كيفكم بنات.. انابعد طلاقي تزوجت و مبسوطه ومرتاحه مع زوجي وماشاءالله حبه لي يبان علينا والناس تدري بهالشئ ومن تزوجته احلم احلام تتكررعلي بكثره اعوذبالله من الشيطان اصحى متضايقه واشك بزوجي واتوهم اشياء .. بس احاول انه مايحس علي ابد عشان مايتضايق مني
.. المهم زوجي قبل مايتزوجني خطب وحده من العايله ورفضته وتزوجت واحد ثاني ومرت السنين وتقدم لي وهي عايشه مشاكل مع زوجها ومو مرتاحه ولما عرفت اني مرتاحه مع زوجي وسعيده اشتغل الحسد وصارت تتبع اخباري وبس اجيب طاري زوجي ينقلب وجهها واحس ودها انه هي مكاني .. طيب خلاص كل شي قسمه ونصيب .. وصرت اراقبهم بالواتس من كثرة شكوكي واحيانا اشوف اخر ظهور لهم مع بعض وبنجن من القهر واتعوذ من الشبطان واحاول انسى ..
المهم احلم فيها دايم انه معاي بالسياره انا وزوجي وكأنها تكلمه وبينهم علاقه .. ومره حلمت انه نايمه معه بالسرير.. وحلمت اخوي جاني وقال لي شفتي زوجك يخونك مع فلانه واعطاني جوال ويوريني رسايل ومكالمات ولما سألتها بالحلم طبعا اعترفت وقالت ايه نحب بعض وابيه ويبيني .. والحلم الاخير يابنات هو الي خلاني اكتب موضوعي وابي مساعدتكم والنصيحه منكم حلمت انه حصلت مشكله بيني وبين زوجي وخلاني شهر عند اهلي واشوف انه مايبيني ويبيها .. وقمت كلمتها بالجوال واقولها الله لايسامحك الله لايسامحك واردد حسبي الله ونعم الوكيل ثلاث مرات وانتهى الحلم
بنات تكفووون طمنوني هل هي حاسدتني وهالاحلام من الحسد والغيره .. هل هو تنبيه لي من الله لانه دايم ادعي ربي بكل وقت ان كنت مخدوعه بزوجي ان ربي يظهر لي الحق ..هل هو نصر لي من الله وفرج .. انا كنت برسل على قسم تفسير الرؤى بس يطولون بالرد مررره
انتظر ردودكم بفااارغ الصبر ..الله يفرج همي وهمكم ويرزقني واياكم راحة البال يارب
الموضوع مغلق