((زوجـي واهلي)) الموووت ارحم من حياتي / قديم

بجد اصدق في امهات كذا واعرف ام كذا تكره بنتها الكبيره وتغار منها ولاعمرها كلمتها وهي معها بالبيت وتتهمها باشياء هي ماسوتها بس عشان ابوها يضربها ويكرهها وتعقدت البنت بس الاب دايم يصير حنون على بناته ابوها متفهم حاله الام وكان يوقفها عند حدها وهذا الي مصبرها
لكن انتي ابوك خايف من امك ولايقدر عليها تلقين قلبه متقطع من جوا عليك بس انا الي مستغربته ليششش هالقد يخااااف منها هو يقدر يجيك ويروح بدون ماتدري ويقدر يخليها ماتحس قوليله ياابوي تعال كل اسبوع عندي وتقهوا عندي ونسولف مانبي نتكلم بمشاكل يمكن يخاف يجي وتتكلمين معه بمشاكل وهو مو ناقص يكفي الي في البيت
وانتي بالبيت مع زوجك لاتحسسينه بهالمشاكل ولاتعلمينه شي ولو قلتي بفضفض له انتبهي خلي الماضي في الماضي وعيشي حياتك الحمد لله ربي عوضك فحافظي ع بيتك وزوجك ولاتفكرين فيهم عليك انك تصلينهم وتسلمين عليهم بس في الشهر مره ولاتطولين ساعه ساعتين وروحي بيتك هاالبنت الي تكلمت عنها تزوجت وصارت تسوي كذا ماتجي كثير بس بالشهر مره او بالشهرين مره وتسلم وتجلس شوي وتروح لان مايجوز القطاعه وعشان مايكتب عليها قاطعه ومع ذلك امها تتكلم من وراها وابوها توفى وزادت عليها لكن صابره تقول اهم شي زوجي وعيالي الله معوضها عيالها يبرون فيها لانها صبرت ماشاء الله وانتي اصبري وربي بيعوضك بعيالك ان شاء الله بس حافظي ع بيتك وزووجك واتركي الماااااضي خلاص مافي احد خالي من المشاكل الحمدلله على كل حال وعسى ربي يسعدك ويعوضك ويحقق لك الي تتمنين

لا فيه مثل أمها وألعن كانها تتكلم عني نفس الأحداث صارت معي بس الفرق بيني وبينها أنها تزوجت ونفذت بجلدها عكسي اللي مازلت عايشه تحت نارها
نفسي وأمنية حياتي أتزوج وأعيش كلمة السعادة اللي أسمعها فقط ولاعمري عشتها
اللي تقولين مافيه أم كذا للأسف فيه كثير وأمي وأم صاحبة الموضوع أكبر مثال، سبحان الله أمي نفس الشيء كانت تحرض أبوي علي وابوي كان متجبر كرهني وعيشني في جحيم وكان قوي البنية ويضرب فيني لحد مايغمى علي مرضت بشتى الأمراض النفسية لدرجة وصلت حد الجنون والإنفصام ومازلت أعاني من آثار الماضي حسبي الله ونعم الوكيل
عشان كذا أبغاكم تدعون لي ياأخواتي إن ربي يعوضني باللي ينسيني همومي واعيش لو شوي من عمري في سعادة وراحة بال نفسي اعيش هاللحظات طلبتكن إدعن لي ولكن بالمثل

ياحياتي الله يسعدك ويغنيك عنهم ولايحوجك في يوم لهم ولا لغيرهم الله ينصرك ويرفعك ويؤجرك يارب ارفعي راسك واملأي قلبك وروحك بحب الله ربك الكريم الرحيم الحليم افرشي سجادتك واشتكي لخالقك وثقي ان حقك بتاخذينه ربك العدل الذي لايظلم احدا حسبي الله ونعم الوكيل

الله يرزقك الزوج الصالح الي يسعدك ويخاف الله فيك

ياقلبي احس مو مستوعبه فيه اهل يسوون كذا ببنتهم ضناهم الله يفرجها عليك ويصلح حالك
ماادري ايش اقولك مابي ازيد على كلام البنات الاانك تخففي زيارتك وماتطولين نص ساعه الاوانتي مروحه واعطي ابوك اي عذر ناس بيجوني معزومه عن ناس بروح مستشفى اهم ماعليك صحتك
وكمان حاولي تكسبين زوجك وتعيشين حياه حلوه واخلقي لنفسك سعاده بعيد عن اهلك
الله يسعدك ويوفقك دنيا واخره