بنتي المراهقه والجوال 😞

انا بنتي قد بنتك شلت الجوال منها بس شغت الكومنتات حقت الاستقرام شلته

انا معهن الجوالات بعد مدخلن المتوسط اول مكان يهمهن من دخلن المتوسط تغيرررن ولدرجة البنات يقولون امكن معقده كل شي لالا .....السناب مايعرفهن والاستقرام بعد بس البي بي والواتس والحين حتي البي بي مايهمهن ...... الحين صايرات يززنن يبن السناب وانا رافضته نهائيا ...هن يخفن من خوالهن علشان كذا يسكتن اما ابوهن مايعرف شي بهالبرامج نهايئنا ......

اما لبنتك لازم احد تخاف اسلوب الذوق والحوار مامشاء معها لازم عقاب او يختي اسحبيه نهايي اهم شي مصلحتها او سووي زي متاخذه الابخميس وجمعه الجوال .....اما اربعه وعشرين ساعه انحراف وحتي دراسه ماتهتم لها .....انا اقولك اذا مخافت كل شي تسوينه ماينفع

هو الطفل والمراهق يبغون تسلية بالبيت
فأنت فكري جيب لها بديل بحيث ما تتوصل مع الناس ويخربون عقلها
أعرف وحدها منعهم أبوهم من الجوالات بتاتا إلا في النادر
البنات طفشوا راحت وحده تشغل شيلات وترقص
أبوها ملتزم ومطوع خاصمها هذا حرام
على طول تدخلت الأم ، قالت أنا عارفه أنه غلط بس أنت حرمتهم من كل شيء يعني ايش يسوون الكبت رح يوديهم في داهيه
وهذا أهون شيء يسوون خلهم يشغلون شيلات ويرقصون ولا يكون في يدهم الجوالات .
هو حل غلط بس يعتبر الأقل خطر


وهم أبوهم ما حاط لهم قناة غير المجد
وهي تقول مو عارفه ايش تجيب لهم بديل
قلت لها احنا زمان ما كنا نسلي نفسنا الا بتلفزيون والمسلسلات الخليجية المعروضة بقناة السعودية والشارقة فقط مافي اي وسيلة نتواصل مع الي بره


التسلية بالمشاهدة عبر التلفزيون تقدري تتحكمي فيها وتشوفي وتراقبي أمامك بالصالة وتشاركيهم المشاهدةطبعا قنوات ليست أجنبية ولا عربية فقط خليجية
بس ألي يتسلون عبر الجوال هم ألي يخوفون كل المسلسلات التركية والكورية في المواقع النت ولا يطمسون شيء
لكن هو رافض غير قناة المجد ، وهم يحسون كبروا على أفلام الكرتون
وأحيانا من ضغط البنات يعطيهم أبوهم الجوالات وهي الأم تخاف عليهم لمن تشوف بناته على جوالات مثل المغناطيس
أنا أشوف تحرميها من الجوال وأنت ا صنعي جوا التلسية لبنتك
عارفة دحين في طريقة شفت بنتين سووها أنهم يتصفحون الاستقرام عن طريق التلفزيون من خلال الجوال
مدري هو بلجكتر أو غير
ممكن تتصفحي أنت وبنتك مع بعض وتعلقوا على الأشياء ألي تشوفوها سواء فساتين مقاطع مضحكة مقاطع في اليوتوب مثل الي بنتك تحبها وتشوفوا السنابات مع بعض اذا طبعا عامة وماهي خاصة
أنا أشوف الأولاد كمان لو يشتري لهم أبوهم بلاستيشن
ولا أنهم يكون في يدهم جوال أو لاب توب لأنهم ممر لعالم كبير كبير .

والله يصلح بنتك وبنات المسلمين