ذبحني هالزوج عجزت اغيره
صباح الخير اخباركم صبايا انا جالسه أفكر من الحين في الاجازه الصيفيه لأن خبركم هالسنه بتكون طويله 4 شهور وكلمت زوجي قلتله نبي نسافر نغير جو وهو رافض فكرة السفر برا نهائي هو إنسان تقليدي ومحافظ وقالي في شهر 8 لاعطل بنروح مكه وبعدها المدينه يعني كلها تقريبا 4 أيام وبس وقال لاقدرت في شهر 11 رحنا الطايف أو أبها يومين بنات زوجي يرفع الضغط مايحب السفر والتماشي الزايده حدي في الأسبوع تمشيه وحده وأماكن عامه مايحب مولات ومطاعم مره شخصيته ترفع الضغط حاولت اغير فيه ماقدرت لابغيت المول عشان امشي عيالي واونسهم عادي نزلني وراح وقال لاخلصتي دقي اش الحل بنات من الحين قاعده أفكر بالاجازه الطويله والقعده والحكره بس اللي مريحني شوي أن اهلي بيقضون الاجازه بنفس المنطقه اللي انا فيها وبيتهم هنا بس تعرفون الحين الكل يسافر ويزعط خاصه اللي حولي من الحين مقررين وين يروحون بالصيف وزاعطين بدلع رجالهم لهم وبس تصوير وحركات وماانكر انا زوجي يحبني وطيب ومايقصر معي بس ممل مايحب التجديد والتغيير عادي عنده لو نقعد طول السنه بالبيت