شاركي في النقاش

سجلي الدخول لإضافة تعليق.

التعليقات

109
  1. اسمعي يا عزيزتي
    الكلام الي يجمد عالشارب زميلتك هذي لا بد ان تتخذ من زوجها موقف ومو أي موقف
    والله ان سكتت لتدخل في طرق وعرة وصعبة الحلول .
    هو يفتكرك ما تدرين يا اختي ريحي مخك وفجرها في وجهي يعني وش بيسوي يبي يقطع رقبتك
    الأرواح بيد الله سبحانه وتعالى والله لو هو زوجي لأدبه خير تأديب .
    والله لن تنفعك غير المواجهة الموجهة خير سلاح خليه يعرف انك دريتي والله ما تدرين
    وش ممكن يسوي يمكن يستحي ويتوب أو على الأقل يحس بأنه مسوي شئ غلط .
    ما تدرين اليوم يتفرج وبكرة يخونك وش تسوين وهذي اعتبرها خيانة صغرى مالك الأ هذا الحل سارعي قبل فوات الأوان.
    أما ان كنتي تخافينه وشخصيتك مو ذاك القوة اكتبي له رسالة عتاب وسخط وتذكير واختميها بدعاء
    نوعيها في اسلوب واحد.
    وأسأل الله ان يهدي زوجك ويسر امرك عاجلا غير آجل.
  2. @meshmeshan

    تدرين وش مشكلتنا احنى مجتمع ما نعترف بعيوبنا الحاله اللي هو فيه غالبا تكون مرضيه الإدمان على هذي المواقع مثل الإدمان على الطعام وعلى الدخان وغيره ممكن الواحد ينقطع عنه فتره بس ممكن يرجعلها اذا ما حل المشكله من جذورها ميزة الغرب عنا انهم مخصصين مجموعات علاجيه لمثل هذى النوع من الإدمان وانا اعرف وحده نفس حالت صديقتك الرجل في هذي الحاله مخطئ مئه بالمئه لكن؟؟؟؟المرأه هنا تتحمل مسؤوليه كبيره لاتقوليلي حامل وتعبانه كلنا حملنا وتعبنا بس مع كذا مستحيل ادخل انام واخلي زوجي قاعد الحاله الا اتعنقط فيه وامسكه بإيديني ورجليني واذا لزم الأمر انسدح فوقه عشان اضمن انه ما يقوم من النوم من وراي وانا متأكده ان خويتك اهتمت ابنفسها اسبوع وبعدين سوت طناااااااااااااش هذا حال الحريم تكشخ مره ولا مرتين واذا ماشافت الرجال اتنقع عندها قالت سويت وعملت بس هو اللي مايشوف وهو اللي مايفهم وقبل كل هذا وذاك تلجا لرب العالمين وتدعيله اذا شافها زوجها تقراء قرآن نص الليل وتدعي ربها حتى لوكانت على افراشها مراعات لكونها حامل يبي يستحي يدخل ويشوف هالمواقع اللي رايحه فيها وفي حركه حلوه وبسيطه ممكن تحط ايات قرآنيه كخلفيه للشاشه بحيث تكون مقروءه واذا امكن مسموعه يكون لها وقع على زوجها بحيث يستحي من الله يدخل على مواقع من هذا النوع ايات قرانيه تدل على ان الإنسان مراقب من قبل رب العالمين في كل صغيره وكبيره واذا في وحده من البنات عندها خلفيه عن اآيات القرانيه تفيدنا في موضوعنا هذا ياريت ماتتردد عشان الكل يستفيد والله يخفف عنها قولو آمين...
  3. @hdhd_7

    بصراحه انا استغرب من البنات اللي يقولون
    وليه تخلي زوجها لحاله على النت!!!!
    ياسبحان الله يعني هو طفل ولا مراقبتي له هي اللي بتمنعهّ!!!!
    حبيبتي
    والله انا لو مكان صديقتك كان سويت رده فعل
    يعني مو معقوله كل يوم انا اموت قهر وهو كل يوم على النت
    انا ضد الصراخ والكلام اللي ماله داعي او اني ازعل واروح بيت اهلي
    بس الصح اني اقول له اني بالصدفه اكتشفت اشياء غلط انت تدخل فيها على النت
    وتبكي بكل انوثه وتقوله صورتك المثاليه اللي على اساسها انا حبيتك انهزت
    وتبدى تسترسل بالموضوع وماتبين انها ضعيفه بالعكس
    تقول انا حلوه واقطع قلبي عشان اغرضيك وهاذي تاليتها
    وطبعا هو بيكون بموقع الضعيف
    وبيبدى يبرر لها و....اشيطان ... وهذي نزوه....الاسطوانه المعروفه!!
    وتقوله وتحلف له انها اذا اكتشفت مره ثانيه شي زي كذا بتترك البيت والعيال وتوح بيت اهلها
    عشان تتزوج انسان يقدرها ويعرف قيمتها (طبعا بس كلام)
    وتقوله لا تعتقد انك ممكن تطالع و ماراح ادري انا داعيه ربي ماتغلط علي بشي يهين كرامتي وانوثتي الا الله يوريني اياه
    وكل شي ممكن تسويه اغفره لك الا شي يهين كرامتي وانوثتي

    صدقيني اذا تركت الموضوع بيزيد واليوم شاف بكرى كلم بعده يفعل
    ولازم تتداركين الموقف
    ولازم اذا تناقشه يكون شكلها حلو ومتصلحه ومترتبه
    والله يكون بعونها والله يسخره لها ويهديه لها يارب
  4. @allolo_6

    ياقلبي عليها

    اسال الله الذي لااله الاهو في هذا الوقت المبارك (الثلث الاخير )
    ان يفرج همها ويسخر لها زوجها ويجعلها في عينية حورية لايرضى بغيرها

    واسال الله ان يهدي قلب زوجها ويجعلة رجل حنون عليها وصالح مصلح يخاف اللـــه رب العالمين بالسر والعلن

    شوفي حبيبتي قوليلها

    *بلغي كلية عبد العزيز عن المواقع اللي يدخلها
    خليها تسد كل الابواب المحرمة اللي يدخلها
    يعني الموقع اللي تكتشفة تدخلة بالاتصال وثمن تروح لاي موقع بقوقل وتطلع اي موقع غير مسموح وتلاقي تحت كيف تبلغ عن الموقع

    ومايجي يومين الا وهو غير مسموح الدخول له

    *
    قوليلها لاتنقهر ولاتغم نفسها وتهمها وخليك قوية يااختي ترين بكذا رح ترهقين نفسك وتمرضينها وتنحفين وعيونك الحلوة بتصير رهقانة وشكله مب حلو من الارهاق والبكاء وتصيرين بعدين بنظر زوجك عجوز كخ ويتزوج عليك وشيبي بوحده مريضة !!

    خليك مرحة والدنيا ماتسوى ونا اختك هم ساعة
    كلما جتك فكرة او جا الشيطان يوس وس لك تعوذي من ابليس وقولي (لاحول ولاقوة الا بالله ) من كل قلبك وتدبري معناها وشوفي كيف الراحة مع تكرارها بكل صلاة وبكل وقت تهتمين فيه

    وفعلا لاحول ولاقوة لنا الا بالله في الامور الصعبة
    وربك قادر يغيرة بيوم وليلة بس ادعية واكثري السجود له

    ثمن خلي الابتسامة ماتفارق وجهك ابدا وتزيني وامشي وانتي رافعة راسك مستانسة وقوية بالله عز وجل

    وكثري من الاسترخاء اللي يهدي اعصابك

    وهو انك تنامي وتاخذي شهيق ببطء وزفير ببطء الين تهدى اعصابك وكلما تذكرتي امر مقلق او محزن
    قولي لااله الا الله ولاقوة الا بالله ثمن خذي نفس
    وخلي املك بالله قوي

    ولاتنسي قول رب العزة والجلالة (انا عند ظن عبدي بي فليظن بي ماشاء)

    يعني ان صابك يأس عليك ان تظني بالله بانه هو القادر واملك به قوي وهو الكريم الذي يغير الامور كيفما شاء واذا اراد ان يقول لشيء كن فسيكون سبحانه وتعالى

    وخليك قريبة من ربك بكل الاوقات

    لدي نصايح كثيرة

    لكن الوقت ضاغط علي

    وصلى اللهم وسلم على محمد

    ولاتنسون ان تدعون لي بالزوج الصااااااااااااااااااااااااالح عاجلا غير آجل

    اختكم
    الللؤلؤة
    :)
  5. @am_thamr2

    الله يهدي زوجها ويسخره لها

    *****************وتكرر الدعاء اللهم اني اسالك ان تسخره لي وتنصرني عليه

تابعي تجارب أخرى من هذا القسم.