مشكلة التصبغات وحب الشباب

مرحبتين ياحلوين طبعا عضويتي جديده
لكني اعرفكم من زمن ادخل واستفيد من مواضيعكم
الله يسعدكم من اكبركم لين اصغركم ..
اليوم قررت اسجل واحكي لكم مشكلتي
صراحه مدري وين احطه باي قسم ، قسم ساعدوني او قسم الجمال والاناقه بس قررت احطه ب استفسارات الجمال بما ابي احتاج استفسر عن موضوعي
حبيباتي طبعا واضح من النك اني عشرينيه يعني توني طالعه من مرحله المراهقه والتعب النفسي وتغير الهرمونات ودخلت مرحلة النضوج الفكري والشباب
الكل يعرف مرحله المراهقه والتغيرات اللي تصير بالجسم
انا بنية جسمي حلوه مابي لا اسمن ولا انحف معجبني اقصى حد اتمنى اني ابرز جمال جسمي باللبس واتمتع ب انوثتي لكن يعيبني التصبغات اللي بجسمي وحب الشباب اللي حالف ما يطلع من جسمي بنات اعاني اعاني بشده من هالمشكلتين والله م تصدقون كيف اني شايله فكرة الزواج من بالي عندي 3 خوات كلهم راحو وباقي انا اما اللي تحتي صغيرات بالابتدائي يعني العين علي انا كذا مره ارفض بحجة اني ما عندي حس مسؤوليه او اني كل همي دراستي اللحين لكن بقلبي اقول والله من زين الجسم اللي متصبغ يوم اروح اقابل ولد الناس بكل ثقه ، جربت كل شي خلطات بيت خلطات من حريم حتى اني خاطرت بعمري واستخدمت كريمات مليانه كرتزون صح فتحتني شي بسيط لكن مازال التصبغ موجود وظهري اااه ياظهري كله حب شباب واسمر اسمر بشكل ماتتصورون رغم بشرتي بيضاء جدا الا ان ظهري اسمر وبطني كذلك كاني مو بنيه صغيره ابد ابي حل يوحد اللون قالوا لي الحمام المغربي صراحه جربته قبل ل اجيب الخيمه نفسها جربته تجربة المبتدئات اللي احط طاسه الحمام 'وانتم بكرامه' كله مويه حاره واخلي جسمي بالبخار واغطيه بالبطانيه وصحيح فتح جسمي واجد بس ظهري واللي تحت مازال اسمر 😩😭😭
انا لو اني سمراء كان سويت تان وريحت عمري وصرت لون موحد لكني بيضاء وليتني بيضاء كامله فيني بعض التصبغات وكمان ركبي واكواعي 💔💔 ابي حل الله يسعدكم ابي اصير نفس ممثلاث بوليود كل اجسامهم لون موحد 💔 لا تقولون لي ليزر وعيادات وووو انا الحمدلله قادره على مصاريفهم بس ويين وين اللي يوديني للعياده وانا بمحافظه اشبه بالقريه مافيها هذي الخدمات واذا سافرنا مستحيل اروح واسوي لاني اسافر عشان اتمتع بالسفره والطلعات ومقابل الاقارب فأبي حل منكم وراح ادعي لها وربي بكل مره اشوف جسمي 💔💔والله اني اشوف صديقاتي وكيف صفائهم وتوحد لونهم واتحسر ليه انا كذا ليه انا بالذات 💔💔 تعقدت مني لما اشوف بنية جسمي بالمرايه وكيف الله معطيني هذا الجسم ولا عمري تهنيت فيه 💔
والله حتى فكره الزواج شايلته من بالي مررررره لين يتعدل جسمي
انتظر ردودكم عن توحد اللون وكذلك حب الشباب اللي ذبحني

2 تعليق 850 مشاهدة

شاركي في النقاش

سجلي الدخول لإضافة تعليق.

التعليقات

2
  1. @shary_alaaalm

    مرحبا اول شي الجسم دايم يحتاج للتنظيف بمنضف مناسب اي صابونة تفتح عندك المنتدى مليان ويحتاج مقشر كل فترة وفترة عندك مقشر كاب ومقشر ملح الحليب الاخير رائع ويحتاج مرطب اذا جسمك جاف اختاري كريم مرطب قوي المسئلة تحتاج استمرار وعدم يئس بين كل فترة وفترة استخدمي قناع للجسم انا شخثيا استخدمت شوفان وحليب وعسل وليمون رائع جداا يفتح ابتعديعن الزيوت اذا كان الجو حار او عند الخروج من المنزل مهم واقي الشمس للوجه
    مهم الترطيب لليدين عند كل غسيل انتبهي من الجفاف هو الي يسبب السمار
    اذا كانت الحالة صعبه روحي للدكتور يسويلك تقشير
    الحمام المغربي مهم لكن مو كل اسبوع ملح الحليب انصحك تصبرين عليه رائع للنعومة ووللتفتيح
    اهتمي بالغذاء لانه هو السر من جوا كثري خضار وفواكة وماء للترين اشربي على الريق ماء وعسل اوماء وليمون
    استخدمي فازلين للتفتيح مخلوط بزيت الوز المر واستمري عليه

تابعي تجارب أخرى من هذا القسم.