بالنسبه لموضوع الطلاق خليها تطلب من اهلها يسألون عنه من جديد اول شي ثم بناء على السؤال تشاور نفسها واهلها ثم تستخير وتحط في بالها بعض الاشارات ايام الخطوبه تكون خيط يوصل لشخصية الخاطب الحقيقيه واحياناً في امور اغلبها تمثيل وثرثرة لذلك انا اشجع وبقوة ان اهلها يشوفون اخوياه وزملائه والاماكن اللي يتواجد فيها وجيرانه ويسألون عن شخصيته واطباعه لانهم اكثر ناس عندهم معلومات عنه .
واذا تقدر ممكن تفتح معه نقاش جاد ترجعه لحجمه الطبيعي
يعني تقول له كلامنا مع بعض سطحي كله وين سافرت وكم صرفت وايش شفت وين رحت وايش اشتريت ولبست .... الخ، طيب وبعدين وين الفايده ؟
كأنك تكلم زبون او تاجر تبي تتم معه صفقه او تتبادل معه مصلحه تجاريه او ماديه ، كلام مافيه عمق ولا جديه ولا يدور حول الحياه الزوجيه وبناء الاسره اللي اهم اركانها الموده والرحمه
وتسأله ايش هي الشخصيه او الفكره اللي حاب توصلها لي عنك لما تتكلم عن الماديات والشكليات والمظاهر الخارجيه فقط ؟
وتسأله هل تظن اني ابحث عن زوج يصرف علي ويسفرني وكلامه كثير عن النسوان وكيف يصنفهم ويوصف اشكالهم بإزدراء وموضتهم ولبسهم ويتدخل في امور نسائيه خاصه ؟
ثم ترد عليه باللي في خاطرها بوضوح واحترام بانها انثى مثل كل النساء فطرت على العاطفه والحنان والاهتمام
وان الشكليات والقشور اللي يتكلم عنها مع الايام الكل يتعود عليها وما اظن اني ماشفت خير عشان تغريني الماده ، انا انثى انثى ارغب بزوج محب حنون يقدر ويحترم المرأه
يحبني لذاتي وليس لستايل لبسي ولون شعري لاني في يوم من الايام قد يذهب جمالي ومالي وقد تسوء صحتي ولن يجمعنا غير الموده والرحمه والاحترام والحب اللي يجمع أي زوجين على وجه الارض
واذا كنت تنظر لي كقشور ومظهر وشكل خارجي دون أي اهتمام لشخصيتي الحقيقيه ولمشاعري ولكياني ووجودي وانوثتي فكيف اشعر معك بالامان او اثق ان زواجنا يستمر
وبصراحه زوجها ماكفخته الحياه ولا سطرته الحاجه عشان يعرف المسؤليه والحياه الفعليه للاسف عايش فوق برج عالي وينظر للناس اقزام تحته
خليها تصارحه بحدود الاحترام وتخليه يحس انه نافخ نفسه على الفاضي وان قيمته صفر بإسلوبه وهياطه
اللي متزوجه تدخل ربي يسعدها
متابعة النقاش، صفحة 3