غباءات الطفولة

يوم كنت صغيرة كانت أمي إذا جانا عمي عادي تدخله ونقعد نلعب معه أنا وإخواني ونسولف معه وتجيب أمي القهوة وتحطها بالمجلس ويسألها عن أبوي وعن أخبارنا وتعلمه بأمور البيت والمستجدات مرة تقول هالغرفة صبغناها بويه وهذي غرفة فلان أثثناها كنا تونا ساكنين طبعا كل هذا وهي واقفه وبرسمية وبعبايتها وتدخل جوه وييقعد يتغدى مع أخواني ويجلسون في المقلط عالتلفزيون فكنت أحس عمي جزء من الأسرة من يجي نجيب له كل الأخبار ونفرجه على أغراضنا الليي شريناها




طبعا مرة هالميانة أوقعتني في مصيبة كانت أمي شاريه جلابية وفستان وذهب وجزمه وأغراض عشان عرس خالي

طبعا جبتها أوريها عمي وهو اصفر وجهه واخضر وأنا أفتح الشنطه وهو يغطي وجهه خايف يطلع مصيبه ههههه

دخلت لأمي وقلت لها وريت عمي أغراضك ... طبعا كانت ترتب الغرفة التفتت وأعطتني هديه لن أنساها هههههههههههههههه







يالله عطونا غباؤات الطفولة في حياتكم الأسرية هذا الموضوع فضفضه لأني مرهقه نفسيا الله يعين عالدنيا