جارتي المعلمة وصراخها....! << معدل

المشكلة هنا مو مشكلة اجنبية او لا تكفي انها عربية مسلمة و اشوف لا فرق بين المسلمات لصرنا احنا نفرق بيننا بكلمة اجنبية وش خلينا للغرب وش فيها الاجنبية تراها مسلمة زيك و زيي و كباقي النساء و ممكن تكون احسن كمان و الله اعلم ,, لي صديقات غربيات أسلموا و عليهم أخلاق ما اشوفها في العربيات المسلمات و مع ذلك ما اشوفهم اجنبيات يكفي لنا نفس الرب و الدين و الرسول صلى الله عليه و سلم
مشكلة الصراخ كان جيتيها باسلوب حلو و ليس بالتهديد اما الشيشة لا تظني بها سوء يمكن مو لها و ان كانت فلها رب يحاسبها
مو احنا اللي نحاسب ننصح بطريقة حلوة لان الدين نصيحة
قال (ص) :" لا فرق بين عربي و عجمي إلا بالتقوى "

ينقطع رزقها ولا تجنن العيال

كفوووووو والله انتي كفو ومو على قصة ××× حتى لو ×××
العيال امانه عندها مو تستضعفهم وتفلت لسانها فيهم
ولافيها قطع رزق لو علمتي اهلهم انا منك اوصلهم الموضوع
هذول اطفال يمكن يشتكون وماحد يسمعهم
الله يسخرلك ولعيالك اكسبي اجرهم وهي اما تتعامل باخلاق ولا لاتستقبل اطفال
واللي يطالبونك تتعاملين باخلاق ترى احيان اللي قدامك يحسبها ضعف خصوصي لاصار مضغوط واعصابة تلفانه
اللي عليك الحين وصلي الخبر لاهلهم
وحنا اطفال يااااما انفجعنا وخفنا من الترهيب النفسي من ناس يبي لها تتعلم ومحسوبين مسلمين وهم شطارتهم وعقدهم يفرغونها بالاطفال

اختي من حقك تبلغين جارتك انها تخفض صوتها
هي جارتك وانتي مأمورة امر في دينك من نبيك صلى الله عليه وسلم بان تكون لها مكانه ولها احترام وتقدير مهما كانت عيوبها وايا كانت جنسيتها وديانتها
قال صلى الله عليه وسلم : مازال جبريل يوصيني بالجار حتى ظننت انه سيورّثه ( يعني ظننت ان جبريل عليه السلام سيبلغني عن ربه ان الجار يرث الجار الا انه أوصاني ولم يجعله وريثا ) .
ولا يمنع ان تنصحي جارتك باللتي هي احسن
واكرميها واعزميها وارسلي لها من أكلكم وساعديها وتجاوزي عن اخطائها واستري عيوبها وادعي لها بصلاح الحال ، هذا هو ما امرنا به ديننا الحنيف .
وانتي ما دام رحتي وطلبتي منها بأسلوب طيب انها تخفف من صوتها هذا امر عادي ..
لكن لو مثلا عزمتيها عندك واكرمتيها وقلتي لها وانتي تبتسمين يا فلانه حاولي تخفضين من صوتك علاشان ولدي او بنتي ينزعجون ويقومون من النوم اذا قدرتي خفي شوي لو قلتي كذا اكيد بتستحي منك ولا راح عاد تسمعين صوتها ..
عموما اسال الله ان يهديك لما فيه الخير ويهدي جارتك ويجعل بينكم موده ومحبه لله ..

مدري ما حسيتها مصرية
ما احس ××× راعين شيشة فيه جنسية معينة جت في بالي يوم قلتي شيشه الله يعافيهم ولا يبلانا
الله يكثر من امثالك وبالعكس محد يتحمل احد يصارخ على عياله لا وبفلوس ! يعني يندفع لها عن كل دقيقة تدرسهم فيها ومع ذلك تصارخ ! سلامات