تكفون ادخلو نفسيتي تدمرت

السلام عليكم ورحمة الله وبركاته..
اخواتي عضوات عالم حواء بطرح لكم مشكلتي اللي عانيت ومازلت أعاني منها وأتمنى منكم تساعدوني وما تطنشوني الله يسعدكم ويوفقكم ويجعلكم بالفردوس الأعلى من الجنة..
أنا إنسانة عانيت من صغري لأقسى أنواع الظلم من حرمة أبوي حسبي الله ونعم الوكيل عليها..
صح إني ما كنت عايشة عندها وما أنزل لها غير يومين بالأسبوع كم ساعة واطلع بيتنا..
بس ظلمها وشرها كان يوصلني ويوصل لماما واخواتي الصغار حتى واحنا بعيدين عنها وبحكيكم جزء من اللي كانت تسويه معنا عشان تشوفوا قد ايش تعذبنا..
كانت تكلم أبويا وتقول له كلام مدري من وين وتلعب برأسه وأبويا يصدقها ويطلع يخاصم ماما وقدامنا لين تحطمنا
كنا نشوف دموع ماما وعذابها وصبرها على كل شيء بس عشاننا ومو قادرين نسوي شيء..
كنا اذا نزلنا عندها وجلسنا ناكل زين قالت جلهم تاكل ما تلهم>>يعني ناكل اي شيء ماشاءالله
ولما يكون في جمعة لعماتي ونجي نجلس معهم تقول جاء المسجل..💔
بالإضافة إلى أنها كانت سبب في تدهور حالتي الصحية فأنا كنت مصابة بانحراف العمود الفقري والدكتور كتب لي مشد طبي عشان ما يزيد الانحراف فهي لعبت برأس أبويا وخلته يحرمني منه في الفترة اللي انا كنت فيها فعلا محتاجة لهالمشد>> وحكتب إن شاء الله عن هالمرض بموضوع قادم للتوعية.
المهم..
ابويا طلقها ولله الحمد وتزوج وحدة أعتبرها بمثابة امي الثانية والله من طيبتها ماشاءالله ، وصار لها 7 سنوات تقريبا بس المشكلة اني للحين مو قادرة اتخلص من التحطيم النفسي اللي تركته فينا فصرت جداً خجولة وهادية وما اعرف اسولف مع الناس حتى مع اخواتي و باقي قرايبي والله العظيم.
وبالفترة الأخيرة صرت جداً متعقدة من هذا الشيء وخصوصا لما دخلت الجامعه وصرت اشوف البنات مع صديقاتهم وانا ما عندي الا كم وحدة وما اقابلهم الا بوقت المحاضرات فقط.
ابغى اتخلص من حالتي هذه تكفون ساعدوني..😭💔
واسفه على الإطال

12 تعليق 1,888 مشاهدة

شاركي في النقاش

سجلي الدخول لإضافة تعليق.

التعليقات

12
  1. الله يعينك ويشفيك ،،،لكن غريبه امك وينها يوم زوجة ابوك تسوي فيكم كذا وتقولين تاكلون عندها طيب ليش وين امك وش الي مقوي زوجة ابوك عليكم وليش امك ساكته لها
  2. صاحبة الموضوع
    امين يارب..
    ماما والله ما قصرت لكن ما بيدها شيء.. تحملت وعانت أكثر مننا لكن ما كانت تتكلم عشان أبوي لا يسحبنا من عندها.
    وغير كذا احنا لما كنا ننزل عندها ماما ما تكون معانا
  3. @mhyra

    حبيبتي تقدرين تغيرين بنفسك وتطويرها وتتخطين هالمشكله
    اقراي كتب عن تطوير الذات والثقه بالنفس
    عادي البنات ف الجامعه افتحي سوالف معهم خليك حبوبه ومحترمه بدون رسميات بيحبونك
    استغفري الله وادعي بصلاح حالك
  4. صاحبة الموضوع
    احاول والله بس احس البنات ما يعطوني فرصة اصلاً..
    اول ما تخلص المحاضرة يطلعون ويخلوني
  5. صاحبة الموضوع
    اختي اللي ارسلت لي على الخاص الله يسعدك اذا ممكن ترسلين لي الرقم او الحساب على تويتر لأنه ما اقدر ارد على الخاص الا لما توصل عدد مشاركاتي 50

تابعي تجارب أخرى من هذا القسم.