نفسي اكون زي اي امراه

والله مدري مره يقول انه بيتزوج عشان الجماع لأني انا مشغوله ومريضه احتاج عمليه ومره يقول ابغي وحده عندها فلوس ولما خانقته سكت معد يقول شي ويلعب بالفلوس وانا محاره راح العمر وبقي شي غير الحسره ابغي أهتم بنفسي وأشوف احتيجاتؤ لكن وجدت نفسي اني لازم اشيل دور الرجل والمرأه وتعبت وتلا شت أحلامي يارب ساعدني

جبتي عيال منه واللا هذيلا عيال زوجك السابق ؟؟


لو عيال زوجك فتصرفه طبيعي لأن الرجال والحريم ما يتحملون عيال الازواج السابقين الا من رحم ربي ..


عموما هو لازم يشيل مصروفه عنك ولازم يساهم شوي في راتب الشغالة ومصروف البيت على اعتبار ان هذا بيته وهو ساكن فيه

• الاحظ اغلب حلول عالم حوا تطلقي تطلقي وش فيكم انتم دوروا حلول اقرب للحياة السليمه... عندها ولد وبنت منه ...ومن كلامها انه ما ضرها بس ياخذ مصروف منها ....والسبب انها هي رضت فيه كزوج وتعود على المصروف.....مو هو لحاله كل الرجال كذا اذا تعود ان الحرمه تصرف ياسلام بيريح....

واهي كان عندها عيال من الاول وماديتها زينه...فعليها انها تستسلم للحياة وتعتبره زوج فقط..يصونها ...
واذا هي ماعندها من زوجها الاول عيال ...فلها تشتغل بحكمتها .....فلوسها تصرفها ....تخفيها ..وتقول ماعندي .... حسابها تخلي فيه كم ريال حسب ميزانيتها ..يعني اذا موظفه تدخل جمعيه من وراه...واذا جت فلوسها لاتعلمه ...ولاتعلمه انها داخله جمعيه ...واذا جا يسحب او هي تسحب من خسابها قدامه يشوف ان ما بقي الا شوي....وين فلوسك...تقول راحت مصاريف وتطلع لها مصاريف شريت وحطيت ورحت وجيت...واذا في مجال تسافر هي وياه وعيالها تروح تتونس من فلوسها ولاتشيل هم....واذا قال ابي معد عندي شي يسوا ..وبس هي الحياة حرب اذا صار مع الحرمه فلوس سواءا ارمله او ممتزوجه او مطلقه وزوجها عرف ان معها فلوس الله يعينها...

شوفي حبيبتي مساله انك تشيلين دور الحرمه والرجل ...ترا اغلب الرجال في هالزمن رامي الحمل على الزوجه...فهالشي لا تعتبرينه عائق...شوفي محاسنه اذا هي طيب وسوي ومو راعي غزل وشراب ...ترا هذا شي يشفع له...

ماراح يجي رجال ميه بالميه صافي..لازم ينقصه اشياء ...

واذا كامل بتصيرين انتي الحرمه الثالثه او الرابعه يعني مو لك لحالك وبالتصير الحياة فيها شوشره...

ادرسي محاسنه ومساوءه..وحاولي تكملين اللي ينقصه ...واستخيري الله لانه هو بيدلك على الخير مو احنا

الله يفرج همك