القروض جوعتنا واهلكتنا تكفون مين جرب هالناس اللي يسددون قروض

الله يسعدكم ...

للاسف ما اقدر اتوظف .... حاولت بس ماقدرت الظروف كاسرتني

ياااارب يسعدكم دنيا واخره
افكار حلوه ..... كملوا كملوا عسى ربي لايوريكم هم بحياتكم

ألي اعرفه انه هم يسددون لك القرض عند البنك وانتي تدفعين لهم بس ماهو حل لانكم راح تفضلون مديونون للموسسه الي بتسدد عنكم ..من راي ابداو تقشف من اليوم ورايح احسبو مصاريفكم بالهلله ولا تصرفون في اي شيء مايعتبر ضرورة قصوى وزوجك في ايام عطلته اقترحي عليه يشتغل تاكسي ماشاء الله اصحاب التكاسي ربي فاتح عليهم لانه رزقهم بالخفيه مو زي الموظف يعرفون راتبه ويحسدونه..واذا مايبغى تاكسي ممكن يتعاون مع تاجرات او مندوبات يوضل طلبات للزباين على الاقل للمشاور 25ريال يعني مشاورين في اليوم يطلع حق اكلكم وشربكم..المنظفات ومصاريف البيت والمقاضي روحي ارخص المحلات ولاتشترين الا الضروري فقط الخضار من سوق الخضره يعطيك كل نوع كيس بخمسه ريال يعني 50 ريال تجيب لك قضايه الثلاجه..بيتكم اذا اجاركم غالي انقلو بيت اصغر الله يعينكك اصبري سنه سنتين لين تخلصون لو قرضين وبعدها انقلو..الله يعينكم لاتمدون يدينكم لحد مو عشان لا يستصغرونكم لا لانه كذا قاعده تكثر ديونكم لازم تعتمدون على الراتب+الشغل الحر ..وادعي ربي في كل ليله يفرج ضائقتكم ويسدد دينكم

اللي يسددون للقروض ، يطلعون قرض بطريقة ملتوية على اسمك وتسددين نص القروض السابقة مع القرض الجديد ، يعني موت وخراب ديار.
ولا حتى تفكري فيها ولا تخطر في بالكم .
خلي زوجك يدور وظيفة ثانية شفتات ، يعني دوام من الصبح لين الظهر يجي يرتاح يطّلع يداوم من جديد لين 11 باليل . هذا اللي انا وزوجي سويناه لمن اشتدت علينا القروض ، عشان البناء للبيت الملك ، ولأنه مو انا ما أبغى وظيفة الا بالعكس كنت أدور وما ربي كتب لي .
بالنسبة للي يبقى من راتبكم .
شيلي لو منه شي بسيط دائماً 300 على جنب وخليها ولا تمدين يدك عليها أبدا وانسي وجودها أصلا ، واعتبريها مو موجودة . الباقي من الراتب دائماً طلعي منه شي عنك وعن عيالك وعن زوجك صدقة حتى لو بسيط عند الله سبحانه كبير .
لمن تنزلين السوق خذي الأشياء بس اللي تحتاجينها وتجلس معاك ، الخيشة تبع الرز الكبيرة والمعكرونة التركية ، الصلصة والطماطم المعلبة. جيبي الأشياء اللي تجلس بالأشهر وما تخرب ولا تحتاجين تشترينهاس
دائماً .


والباقي اصرفي منه طول الشهر وصدقني ربي راح يباركلك فيه ولا راح تحتاجين للسلف والقروض