شاركي في النقاش

سجلي الدخول لإضافة تعليق.

التعليقات

78
  1. @akht_oakhtha

    شكل ابوك من النوع اللي معقد شوي مايحب البنت تروح وتبعد وتسافر فكيف تروح تبتعث يخاف بزيادة ومايثق بزوجها
    انا اقول خليها تستخير عن الاثنين وتشوف وش يتيسر لها
  2. @akht_oakhtha

    طيب واذا كانت تبية عشانة مبتعث وش فيها ! الابتعاث نعمة ترا

    بعضهم بس حسد عشانها ماتقدر تروح ماتبي غيرها تروح

    وبما انة يدرس دكتوراة يعني بيرجع وهو طبيب
  3. @rghdh_3

    صاحبة الموضوع
    اخت واختها
    طيب واذا كانت تبية عشانة مبتعث وش فيها ! الابتعاث نعمة ترا بعضهم بس حسد عشانها ماتقدر تروح ماتبي غيرها تروح وبما انة يدرس دكتوراة يعني بيرجع وهو طبيب
    والله انك صادقه قلتي اللي نفسي اقوله للاخوات الحين يقولون بس تبيه لانه مبتعث بس لانه دكتور لا تنغر في السفر والدكتوراه
    انا مع اختي وبصراحه ودي لها بالخير بس اللي مخليني اتردد انه راح افقدها وراح تسافر
    والمسأله كلها نصيب بس بعض الردود تستفز لا تنغر ولا تتحمس ويققلون من اختيارها كأنه فراش مو دكتور
  4. @fgr_alaml_16

    اخت واختها
    طيب واذا كانت تبية عشانة مبتعث وش فيها ! الابتعاث نعمة ترا بعضهم بس حسد عشانها ماتقدر تروح ماتبي غيرها تروح وبما انة يدرس دكتوراة يعني بيرجع وهو طبيب
    يا عمري حسد على ايش !!!
    اليوم طلاب الثانوي مبتعثين و يدرسون برا
    يعني صاروا واو و رجال و دين و اخلاق
    و مال
    الابتعاث صفر على الشمال اذا كان الشخص عاطل، و مستقبله مجهول
    و اغلب اللي درسوا الدكتوراه هم موظفين
    لكن موضوع انه يدرس الدكتوراه و هو عاطل
    حطي تحتها مية خط و مية علامة تعجب !!!!!!!!


    الشي الثاني؛ هي ماجربت الغربه و مرارة الغربه
    على بالها بتقضي شهر عسل هناك
    وهي ما تدري كم سنه تجلس هناك ،و ماتدري كمية الضيق اللي بيجيها
    و ما تفهم كلامي الا اللي تغربت عن اهلها و ديرتها و ناسها


    الشي الثالث؛ توضيح لك ترى فاهمه غلط "دكتوراه " يعني شهاده بعد الماجستير
    مو شرط طبيب و ماهي محصوره على الطب
    ولا اتوقع انها بالطب لو بالطب كان اللحين موظف

    انا أشوف رأي ابوها احسن، لأن نظرته ابعد
    من نظرتها السطحيه للأمور
  5. @shhlaaa_alaayon

    الراي للبنت اهي الي بتتزوج
    واي غربه وماغربه كثير عادي عندهم يسافرون ومبسوطات وكثير تزوجو وسكنو بنفس مدينة اهلهم ونفسيتها زفت وماتأقلمت
    وسائل للاتصال قربت البعيد ،، وزياره سنويه ماعاد فيه شي اسمه غربه
    واذا علي وظيفته باذن الله بيلاقي مجالات الدكتوراه كثيره ...
    موحلو تعطي كلمة وتتراجع عنها ،،، عشان جا خطيب ثاني ممكن ربي يعاقبك ولاتتم امورك مع الثاني

تابعي تجارب أخرى من هذا القسم.