مساء الفل ياحلوات ،،،،
الظاهر إن هالمشاعر ترافق في الغالب كل وحدة في بداية حياتها أنا عشت أيام في القلق والضيقة مايعلمها إلا الله !! لكن صدقيني عزيزتي الموضوع عامل نفسي مرضي لابد تعالجيه بعدين تبدأين حياتك وأعمالك بهدوء .....
أول شي وأخطر شي التأفف والضيق قدام زوجك هذا أول عامل لطرد الزوج من البيت ثم عاد وش يرده إذا طاح في الإستراحات والعالم الضايعة يعني روقي حبيبتي ووسعي صدرك ترى الدنيا والله ماتخلص بالأصح " طنش تعش " وإذا إخترت غير هالمسار صدقيني أنت الخسرانة في كل الحالات إسأل المجرب .. عن نفسي صرت زفت في زفت عصبية لأبعد حد مع عصفوري الصغير المسكين لأنه حركيييييييييييييييييييييييييييييييي بس زين اللي تداركت نفسي قبل ما أحطم ولدي ،، دايما عابسه بوجه زوجي وأتألم:09: طيب وبعدين هالحركات قوليلي استعطفت زوجك أو حبك أكثر من أول ؟؟ لا والله إلا ينفر منك في النهاية ضقت من نفسيتي التعبانه لأنه صار عندي مرض القلق وبديت أبحث عن علاج للقلق في النت ومنها طحت على مواضيع في تربية الأطفال بعدها حسيت إني ظالمة نفسي وطفلي وزوجي وحرمت تفسي لذة الحياة خصوصا إننا في بداية الطريق والقادم أجل وش بيكون!! ،، ""أقول صارت قصة حياة بس" نو بربلم" بكمل لأني حاسة فيك ومريت بتجربتك
إذن وش الحل ؟؟؟؟؟؟؟؟؟
1ـ استمتعي ياأختي بحياتك و قولي لنفسك إللي مايخلص اليوم يخلص بكرا هدي من نفسك لأن مشاعرك الداخلية وإحساسك بالعجز والألم راح يظهر على تصرفاتك ومعاملتك
2ـ الشغل الأساسي في البيت هو الطبخ والمواعين اللي ماتخلص أما الغسيل والتنظيف فهو يومين في الأسبوع وبركه بعد إلا أماكن جلوسكم < يبدو لي إنك راعية طلعات لأنها هي اللي تقضي على وقتك >
فيه طريقة أحس إنها حلوة بس ماجربتها إنك وقت ماتطبخين الغدا تقدمي بدخول المطبخ شوي وسوي كل شي لليوم هذا من غدا وعصير وحلى حتى العشاء جهزيه على شان مايضيع يومك في المطبخ وإذا جاء زوجك وطلب شي يكون جاهز ومنها تروح زحمة المواعين مرة وحدة وتقدرين تقعدين مع زوجك وإنت مرتاحة وحاولي تستخدمين طريقة الفريزر في تثليج بعض الأشياء مثل كشنة الطماطم والبزار اللي فوق الرز وأشياء كثيرة تنفع
3ـ عصفورك الصغير وما أدراك ماهو.. بصراحة إحنا ظالمينهم نبغاهم يعيشو مثل حياتنا ونعتبر المؤدب إنه اللي مايتحرك صدقيني لما تثقفي نفسك بالتربية ومتطلبات الطفل راح يتغير تفكيرك وتحسي بكل حركة منه لها معنى وتستمتعي وأنت تشوفيه يتحرك واتركيه يلعب في بعض الأشياء اللي مافيها ضرر مثل إذا كنت في المطبخ مافيه مانع يلعب بالقدور والعلب الفارغة خليه يتحرك.. خلي عندك حوض ماء <طشت> حطي له مويه وألعاب ساعه باليوم وقت ماتحبي هذا شي يستنفذ الطاقة اللي فيه ويهدي من حركته أيضا إذا أمكن حوض تراب وفري له بعض الألعاب اللي تنمي خياله مثل التركيبات وتاخذ منه وقت ، أهم شي لا تكون ألعابه في متناول يده على الدوام علشان مايملها ويبدأ في تكسيرها طلعيها له وقت ماتكوني مشغولة مرة أو حابة تجلسين مع زوجك بهدوء حتى التلفزيون خليه وقت محدد علشان يجذبه مو كل وقت شغال وأنصحك في هالمجال إكتبي في قوقل عن تربية الطفل أو تنمية الذكاء عند الأطفال وراح تلقين نفسك في بحر لاساحل له
4ـ لالالالاتهملي شكلك قدام زوجك وتذكري إنهم يشوفون بلاوي في هالدشوش الله يهديهم ويسخرهم لنا.. وعليك أهم شي بالإستحمام يوميا لأن النظافة لها نضرة خاصة غير المكياج حتى إنت راح تشرق نفسك وتحسي بالإنتعاش وعليك بالدعااااااااااااااااااااااااااء إنه مايشوف زلاتك ويبارك لك في وقتك ويسخره لك ويعطفه عليك والقصور شي لابد منه لاتتوقعين أحد كامل هذي الحياة والله ياكثر الزلل بس ربك رحيم أهم شي تكون النفسية حلوة وبعدها الدنيا تصلح شوي شوي
وفي النهايه ماأقول إلا الله يصلح حالي وحالكم والله يستر على الزلالالالالالالالالالات
وهذي لك مني:26: :26: :26:
سؤال ضروري جدا جدا لكل المتزوجات
متابعة النقاش، صفحة 12