مشكلة أخت لكن بالمنتدى
تتمنى أن تجد المساعدة منكن في حل مشكلتها
و هي معنا و تقرأ الردود ..
السلام عليكم ورحمة الله وبركاته
ياخوات اريدكم تشاركوني في مشكلتي
انا زوجة رجل مطلق وكل يوم يجون عندي اعيال زوجي خلاص انا طفشت
احس بضيقة مرة
وانا عندي اطفال
وحتى لو خرجنا لازم ياخذهم معنا
واذا سافرنا لازم يرحون معنا
ماحس بالراحة في بيتي
هل اللي انا احسه طبيعي
او انا انانية ماشعر بحاجة زوجي لاعيالة
لكن انا ماعندي مانع لو يجو قليل اما كل يوم لا
مع العلم ان ابوهم مايشوفهم الا في اللحظة الاولى عند دخولهم
ثم يروح ويجلس لوحدة يتفرج على التلفزيون او الجوال
المهم لوحده ويقول مابغى ازعاج
اما التفاهم معه صعب يقول انا فقط بس احساسي بوجودهم في البيت كفيني مو لازم اجلس معهم
وذا رحت عند اهلي مثلا ونمت عندهم مايجيبهم لانه معتمد علي
ساعدوني وش العمل
ومن عندها مثل مشكلتي وعوضها الله بصبرها وتحملها
اما انا فطفح الكيل معي
شاركي في النقاش
سجلي الدخول لإضافة تعليق.
التعليقات
27- يختي لازم الاخوان يشوفون بعض ويتعودون على بعض
يعني هو مايجيبهم بس عشان يشوفوهم
لاسباب كثيره
ان الاخوان يحبون بعض ويتشوقون لبعض
انهم يتعودون على بيتهم ويعدونه بيتهم
بصراحه
مره مره ماني شايفه سبب لانزعاجك منهم
تذكري انهم عياله ولهم حق عليه
مو عشان طلق امهم يعني مايجون الا مره بالاسبوع !!!
تخيلي لو انهم عيالك مكانهم هل بتتمنين لهم كذا
عالعموم لاتنسين ان الطفل يحس باللي يحبه او اللي يتضايق منه
وبكره لا راحت الايام والسنين بيتذكرون عياله وبيذكرونك فلا تخلينهم يتذكرونك الا بخير - حلوه احساسه قوليله اجل خل احساسك ينتبه لهم ويااكلهم ويوجبهم
الله يحييهم ماختلفنا بس موب كل يوم
وهم عيالك موب عيالي قم فيهم انا ماني موكله فيهم
مالي لاجنه ولانار من وراهم
امهم وابوهم موجودين
تجيبهم ع عيني وراسي بس تلتزم فيهم شوي
اما تجيبهم والتعب علي عيالي ويالله اتحملهم لانهم عيالي مجبوره لان محد متحملهم غيري ومحد متحمل عيال احد
وانا ماقصرت خايفه الله فعيالك ؤاتقيت الله فيهم
بس المساحة ضيقه والبيت ينحاس امهم مرتاحه وابوهم مرتاخ وانا الشقا لي
عالاقل عيالي برهم لي اما عيالك بينفعونك وينفعون امهم مابيذكرون لي شي
طبعا قوليها بالحسني وبالطريقه اللي ماتؤذي حياتك - يابنات لانكون ظالمين
هي مارفضتهم تماما
هي رفضت وضع زوج بترك مسؤليتهم التامه لها
طيب وين دوره هو ك اب
واذا عالاخوان ماقالت بمنعهم من بعض
لكن كل شي بحدود
عادي يجون بس مرتين ان كثر فالاسبوع
بالاخير هي نفس بعد
يعني لاتكلم نفسها ولاتتعدا عليهم بالظلم - اظن والله اعلم ان زوجك يبي اولاده يتعودوا على بعض وهذا من حقه
اذا هم صغار لاتتضايقين منهم اتركيهم مع اولادك يلعبون وياكلون معاهم وحتى لمن تروحين لسوق اشتري لهم زي اولادك
صدقيني كذا اولاد زوجك واولادك راح يصيروا يد وحده
اذا كبار كلمي زوجك انك ماتقدري تاخذي راحتك في،بيتك من لبس وغيره
يصير لهم وقت محدد بالاسبوع يجون فيه مرتين كفايه - من جد الله يعينك.. بالنسبة لو كنت مكانك مابتحمل... يمكن لأني عصبية ويادوب اتحمل عيالي...
قولي لزوجك يجيبهم يوم او يومين....
انتي من حقك تعيشي حياتك مع عيالك وزوجك براحتك...
كلميه بهدوء وفهميه ان هالشيء فوق طاقتك....
طيب وين امهم اصلا... هي ملزومة فيهم تراعيهم..
انتي كثر الله خيرك لو تحملتيهم مرتين في الأسبوع....
مواضيع مشابهة
تابعي تجارب أخرى من هذا القسم.