ام زوجي تسكن عندي

ما تنلامين اذا شكيتي من التعب
كبار السن طلباتهم تعب والله
وغير الاكل له طرق خاصه للمرضى
ولا يعجبهم شي سبحان الله

وش يسوي ياقلبي ؟ امه مريضة سكر ومحد يرضى ينرمى في كبره وهو مريض
انت احتسبي الاجر وحاولي تكسبينها وادعي ربك يسخرها لك ويعمي عيونها عن عيوبك
وزوجك حثيه على برها وفي نفس الوقت حاولي معها يفصل ويكون عادل
مثلا سالفة الحمام نشفيه اذا خلصتي متحممه وطنشي كانك ما شفتي شي الين تمل
وسالفة الطلعات كلمي اخواته وفهميهم انك مثلا بتطلعين في اليوم الفلاني ويجون عند امهم ولازم يكون فيه تعاون بينك وبينهم
وكذا وكذا الين اموركم تزين
لكن سالفة انك تتحملينها لحالك غلط وفي نفس الوقت خلي لبناتها نصيب في البر فيها لو بكم ساعة تخففين من توترك وتطلعين معاه

حسبي الله ونعم الوكيل على أمهات الأزواج اللي مايخافو الله بحريم عيالهم
لازم تكوني قويه وتأخذي حقك منها لأن هالأشكال ماتنفع معهم الطيبه ماينفع معهم الا القو
أنا تزوجت وعمري 19 سنه والحمدلله تعلمت من أمي كيف أتعامل مع أم وأبو الزوج كيف أحترمهم وأقدرهم وأعطيهم حقوقهم وأبرهم بس للأسف كني ماسويت شي بس كل بأجره
أنا سعوديه من قبيله واللي تقدم لي طبعآ سعودي من قبيله ثانيه وفيه صله قرابه بعيده طبعآ أمه سوريه متسلطه قويه ماتخاف الله ظالمه بكل ماتعنيه الكلمه حسبي الله ونعم الوكيل فيها ذوقتني أصناف العذاب النفسي ومادام زواجي الا ست شهور كانت تكرفني كرف شغاله مو زوجه وكنت صابره والله لو أقولها لكم ماتصدقو انه في ناس تسوي كذه بيوم وليله زوجي قال تبغي تسافري مع أهلك قلت ايوه وحطني عندهم وقال انا راجع لمنطقته وكلميني بالتليفون أبغاك ضروري قلت طيب وكلمته قال انتي طالق انصدمت ومت قهر وبعدها طلقت مرت ولدها الأولى والثانيه تعايشت مع الحياه بمراره وكنت حامل بست شهور وبعدها ولدت وجبت ولد يجنن ويوم صار عمره سنه وشهرين قعدو يتحايلو نبغى نشوفه وكنت خبله اوريه الولد ويأخذه اربع ايام ويرده وشافتي أمنت عليه لين أخذه مره وحده بغيت أموت ورفض ابوي يرفع قضيه لأن أبوه يصير خاله هينا أنا انجنيت وركضت برمضان للمسجد وأنا أبكي أن ربي يأخذ حقي منهم وكبر ولدي ويوم صار عمره 11 سنه جاني وتقابلنا بس يوم رحت للمسجد وأنا أبكي دعيت عليها لين نشفت دموعي وانعصر قلبي بس تندمت أني دعيت عليه ماتو عيالها الأثنين خلال 3 أسابيع يعني مات الاول وعنده 5 أطفال مشتتين من زوجتين وهي اللي طلقت الأولى وبعدها بأسبوعين مات الكبير وليتني مادعيت وهي تطلب من السماح بس والله مأني قادره أسامحها حاولت حتى طليقي يقول سامحيني وماقدرت عيالها مالهم ذنب
عشان كذه لازم تكوني قويه

جزاك الله خير حطيها بعيونك والعصبيه لابد منها وهم كبار
اذكر امي تقول كنت حاطتها بعيني بس تزعل من ادنى شيء
والحمدلله تقول ماتت وهي راضيه علي ولا تنسين ترى الزوج ما ينسى جميلك معها وتظلين قلبه وين ما رحتي
واولادك انتي باامكانك تشترين لهم تلفزيون حطي لهم الي يبونه
وهي تلفزيونها خلوه بغرفتها عندها
بس ما اوصيك حطيها بعيونك ولا يغرك كلام الناس ولا تنتظرين المديح من احد الدنيا تدر وبيجي اليوم الي تحتاجين

يا ربي رحمتك
والله الظلم ما يخلف الا الدمار
تطلقوا عيالها و انحرمت ام من ولدها
وتشتت اسر
ما يستاهل كل هذا لو كل ام اعتبرت زوجة الابن بنت لها
والعكس صحيح