احس اني مكتومه ولا فيه مكان اقدر اقول اللي بقلبي الا هنا لان حتى اقرب صديقاتي ماقدر اقولها اللي احس فيه
انا ربي خلقني عاديه جدا ملامحي مقبوله جسمي عادي لاكن خلق ربي اختي اللي اصغر مني ب 8 سنوات وعمرها الان 20
ملكه جمال تعرفون ايش ملكه جمال ماشاء الله جسم وبياض وشعر حرير وعيون عسليه انا عكسها تماما شعر خشن جسم شين
كل شي عكسها والله ان اختي طيبه وعلى نياتها لاكنها اذا زعلت علي او حقدت ترمي علي كلام زي السم بشكلي وتقول انا جميله وانا وانا
وهي صادقه هي من يوم عمرها 17 سنه والخطاب على بابنا بس امي ترفض تقول لسى ماراح ازوجها لين تتخرج وانا متاكده الف بالميه انها بتتزوج اختي قبلي
صرت استحي اطلع مكان وفيه اختي معي لان نظره الناس لي يجلسون يفرقون ويرمون كلام عيب ياحريم ترمين على خوات
كلام يجرح زي ماتتشابهون او تقولين فلانه ماتشبه اختها ابد من طالعه عليه عيب انك تقدسين اخت وتفرقين اخت عن اخت عشان الشكل بس
وهذا اللي لاحظته بكل اقاربي وامي حتى مع اني انا الطيبه والهاديه لاكن ماهمهم لاكن اقاربي وامي يدورون رضى اختي الجميله
انا كانت نظرتي عاديه باختي بس الان تغيرت نهائي صرت ماحب اطلع معها عند اقاربي ماحب يجمعني معها مكان الا البيت
والسبب الحريم حسبي الله على كل حرمه من هالنوع ترا كل الناس عندهم مرايه نشوف انفسنا نعرف ان اختي اجمل وحده فينا
واعرف اننا مانتشبهه اعرف ان اختي بيضاء وانا سمرا اعرف ان اختي رشيقه وانا سمينه اعرف ان اختي شعرها حرير وانا شوشه
انا استغفر الله وصلت فيني اني اقول ليش ياربي تخلق لي اخت جميله ليه ماخلقتنا زي بعض وصلت لحد الوسواس والسبب الناس والكلام
لو شخصين قال هالكلام او احد قليل اقدر اطنش لاكن العالم كلهم نفس الكلام ونفس الهرجه شي يجرح
صعب حتى بالزواجات امي ترز اختي معها وتدور فيها تسلم على كل الحريم وانا ماتعترف فيني اصلا مع اني انا الكبيره وانا اللي ماتزوجت
امي تحب ترز خواتي قدام صديقتها واقاربنا يعني شوفو عندي بنت ملكه جمال
اقاربي كلهم اذا زرناهم او شي طايره عيونهم باختي وقدامي يقولون يالله ماتشبهك فرق عنك وشلون طلعت اختك كذا
ومرت عمي كان زمان ماشافت اختي اخر مره شافتها قبل 5 سنوات وانا مثلها اول ماشافت اختي بزواج شهقت وقالت ماشاء الله وش هالزين
بالمره صايره بنتك فلانه جميله ابد ماتشبهه اختها ولا اخوانها وهالكلام قدام اقاربي وامي
ولا خوالي لان اختي جميله دايم خالاتي يقولون فلانه طالعه علينا يقصدون اختي الزينه اما انا يقولون لا هاذي طالعه على اهل ابوها انا ربي خلقني كذا
ولا يوم كنت بالثانوي دخلت اختي على صديقاتي وكلهم شهو وانهبلو قالو كيف هاذي اختك واختي كانت لسى بزر بالابتدائي انجنو بعدها تبت ادخلها على احد من صديقاتي
وقبل فتره قلت بدخلها على بنات بشوف وش شعورهم ودخلتها والكل انصدم وتنحو وقالت وحده ماتتشابهو ابد الى هالدرجه يعني ماعمركم شفتو اختين مايتشابهون
واقسم بالله اني احس ربي ماخلق اختين يختلفون عن بعض غيري انا واختي من شده المقارنات اللي تصير من الناس وكانهم شايفين اعجوبه
اصلا ماله داعي تتكلمين وتقولين رايك من طلب رايك يوم تسوين مقارنات بين خوات والله اعرف ناس خوات مايتشابهون بس بعمري ماقلت ماتشبهك او شي لانها الكلمه تجرح
ماحد راح يحس فيني الا اللي تعاني مثلي يعني لها اخت ملكه جمال وهي عاديه يعني بالزواجات والعزايم ادهر من الصباح مشاغل ولبس وتقشير وتشقير وادفع الاف
واختي ماشاء الله تصحى من النوع تستشور شعرها لانه حرير وتحط مكياج ناعم واطلع انا جنبها استغفر الله كاني حكيمه اللي بالحياله من شده مالفرق بيننا
انا صرت اوسوس اقول من بياخذني وانا كذا واختي كذا؟
ولو فكر احد ياخذني اكيد بيكون شخص عادي لاكن اختي بتحصل ماشاء الله الدلال والعز لانها جميله وانا العكس
لانه معروف ان الرجال مايجيبه الا الجمال وانا ماعندي الشي هذا
والله وصلت اوسوس لو كتب الله وتزوجت وزوجي شاف اختي بالصدفه خاصه اختي تحب تترزز وعبايتها ملفته وش شعوره
اذا شاف الفرق بيننا وربي كرهت نفسي وكرهت حظي ان ربي خالقني كذا وخالق اختي كذا ياليت زي بعض او ياليت كلنا نفس مستوى الشكل
استغفر الله والله مجرد فضفضه لاني مخنوقه من موقف صار اليوم فحبيت اوضح ياحريم ترا ماله داعي تتكلمي بالاشكال الكل عنده مرايه والكل يشوف شكله
الموضوع مغلق