✨🍼التجمع الـ ( 15 ) لأمهات مواليد مايـ..5..ـو & يونيـ..6..ـو🍼✨2016

جزاك الله خير ام اصيل ،، ويعطيك العافيه ع المجهود الرائع 🌹
ممكن يكون هذا آخر تجمع لنا 💔
اسأل الله العظيم ان يجمعنا واياكم في جنات النعيم على سرر متقابلين

ي عمري جزاك الله خير وانا قاعده اقراء كلامك وكتبتي حليب وانا ناويه اكس ع حليب البقر الين مايكمل الطفل 4 شهور ان شاء الله ف قولت ان شاء الله حستخدم حليب اللوز الا لقيتك كتبتي حليب اللوز هو من ناحية الطعم البقري اطعم بس ف الحليب النباتي حليب اللوز افضلهم ف الطعم ،

بس الشوفان سريع التحضير مااعرفه قصدك كويكر ؟؟

واللحم المفروم اضيف له بصل وثوم واكشنهم بس كدا وافرزنه ولا اضيف اشياء ثانيه معاه ويتفرزن ،

لانه حجربها قبل مااولد عشان مااضيع يومتها واصير حابكتها اكثر ان شاء الله ،

عجبتني مره طرق الاكلات وشكلها لزيزه حفظتها ف الملاحظات الله يسعدك ويسهل علينا 🌹..

موجود ف الدانوب وبنده ،

انا من النوع الي بطني دايما غازات وانتفاخات وكدا وجربت قبل تقريبا سنه انه اخلي اكلي كله نباتي مااكل اللحوم الا ف الويكند وافضل السمك تقريبا يوم واحد ف الاسبوع وباقي اليوم نباتيه بحت حتى الحليب والاجبان البقري اكس ، الحمدلله راحت مني نفخة البطن والغازات بس رجعت لااكلي رجعت المشكله ،

بس الي ماعجبني ف النظام النباتي انه نزل وزني حقت اثنين كيلو وانا اصلا وزني نازل احتاج زياده 5 كيلو ف نزلت ولمن رجعت اخبص ف الاكل رجع الوزن ،


كان نباتي وكل شيء اسمر سواء مكرونه او رز او خبز .

يعني بيض وحليب بقري وجبنه ولبنه ولبن وجميع انواع اللحوم اكس ماعادا ف الويكند اكون ف بيت اهلي ف اقولهم جيبوا سمك مشوي واكل بس باقي الايام اعوض بالبروتين النباتي حمص وعدس بجميع انواعه وماش وغيره وزبدة الفول السوداني فيها بروتين بس تسببلي حبوب ف مااقدر عليها ،

ي عمري الله يسعدك ان شاء الله بدخل اللحم بس كنت حاذفته اول اسبوعين لانه ياخذ وقت عشان يستوي ف ابغى بس صحتي ترجع شويا وحسويه ان شاء الله ،

لكن نسيت اللحم المفروم وانه ماياخذ وقت ف الله يجزاها خير جود ذكرتني وان شاء الله ع اول اسبوعين حيكون دجاج سيقان ولحم مفروم وبعد كدا حدخل اللحم مع الشورب ان شاء الله ،


ربي يسهل ع الجميع ❤..

جزاك الله خير بس بسالك اللحم ينفع لحم بقري مقطع مربعات ولا لازم لحم غنم عظام ؟

ومشكوره ي قلبي 🌹😘.