شاركي في النقاش

سجلي الدخول لإضافة تعليق.

التعليقات

2,022

  3. @good999

    ام اصيل
    الله يعطيكي العافيه ما شاء الله جمعتي كل الردوود المفيده التجمع مرتب ومنسق الله يجزاكي خير

  4. @am_ayaaad22

    الله يعطيكي العافيه
    ياام اصيل الاجمع مرتب وفيه كل الردود المفيدة 🌹🌹


    البنات اللي نزلو مشترواتهم في التجمع اللي قبل
    الله يهنيكم واغراضكم حلوه


    كيوت
    كلمت قريبتي تروح مايورال تشتري الشنطة بس مارضيت تديني حسابها احول تقول اول بروح اشوف وبعدها ماردت فسكت قلت مابحرجها وشكلي بهون عن الشنطه😓
    ياليت اللي نزلت السوق وشافت شنط حلوة ف مذركير او سنتر او اي محل شنط تصور لنا




    سوسو سارونه
    يعطيكي العافيه على نصايحك الحلوه🌹

  5. @good999

    روز
    ربي بيسهل لك ولادتك وتتيسر باذن الله انا زيك بولد لوحدي وفغربه كمان
    بس شوفي للفطور بعتمد الشوفان بالتمر او عصيدة شوفان بالتمر بالاضافه للكورن فليكس و ساندوتش البيض مع الطماطم يعني كل يوم شي
    وطريقة الشوفان بالتمر
    فالخلاط حطي كوب حليب مع تمر العدد الي تبغي انا احب اكثر التمر يعني 10 حبات او خليها فردي على السنه
    وبعد كذا حطيه فقدر واضيفي نص كوب شوفان وكوب ونص مويه وخليه يطبخ على نار هاديه
    لين يصير قوامه ثقيل واضيفي عليه نكهات زي القرفه وفانيللا وهيل
    سريعه وما تاخذ وقت
    وافضل اشتري الشوفان سريع التحضير عشان 5 دقايق وهي جاهزه اذا ما تعرفيه بنز لك صورته
    وسوي الجريش بالشوفان مرره لذيذ ومفيد ينفع غداء او عشاء
    طريقته فقدر ملعقة زيت زيتون وبصل نكشنها وبعدين نضيف صلصلة طماطم و ملح و بهارات كركم وفلفل اسود مطحون ولومي اسود ونضيف مويه ونضيف الخضار الي تحبي
    انا استخدم المجمده اسهل فالتحضير واذا نضجت الخضار اضيفي كوب شوفان وحركي لين يصير قوامه ثقيل واستمتعي بالطعم
    وممكن تضيفي سيقان الدجاج مع الخضار او لحم حسب رغبتك وحتى البهارات حطي بهارات الي تفيد النفاس
    وكمان ممكن تسوي لحمه مفرومه من قبل وتفرزنيها زي حقت رمضان الي للسمبوسه واذا جيتي تسويهاا للغداء او العشاء حطيها فصينيه افرديها وجيبي بيضتين مخفوقه
    ومملحه وصبيها عليها وحطي فوق شرايح فلفل رومي وطماطم وجبنه موزريللا ودخليها الفرن ربع ساعه وهي جاهزه
    وخلي زوجك يساعدك كمان فالتجهيز لانه كله اشياء سهله
    بس ممكن نفرز الشوربات وكمان نجهز الخضار اذا ما تحبي المفرزه جيبي طازجه وغسليها وقطعيها وفرزيها
    وعلى فكره انا استخدم حليب اللوز بدل الحليب العادي لان العادي يسبب غازات لك وللبيبي

تابعي تجارب أخرى من هذا القسم.