تقدملها اثنين وهي تبي الاول

السلام عليكم
اختي عمرها24
متخرجة
تقدملها اثنين
واحد يكمل الدكتوراه برى وتبي تسافر معاه تدرس لغه
ومره مقتنعه انها تتغرب سنتين
وسألنا عنه الكل يمدحه
واختي واحنا مقتنعين فيه
لكن ابوي ما اقتنع ابدا قال صعبه تتزوج وتسافر تتغرب
خوفي ماتتحمل او خوفي يضيق صدرها وتقول ابي ارجع
لو تزوجها سنه وعاشت هنا ثم سافرو بعد ماتعودو على بعض ممكن
بس تتزوج وبعدها بأسبوعين تسافر مع زوجها برى صعبه
ومره ابوي متصعبها حاس انه اختي راح يضيق خلقها وترجع
مدري ليش ابوي متردد
ويقول هو الحين يدرس ومو موظف فرضا رجع ومالقى وظيفه
وقام يطلع عذاريب
بس اختي قالت انا مقتنعه وابيه
يوم شاف اختي تبيه
قال خلاص اقابله واتكلم معه واشوف وش يحصل معه
وبلغنا ام الولد تخبر ولدها والولد حجز وبيجي بعد10 ايام يمكن
المهم امس دق واحد من جماعتنا دق على ابوي وخطب اختي يشتغل في بنك عايش هنا
طبعا ابوي بلغنا وقال بشوف الرجال بكرا
قالت امي بس عطينا الاول كلمه وبيجي الرجال يقابلك بعد 10 ايام
قال ابوي ومن قالكم بزوجها هذاك اساسا انا ماوافقت وغير كلامه كله
وقال دقي عليهم قولي مافيه نصيب
انا ماقتنعت انه بنتي تتغرب سنتين وهي عروس انا ابيها عندي
قالت امي بس انت قلت خله يقابلك قال لا يقابلني ولا اقابله قولو مافيه نصيب
واختي المسكينه قافله على نفسها ومتضايقه وتقول انا مرتاحه للاول وبعدين مايجوز خطبه على خطبه وقلت الكلام هذا الابوي وقالي لا اتدخل
والله انا ضاق خلقي على اختي تقول مرتاحه للاول مرره
وش نصيحتكم لازم اكلم الوالد ابي نصايحكم
قلتله لاتجوز خطبه على خطبه قال الخطبه الاولى من الاول ماقتنعت وبعدين هو ماشافها ولا عطيناه كلمه وماتعتبر خطبه رد علي وسكتني قالي مايجوز اذا قلناله اوكي وشاف البنت واتفقنا على العرس ثم جا ثاني خطبها وسحبنا على الاول كذا مايجوز وقالي اساسا حتى اذا ماتبي اختك اللي من جماعتنا عادي براحتها بس الاول ماراح اوافق عليه حتى لو الثاني ماناسبها ..

82 تعليق 5,645 مشاهدة

شاركي في النقاش

سجلي الدخول لإضافة تعليق.

التعليقات

78
  1. @rghdh_3

    صاحبة الموضوع
    والله مو بس الولد واهله كمان ينحطون على الجرح يبرى
    ويكفي اننا عطيناه كلمه والبنت مستخيره ومرتاحه بس وش نقول الشكوى الله
  2. @dno_mhmd

    هي منبهره كونه مبتعث والله خيره لها
    وابوك ما وده يضرها يبغالها الاصلح والرجال لهم نظره بعيده ووجهة نظر
    يعني هي مرتاحه له ع اي اساس .. يدرس ومغترب طيب ؟
    خليها تستخير وتوكل امرها لله والله يكتب لها الخير .. وانا مع الاب مهما كان هو ادرى واحن ع بنته
    بعدين اللي تقول الاب ماله حق الا له حق طبعا اول شي هو يوافق بعدين الراي للبنت فهمتوا ؟
  3. @rghdh_3

    صاحبة الموضوع
    والله مادري يختي حتى انا متردده وخايفه عليها من الغربه بس احترمت رايها وقت ماقالت لي ابيه ومرتاحه له والاهله
    الله يستر عليها
    وانا معاك الغربه لها سلبياتها

تابعي تجارب أخرى من هذا القسم.