انا لو رجال وكل يوم طلبات عسى ما ادخل البيت الا جاتني طلبات وخدمات بنحاش من البيت عشان ارتاح
انتي فكري بالطرف الثاني مو بس تفكرين بنفسك كذا يصير الوضع انانيه وتفكرين بس بنفسك
وحاولي ترتبين امورك وحياتك والطلبات والمشتريات مو كل يوم ، شوفي بيتك ايش ناقصه من اغراض واكتبيها بورقه بحيث تكون الاغراض تكفي شهر أو بالقليل اسبوعين ، واكثر العوايل كذا اول مايجي الراتب يقضون للبيت اللي يكفي شهر او اسبوعين على الاقل .
وبالنسبه للاسواق والاغراض الشخصيه برضوا نفس الشي مو كل يوم متذكره شي وبتطلعين للسوق عشان عطر ولا مكياج وتبين زوجك يوديك حالاً وسريعاً ، هو مشوار واحد تقضين فيه الضروريات اللي تكفيك فتره طويله .
يقول المثل اذا اردت ان تطاع فـ اطلب المستطاع .
ولا تضحكين على نفسك وتصدقين اللي تقول لك في وقت معين تطلبين من زوجك ويوافق ، ترى الرجال ذكي مو غبي ينضحك عليه بكلمتين يقدر هو يضحك عليك ويوافق عشان ياخذ طلبه ثم يسحب عليك .
وحسب كلامك زوجك يمكن يحس انك ماتحبينه انتي بس تبين منه طلبات ومشاكل يعني مايحس ان دخلته البيت تريحه او توسع صدره كل مادخل استقبلتيه بالتشكي والحاجات السلبيه .
جربي تنظمين حياتك وان شاء الله تحسين بالفرق للافضل
بنات حواء الخبيرات زوجي ايش يقصد بكلمته ادخلوا وسا
متابعة النقاش، صفحة 4