ضايق صدري يابنات حواء

بنات كل ماضاقت فيني والا طحت مشكلة أقولكم ودايم تساعدوني بكل شي حتى لو أطلب معلومات عن شي تساعدوني أولا أشكركم أنتم تسوون لي أشياء حتى أقرب الناس لي ماسووها
ثانيا أنا تعبانة حاليا ومتضايقة وبقلبي هم أنا مسامحة كل إلي أخطوا علي (و هم إلي أخطوا علي أرحم من هم إلي أخطي عليهم عندي) أنا كنت عصبية جدا جدا جدا جدا وفوق إني عصبية متسرعة جدا جدا وحساسة جدا
بس الحمد لله بالسنوات الأخيرة خفت عصبيتي بشكل كبير أنا أحاول على قد مااقدر مااخطي على احد نهائي بس مشكلتي مع الي يخطي علي اولع واذا ماولعت انهار تخيلوا لو طفل صغير يخطي ماتحمل يعني الأطفال مرات اتحمل بس اذا المسالة فيها انهم يعاندون وبشي يقهر هنا اولع مثلا ارتب شي ويجي واحد منهم يخربه واقوله بطريقة لطيفة ياقلبي خله انا مسويته ويعاند ويخربه اكثر مرة واكثر من مرتين هنا انا اصارخ بشكل هستيري واخرها اليوم ادري بتقولون عني صغيرة عقل ومجنونة بس والله غصب عني وانا جاية هنا عشان تقولون لي شلون احل هالمشكلة أخاف ربي يغضب علي بسبب معاملتي للأطفال بالذات وانا مااملك اعصابي
وشلون اخلي طفل يسامحني بعد مااعصب عليه لانه غصب عني ؟؟؟ وشلون مااعصب نهائي ودي انهم يخربون علي بس مااكسب اثم احس حياتي كلها اثام بسببهم؟
وشي ثاني انا زمان بمرحلة بعد المراهقة بشوي أيام الجامعة كنت احب وحدة من صديقاتي حب كبير كبير وبسبب حبي لها كنت ازعجها بمكالماتي لها بكل وقت ادق وكانت تتضايق بإختصار يعني كنت ازعجها وانا اخطيت عليها بسبب هالشي والحين ابي تسامحني لكن تفرقنا قبل اقولها تسامحني لاني نلقت لديرة ثانية وقطعت علاقتي معاها ونسيت رقم جوالها حاليا انا متأكدة اني اخطيت عليها كيف تسامحني هالشي يسبب لي هم وكل ماتذكرتها احس بهم كبير واحس انها دعت علي دعوة خصوصا اني حياتي انقلبت فوق تحت بعد ازعاجي لها وانا كنت ازعجها بدافع الحب كنت طايشة وماعرف ومافكر قولوا لي شلون اكفر عن ذنوبي كلي ذنوب ادري الله بيسامحني لو اتوب واقبل عليه بقلب صادق لكن البشر اللي اخطي بحقهم شلون ؟؟؟؟ هالبنت شلون اكفر عن اللي سويته فيها ؟؟؟خصوصا اني متاكدة انها داعية علي
والأطفال اللي صارخت عليهم شلون اكفر عن اخطائي تجاهم احس بتوب ومستحيل اخطي عليهم مرة ثانية بخلي يخربون واذا خصلوا اسوي اللي خربوه
أخيرا أقول لكل وحدة فيكم تقول الحمد لله الذي عافاها مما ابتلاها به وفضلنا على كثير ممن خلق تفضيلا ولا تسخر مني بسبب تصرفاتي لان الانسان مو معصوم عن الخطأ وانا نادمة وتايبة ولا استغني عن نصايحكم

7 تعليق 1,772 مشاهدة

شاركي في النقاش

سجلي الدخول لإضافة تعليق.

التعليقات

6
  1. ربي رحيم بعباده صلي لك ركعتين بنيه ان ربي يكفر ذنوبك ويغفرها لك وباذن الله يفرج همك
    اهم شي النيه والتوكل ع الله
  2. @sosos_4

    عادي حبيبتي كلنا نعصب ونتنرفز ونصارخ على بعض الاطفال قولي لهم معليش حبايبي وجيبيلهم حلويات شبسات العاب الي تقدرين عليه اما صديقتك ادعيلها بالتوفيق وبكل خير ولا تفكرين انها دعت عليك او دمرت حياتك بدعوه منها هذي وسوسه من الشيطان اشغلي نفسك باي شي واتركي لوم نفسك وتانيب الضمير انتي باين انك طيبه وقلبك ابيض ع شان كذا تلومين نفسك على كل تصرف ادعي وتصدقي وربك كريم
  3. حبيبتي انت شخصية حساسة بل مرهفة الحس و انا مثلك والعصبية كلفتني كثيرا حاولي تجاهدي نفسك بقراءة القرآن و كثرة الاستغفار و كل ما تعصبتي غيري وضعيتك لو كنت جالسة قفي او العكس و التزمي بالتعوذ من الشيطان
  4. @slaty_ngaty_3

    ححاولي تهدين اعصابك لمصلحتك والله
    لانها العصبيه تولد امراض انتي بغنى عنها
    وثانيا مشكلتك مع صاحبتك انسيها وااستغفري الله وهي اكيد بتنسا مدام علاقه صحبه وتفارقتو
    ثالثا الاطفال لا تحطين عقلك بعقولهم لانهم ما يعرفون عواقب المصادمات مع الكبار بس انهم يبغون يكيدون لك وقتها بدون ما يعرفون العواقب واهم شي بطلي عصبيه وحااااااولي قدر الامكان تهدين نفسك

تابعي تجارب أخرى من هذا القسم.