأنها حلم 😢😢
ودي اكتب اكشني الحين قبل اطلع وانشغل اكثرر

لك وحشة فقدناك 😢😢

يالله اكتبيه 😍😍

جينا بالاكشن
أسمي اللي مريت فيه
.. لعل الله يحدث بعد ذلك أمرا ..


طبعا بالبدايه الاسبوع اللي فات كااثر معي التحجرر بشكل كثير
وانتم تعرفون حدوو لي موعد تنويم الاثنين اللي هو بكراا
الثلوث رحت للدكتوره ابيها تكشف ممكن الرحم يكون فتح اكثر
حطمتني وقالت لسى فاتح واحد ونص 😣😣
مررره تحطمت وايقنت خلاص ولادتي بالتنويم والطلق الصناعي
وطلعت منها وشربت كوبين زنجبيل
بديت ارتب نفسي واستعد نفسيا للتنويم
بديت معاي الم دوره بس مااهتميت لهاا ابدا
قلت لو بحسبها بتروح وامل ب ولاده 😢
نمت وصحيت الربوع وفيه الام خفيفه مستمره معي بس للحين وضعي عاادي
صار جماع ذاك اليوم وطلعت مشيت ومررره تعبت بالمشي تحجرر قوووي وزاد الم الطلق
وشربت زنجبيل واموري تمام وناسيه الولاده
على وحده باللليل زاد الطلق
وعلى الساعه 2 حسبت له صار كل خمس دقايق
واروح اخرش زوجي قالي مشينا المشفى قلت لاا توني شووي
قمت رتبت بيتي وشطبته سريع وغيرت لبسي
والم يزززيددد وصار كل 4 دقايق
وعلى4 الفجر طلعت المشفى ودخلت الطوارئ وركبو لي التخطيط وانا ادعي ياررب ولاده ومتوقعه يطلعووني البيت
كشفت للحين فاتح 1ونص بسس
تحطمت حتى نص سانتي مافتح 😖😖
طلعت من المشفى قالو ماعندك طلق قوي والرحم لسى والراس فوق 😕😕
طلعت للبيت ويضيق صدري اكثر
بس الالم مازال مستمر ويقوا 😖
اخذت مسكن ونمت
جت 9 الصباح صحيت على طلقه قوويه بظهرري واحس شي نزل مني تكرمون واحس ابي دوره المياه
بقوم القى شي يصببب مني 😯😭😭😭😭
يماااه وش هذاا وركض ع الحمام البس داخلي وفوطه واصحي زوجي وجهه كذاا 😱😱المووويه نزلت
ونطلع المشفى والمويه تنززل مع كل طلقه والطلق مستمر كل 5 دقايق
وصلت الطواري وسوو تخطيط وكشفت للحين فاتح 1ونص 😫😫
والم قووي طلبت منها مسكن وعطتني
ركبو لي محلول والبيبي فيه خمووول
والالم يززيد وجت الساعه 2الظهر كشفو نفس ماهو مافتح اكثر
ويعطوني كمام وداني لعالم ثاني
وكل الوقت ادعي يارررب وياررررب
وراح مفعول المسكن واخذت ابره عضل العصر
ورقروا لي تنويم وبعد يومين طلق صناعي
اكتأبت مررره وضاق صدري
رجعو كشفو ولقو فتح 4 سانتي
ويالله يالله غرفه ولاده
واحمدد ربي الحمدلله الحمدلله
ونقولوني لغرفه الولاده
وعلى طول طلبت ابره ظهر
قلت هذا طلق 4سانتي اجل 8 و9
وتجيني رجفه قوويه ماادري وش سببها
واخذت ابره الظهر على 8 العشاء
وركبو لي القسطره ورجعو كشفو نفس ماهو مفتووح 4بس
قالو بنعطيك طلق صناعي بالوريد
قلت يالله باذن شوي واخص الوريد قوي
وتمر ساعه وساعتين وثلاث ونفس ماهو الرحم مافتح ويزيدون جرعه الصناعي لدرجه صرت احس بالم خفيفف بالبطن
والبيبي نبضه زاايد والرحم مايفتح
وانا مختنقه من الكمام اشيله وترجعه القابله بيبي مشكله انتي بيبي نااايم
جاني الدكتور على الساعه 10ونص قالي احتمال فيصري رحمك ماستجاب للصناعي وهو فيه طلق ومنتظم والبيبي نبضه فووق
واحس اني ب حلم مع الكمام هذا ماادري جاني الدكتور ولا احلمم 😂😂
واستخرت وتوكلت على الله
ورجعو يكشفون وتجمعو الدكاتره ونفس ماهو مافتح الرحم ابداا وهو فيه طلق وطلق صناعي سبحاان الله
وتجهزت للعمليه وسميت بالله ودخلوني غرفه العمليات على الساعه 11وربع جاني شعور غريب خووف على فرحه وتوتر
والدكاتره كانو مرره رايقين ومعطيني جوي 😂
سميت بالله وبدو على طول بما اني ماخذه ابره ظهر


وكلها نص ساعه وتطلع بنووتي القمرر ودمووعي تنزل من الفرحه يارررب لك الحمد الحمممدلله 😭😭😭😭😭👼🏻
وبدو ينظفون ويخطيون وبنوتي حطوها بسرير الكشف وانا اطالعها من بعيد ماجابوها لي
الدكتور فاتح لي الستاره ويخليني اشوفهاا
وخفت انها مابكت بقوووه قالي الدكتور هه هذا بكاءء اسمعي 👼🏻
وخلصو خياطه وبنتي ودوها براا واخذوني للافاقه وجلست هناك ساعه ونص ولاني مستعبه اللي صار لحظه سبحان الله
طلعوني من الافاقه اهلي جايين وزوجي ودوني الغرفه واللهم لك الحمد كما ينبغي ل جلال وجهك وعظيم سلطانك 🙏🏻❤


العمليه راحه بس تعب الجررح
والطبيعي تعب الولاده ومكان الم الجرح 😖😖


وربي يهوون على الباقي ياررب ونفرح بقومتكم بالسلامه ❤❤❤